#السجين
ابوعصام ; وين جنت متحجي لسانك مشدوش
علاوي : كاافي يلا المهم اجه الصبح نحجي وياا عود
عصام : ليش صبح
علاوي : لاتدخل اساسا كله من وراك
عصام : علاوووي
ابوعصام ; كاافي يلا كلمن لغرفته
- باوعت بطرف عيني لعصام وهزيت راسي رحت فتحت الثلاجه اخذت تفاحه اخذتلي لكمه منهه كدامه واني اباوعله وصعدت لغرفتي
كعدت وبالي الف حسبه مو من عوايدي اجاهل حجيهم وادير العين ومالتفت.
شويه وانفتح الباب واني مخلي راسي عل مخده وعيوني بسكف وافكرر
زين : منووو
علاوي : اني
- فتح الباب وسده عله كيف ماشغل الضوه واجه كعد يمي والغرفه ضلمه
علاوي : ليش مانايم لسه
زين : مو مهم انته ليش اجيت
علاوي : اريد احجي ويااك
زين : مو كلت الصبح نحجي
علاوي : اني ماعليه بيهم همه يحجون وياك الصبح
اساسن مااحتاج اني احجي وافتهم منك لان اعرف اخويه منوو وشنوو
زين : امم
علاوي : تعال بلله
_ قرب وجه لوجهي حته يشتم ريحتي
درت وجهي عنه وهوه سحبني
علاوي : ليش
زين : شنو ليش
علاوي : ليش شربت مو كلت مارجع
زين : مارجعت
علاوي : اششش رجعت تشرب وشربت هسه وجيت
زين : ايي صح
علاوي : ايي ليش
زين : علاوي تريد صدك
علاوي : اايي احجي وراح استقبله شمااكان
زين : علاوي اني مختنك احس اريد امووت
كلشي ماجاي يريحني
علاوي : ياااعمري
زين : احس اهلي وربي وادنياا كلهه ضدي
علاوي : احنه موضدك اذا حجينه لمصلحتك
زين : تعبت والله تعبت
-حضني وكمت ابجي حسيت نفسي طفل كدامه
علاوي : وحك لخلقك الي يمسك بحجايه امسه بدم
انته تدري بمعزتك شكدهه عندي والي تريده يصير
زين : اريد ابتعد ابعدني عنهم
علاوي : شلون ابعدك شنو الي اسوي
زين : ايي شي المهم ابتعد من هل بيت
علاوي : بس هذه مو حل ماكو بيت مابي مشاكل
واذا صارت مو معناته نشرد منهه احنه زلم وكبار موصغار حته نشرد ونضم نفسنه اذا صار شي
أنت تقرأ
السجين
Romanceذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
