السجين

بارت11

#السجين

ياموت خربت الضحك.
ياموت درحم حالي..
بلكعده صار شكد نقص.
ماخذ عزيز وغالي..
متروسه عيني شكد بجي.
ابجي مجانه الخالي.
حد هسه ياموت وعلي..
سوالف شقانه بالي......

       --------------------------------------
اني بنين وكلكم تعرفوني اخت سماح الصغيره ..
بدت قصتي من فاتحة قمر جنت كاعده بيتنه امسح بلمراوح وامي تنضف بلخضره ونهله بدوام ..

كل وحده مشغوله بشغلته رن موبايل امي بلغرفه راحت نهله جيبه انطته لامي امي طلعت اختي سماح

ام سماح : الوو
- ايي
- يااا يمه. ( ودكت عله صدره)
- ولج كولي غيره يمعوده
دخيلك ياعلي

نهله :يمه شكوو

بنين : يمه كولي شكوو

ام سماح : ولج قمر توفت

بنين : قمرنه ماغيره

نهله : ياااا

ام سماح : يمهه ماشوف دربي ولجنن جواريبي بسرعه

ضلنيه نبجي ومامصدكين بسرعه لبسنه نروح وي امي كالت اني اخذن ملابس سود وياجن وصدك اخذنه ويانه

رحنه لبيت عمي ابو عصام ولكينه نسوان. تبجي وتصايح وعمتي ام قمر ملخه نفسه لاشعر ولا ثوب يلبسوه ثوب تشكه ويغيرو الهه
كلش نهارينه  وخبر موته فجئه اجه مانعرف شلون وليش وشنو سبب ..

بيتوهه بلمسشفئ ماقبلو يجيبوهه والعالم كلهه التمت بيت جيرانهم وااقاربهم منيه تجي تصيحله صوت يرن البيت رن ..

البجي وصياح ونعي ولطم مااتوقف ولادقيقه دكت ساعه قريب
9 بليل ماسلمو جثت قمر وكالو لازم تتشرح
لذالك شكو واحد بلمستشفئ رجع وصبح يرجعون يستلموهه....

سمعنه اصواتهم دخلو للبيت صار صوت نسوان كلش عاالي ويرن وعمتي ام قمر مااتت من شافت زين وزين الله لايشوفكم مثل حالته

دخل لصاله ودك لطم وبجي ويصيح مثل الطفل يفرفح

ام قمر : ولك كلي شون راحتت

زين :اااوووف عمه ولج عمه راحت مريتي

ام قمر : يمه اووف الصغيرونه ولج يصغيرونه

زين : يابويه يااايمه

ام سماح : يبووووو

ماعرف شون اوصف حالة زين لكن ماتوصف ولاللهه وصف جان يوم حزين جدا.

بقه لبجي ونياح لصبح راحت لزلم تستلم جثه ويغسلون المرحومه ويزوروه ويجيبوهه لاهله حته يدفنوهه بنجف

دورنه عله زين صبح مالكيناا وره شويه علاوي كال موجود. بلمستشفئ..

واحنه سوينه خبز ولحم وتمر وزعنه ولمله اجت ونسوان كامت تبجي بلايه دموع هلكد مابجت وتعبت...