#السجين
نور آل محمد
.. حرگ دم وتعب واهات ودموع ..
.. وسلب راحه وسهر والنوم مسلوب ..
.. وكل موعد فرح واعياد وياه ...
.. وشوف الكون من يروح مگلوب ...
.. كل هذه وتكول نعوف وانساه ..
.. لا ايوب انا ولا انا يعگوب ...
------- ------- ------- ------- ------- -------
كاعد بلغرفه وحدي واقره كتاب
دك موبايلي وكمت اشوفه لان جان عشحن
شفت امي متصله كام رديت عليه
سلمت وسولفت وضحكنه وكتلهم بس هل اسبوع وارجع
ابو عصام : هااا غير لحد ميبدي دوام
زين : لاا اريد ارجع عندي اشغال هواي بالي لازم اسويه قبل الدوام
ام عصام : اي يمه تعال والله شتاقينالك
زين : انشاءالله
- جاي نحجي واجتي بنت اخويه عصام سلمت عليه وبقت تحجي وياي وكالت عمو تعال للبيت بنين راح صير عروس
هناا ضحكت وكلت بكلبي عله كولت اهلنه اخذ الفال من لاطفال.
ام عصام : اي صدك راح صير عروس ونروح بعرسه
زين : هااا
ام عصام : والله خطبه واحد خريج وافقت بي
زين : يعني صدك جاي تحجين لو تشاقين
ام عصام :لا والله صدك
- هنا نصدمت وصارت صدمة حياتي الجبيره انو بنين نخطبت وموافقه عله زواج منهه امي تحجي ومامنتبه لكلامه كلهه شجاي تحجي وشدكول رفعت راسي للباب عله اساس واحد يحاجيني اشرتله وكلت لامي لولد يصيحوني راح اروح اخابرج بعدين
طفيت الموبايل ومتت فار دمي اتصلت عله بنين ماترد راسلته ولاردت
اكثر من مره شوف وماترد
بعد نهيار كلش جبير كلت اني بعيد عن بنين واذا ماكتله بهل الايام راح يفوت لاوان
راسلته ماردت ولا فتحت عله راسئلي
وره يومين تقريب جان هوه يوم الخطوبه مالتهم راسلته وعترفلته بكلشي
زين : بنين الله يخليج ردي اني وانتي لازم نحجي سوه
زين : بنين الله عليج لا تنخطبين اني احبج واريدج
زين : بنين لخاطر النبي ردي
ياررربي دخيلك
-ماشافت رسائل وضليت انتضر شوكت ترد عليه واباوع عل موبايل بس ماكو اي رد
لليل وفتحت لموبايل ردت اراسله وشفته متصل عل واتساب راسلته ودخلت عله رسائل
زين : بنين ليش ماتردين عليه
احنه لازم نحجي سوه بخصوص علاقتنه
اني احبج وماكدر اعيش وي غيرج
والله العظيم احبج بنين
رددي يمعوده راح تخبليني
بنين احجي شي
باعي الي صار وعشتي وياي قبل اوعدج واقسملج ماراح ينعاد وراح انسيج كلشي صار
- ماردت ولا كانو احجي وياهه
عصبت ونهارت اعصابي وضربت ايدي عله جربايه حيل
شويه وباوعت عل مراسله وشفت بنين نطتني حضر
هناا حسيت بخيبه جبيره
حسيت اني فعلا لا شيئ كبالهه ومامعترفه بيه ولا بكلامي الي كلته .
ضجت كلش وجانو الولد ماموجودين اتصلت بيهم وكتلهم اريد اجيكم انطوني العنوان ورحت للبار
شربت حته انسه وكثرت كلش
مر هذه لاسبوع واني عله نفس الوضعيه يوميه اروح واكثر وادمنت الشرب حته انسه همومي وارتاح
وصلت وياي لمرحله اذا مااشرب احس اكو نقص او خلل بيه ...
مر اكثر من ثلاث اسابيع واني عله الوضعيه هاي حجيت وي اهلي بلموضوع وكتلهم. وكالو لاا انته طلكته ومايحقلك ومن هل حجي
فنفجرت وكتلهم جنت ماحبه وهسه حبيته واريد ترجعلي كلوله زوجه لاول يريده وراح يرجع يزوجه
بس تجاهلو كلامي
وحذرتهم وكتلهم اذا رجعت بعد يومين ولكيت بنين بعده لهذه نذل اسوي شي ميعجبكم
بس همه ماسمعو وضلو يضحكون عله عقلي وتفكيري
زواجج بنين باقي 5ايام عنه
خابرت بنين عن طريق موبايل علاوي
وكتله اذا مانفصلتي عنه يصر شي ميعجبج
ضلت تحجي وتبجي وانو تريد تبني حياته عله عدم وجودي بيهه بلاول
بنين : زين ماريد ازوجك مو اجباري
أنت تقرأ
السجين
Romanceذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
