#السجين
علگناهه وفرحنه ..
والحزن راح ..
وربك عوضنه بهل الافراح ..
هذه اليوم الگلب عاف احزانه..
هذه اليوم ..
كل الربع فرحانه ..
هذه اليوم خلوني..
هذه اليوم ركصوني ..
هذه اليووووم..
علگناهه وفرحنه ......
----------------------------------------------------
قبل يوم الحنه جهزت ورتبت لحنتي بلاول
ماقبلت سماح اسوي حنه لكن اني بنيه ومن
حقي افرح والبنيه مالهه غير الحنه لذالك سويت وجنه متفقين اني وزين نسوي حنه وحده بقاعه بس ماعرف ليش زين تراجع وكال ماسوي حنه رغم توسلت بي بس قفل عل اخرر
خليته عله راحته واني سويت ..
لكل اجه وجيرانه والحفله جانت تخبل سويت جلوه وكمت ركصت وي البنات
ولكل شاركني بفرحتي
لكن جان فراغ كلش جبير وهمه اهلي امي ماموجوده بين النسوان وااختي نهله ماموجوده بين البنات وتركص وياهن ولاابوي يجي ويلبسني الذهب
جان مكانهم خالي وكلش مبين غيابهم ..
بجيتت بس عمتي ام عصام ضلت تحجي عليه ودكلي لا تبجين وكذاا وفعلا اني سمعت منهه شويه وسكتت
ورهه كملنه وكل شخص راح لبيته حته خالاتي مابقن باركلي وكالن نجي باجر صبح
نزعت لبدله وغسلت وجهي عن المكياج ماكو هيج راحه.
احس ثكل عله عيوني جان خصوصا مكياج العيون
الله يساعد الي يبقن مخلياته لوقت طويل.
صعدت لغرفتي بعد ما عزلت لبيت وي سماح
ماقبلت خطيه كالت عروس ومايصير بس اكيد مااسمعله لان تتعب. البيت جبير وهوسة النسوان وتعرفون هوسة الحنه ...
صعدت للغرفه وشويه واتصل زين باركلي وباركتله وسولفنه شويه وضلينه نضحك
........(وردت مسبقاا ) ........
بعده نمت وغطيت بنوم واني الابتسامه شاره حلگي شر
وقتت الموبايل
ونمت ......
كعدت من الصبح لان اليوم هوه احله يوم بحياتي يوم زفافي من زيوني حبيبي
اسعد انسانه بهاي الدنيا هيه اني اليوم
واخيرا واخرا اني وزين حنكون سوه صح كنه مزوجين قبل بس هل مره غيررر انشاءالله
كعدت وسبحت وتريكت وخالاتي اجن وعمتي ام قمر اجتي .
سلمنه وكعدنه ستحيت منهه لمن اجت عكس المره لاولئ
وحته هيه جان مبين عله وجهه الضوجه وعدم اكمال لفرحه
لو نرجع للواقع والحق حقهه لان هوه زوج بته الوحيده وخسرت بته وهوه راح يزوج
وخصوصا احنه نسوانه يفكرن انو هوه خلص نسه او شي لذالك راح يزوج ويعيش حياته لكن هذه ضن فقط
جان زين يختلف عن الباقي وكلنه نعرف شكد يحب قمر
وهيه شكد تحبه
بس يبقه فراغ عند الرجل ومايملئ الفراغ بحياته غير المره والعكس كذالك البنيه اذا ماعده رجال راح تحس اكو نقص..
اجتي سماح وكالت كومي حته نروح لصالون لان حجز ولازم من وكت
فعلا كمت بدلت وطلعت
اجه علاوي واخذنه لصالون وجان عالگه اغاني وركص
سئلت علاوي عله زين
بنين : اكلك علاوي شعجب مو زين لااجه
علاوي : والله ياخويه زيوني منشغل
أنت تقرأ
السجين
Romanceذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
