#السجين
نور آل محمد
( زين )
جاي اعشك اني ولحد يصحيني ..
خلوني اشبع عيني وافصل اني عن العااالم ..🤍
بعد كلشي صار عجبتني قمر كلش بحيث لزكت بدماغي لان كلش حلوه ومعاني وجهه بريئه ونازكه فعلا قمر عله اسمهه..
اني من النوع الجريئ وماحب الف وادور واذا خليت شي براسي ماارتاح اذا مااسوي وقمر ضحيه هل مره ولازم اسحبه بأي طريقه واخليه تحبني ..
كلنا نعرف علي يحب بنت عمي سماح وحجه وي اهلي قرر يخطبه بس مايكول بيناتنه علاقه وبقينه عل اتفاقنه ..
رحنه لبيت عمي ابو سماح حته نخطبه بس ماقبل عمي ماعرف سبب شنو كال مانطيه هسه. ضجت منه كلش كمت عنهم ورحت للمطبخ لان متت جوع ادور عشي اكله ودخلت قمر جانت كلش حلوه ماكدرت اشيل عيني عنه ولاكدرت اتخطاهه رغم هيه ماتحب تغري وتضحك وتشاقه وي المقابيل دائمن بطبيعته ..
حجينه شويه وهم عادت كلمته الممزوجه هااا ايي
ضحكنه ثنينه....
سمارهه والعيون وضحكه شعر كلشي حلو بيهه ودي اكلهه ....
حاچيني
أريد اتلّون بلونَك
يمن فدوة تروح الخَلگ لعيونَك .
الي عرفته تريد تاخذ مي فكلت بلا مااحرجه اكثر طلعت
من يمهه بس كفخني عطرهه كفخ ودي مااحضنه وماعوفه. لحد مااشبع من عطرهه
اول مره بنيه تسحلني من اذني هههههههه
طلعت يمهم وعلاوي مبين عله وجه الضوجه
زين : علاوي لاضوج يمعود الله يسهله هسه وينطيه الك ابويه راح يحجي وياا وحده وهسه يقنعه لاتخاف
علي : انشاءالله الله يسمع منك
زين : حبيبي
ودكيت عله رجله
اجن البنات وجان اكو هدوء ومبتسمات والضاهر مايدرن بلحجي الي صار
احنه هم ما بينه ضايجين وشي بين مايطلع ابويه
خلينه الوضع طبيعي ونسولف عادي...
قمر كعدت كبالي وجانت مميزه بينهن بكلشي حته جنت استحي اباوعله والله.
حلوه وناعمه عيوني كل مااريد التفتت لجهه الثانيه تجبرني بنضره لمعاني ياخي ماينشبع من وجهه
اكيد شايفين الي ينجعب بشي مايكدر يشيل عيونه ابدد واني هيج حالتي عله قمر.
دزنه البنات للمطبخ وراحت وره شويه اني رحت وراهه
ماتحملت ...
جانت دايره وجهه وكفت وراهه عن بعد شويه حته ماتخجل .
وكتله انتي كلش حلوه
لتفتت وهيه مصدومه وبين خجلانه.
وكالت شرايد
زين : ماريد شي بس والله جوعان كلش
قمر : اسويلك شي تاكله
زين : ياريت والله
أنت تقرأ
السجين
Roman d'amourذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
