#السجين
اونن مانمت ليلي .... وساعه
وعليي ضاك كله ...... وساعه
ساعه تروح من بالي ...... وساعه
اذكرك والجنون يصير بيه ...
-------------------------------------------
شفت الصوره وكلش نقهرت عليه وراه نمت لصبح وكعدت نفس العاده البيت والغدا وووو...
اجيت كعدت بصف ابويه اني كلش قريبه عله ابويه وهوه مو بس اب صديق بنسبه اليه يعرف الي بداخلي بدون مااحجي .
ابويه اقرب الي من امي بهواي جنت دائمن ادعي الله يخلي اليه ويومي يصير قبل يومه لان بدونه مانعرف وين نروح هوه ملكنه الدنيا ومابيه ولو راح نعرف راح نعيش بذل وفراكه يبين لان احنه كلنا بنات واني ونهله صغار .
(الله يحفض جميع الأباء ويخليهم خيمه عله راسنه)
ام سماح : اكلك ابو سماح خلينه نروح اني وياك
ابو سماح : وين
ام سماح : انروح لسامراء زيارة علي الهادي باجر
ابو سماح : هاا ويامن
ام سماح : هاي ام حيدر جارتنه عده حمله
ابو سماح : شلون اروح وي النسوان روحي انتي واني اروح عبريه
ام سماح : لا سياره ريم من هاي الكبار ومو بس نسوان زلم هم ابو حيدر رايح
ابو سماح : هاا مادري والله. خلي اشوف ابو عصام
ام سماح : اي خلينه نروح ماصحلنه زياره هيج والطريق مو أمان هم نروح وي الناس ونرجع
ابو سماح : ايي صح كلامج انشاءالله
ام سماح : يعني اسجلك
ابو سماح : اييي
نهله : واني هم
ام سماح : شسوين رايحه
نهله : لا حبابه يمه والله من زمان مارايحه
ام سماح : لا
ابو سماح : خليه تروح ويانه هيه وبنين
ام سماح : المره ثانيه يروحن
ابو سماح : لا خليهن يروحن يزورن ويانه خطيه منو يكول عدلين ويزورن بجايه
ام سماح : هاهيه
بنين :اني ماروح
ابو سماح : ليش
بنين : مابيه حيل طريق بعيد روحو انتو
ام سماح : وانتي وين تبقين
بنين : وين كاعده بشارع ابقه بيتي
ام سماح : نهله ابقي وي اختج
نهله : مااا والله ماابقه اريد اروح
ابو سماح : روحي لبيت عمج يم اختج
ام سماح : لاشسوي تروح لبيت عمه محمد يم عمته تكعد
ابو سماح : ماشي
أنت تقرأ
السجين
Romanceذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
