السجين

بارت 1(ج2)

بسم الله والحمد الله دائما وابدا
لنكمل قصتناا بجزء الثاني لهذه الروايه الجميله
#السجين
نور آل محمد

موبيدي من ابتسم ..
كل ماحجو عنك ..
بس انته ضحكة طفل
ماينشبع منك .
والروح لمن تمر ..
يابه شكبر حضهاا ..
وعيوني اذا شافتك. ..
جيب اليغمضهاا ..
مرتاح يمك احس ..
كل الخساير قبل ..
بيك الله عوضهاا ..

-------------------------------------------------

بعد ما نخطبنه اني وزين وصرت مريته بشرع والقانون
علاقتنه بدت تطور صرنه نطلع سوه وونضحك ويجي يشوفني ويروح
علاقتنه كلش صارت حلوه
مر يومين زين مااجه شافني وميخابرني بس يراسل واذا كتله اتصل مايقبل ويتحجج
حسيت عليه هل يومين مو عله بعضه
حاولت اعرف شبي بس ماعرف هوه يكول مابيه واني مامصدكته
جنت كاعده بغرفتي وحدي واعزل بلكنتور مالتي وسمعت صوت علاوي
طلعت وسئلته اذا يروح لبيت اهله او لا
وگالي اايي هسه راح اروح

بنين : عفيه علاوي. شوف زين شلونه

علاوي : ليش شبي زين

بنين : ماعرف شبي لذالك اريدك شوفه

علاوي : يعني متعرفين اخباره قصدج ميحجي وياج

بنين : لااا يحجي بس شوفه شلونه لان احس مو عله بعضه

علاوي : ميخالف ادللي

بنين : اشكرك

طلع علاوي و رجعت لغرفتي واحس طمئنيت لان علاوي راح يروح ويشوفه
واعرف اخباره انتضرته هواي
لليل وتأخر كلش راسلت زين بس مارد عليه
وبعده نمت بدون مادري..

.................................................

مرت ايام عله خطوبتنه نحجي سوه اني وبنين
نطلع سوه اروح اشوفه اذا اشتاقلهه
وجان والوضع كلش طبيعي بس اخر ايام حسيت برودة
ماعرف ليش اريد بس ابتعد عنهه
كلت يمكن لان طولت خطوبتنه ماعرف شنو لاسباب وشنو لاجوبه رغم جانت لاسئله براسي كلش هوايه ...
جنت كاعد وحدي بغرفتي وندك لباب
وجان علاوي
زين :تفضل

كعد يمي وبده يسئل عن اخباري وصحتي شلونه واذا صاير وياي مشاكل او لا استغربت من اسئلته
بس طلعت لعينتين دازته.
ضحكت وكتله ماكو شي وخليه تريح بالهه لان اني الحمد الله اوضاعي كلهه تمام
وخلي تهتم بنفسه لان مابقه شي لعرسنه
بقينه نحجي هواي وراه طلع واني نزلت وياا
حته ثنينه نگول لهلي عله يوم العرس
اني سكتت وعلاوي حجه مكاني وكللهم احنه محضرين نفسنه وهيه البنيه ماعده شي
وانتم كذالك لذالك خلونه نسوي العرس سبوع الجاي
يوم لاثنين
كله وافقت واي شخص ماجان عنده عارض
ولايام الي باقيه هيه 7 ايام
يعني حته الي عنده شي يكدر يخلصه بهاي لايام ...
ماتصلت بنين ولا راسلته توقعت علاوي يروح ويكلهه لذالك كلت ماراح احجي وياهه ليله لحد ماتحجي وياي
بس ماراسلتني ولااتصلت
راسلته وماردت لذالك نمت ...