Unicode
" သေစမ်းပါ ! "
သွေးပျက်စရာအတိဖြစ်သော မြင်ကွင်းကို ငိုင်လျက်ရပ်ကြည့်နေသော ကလေးငယ်က သာမန်ဖြစ်နေကျ ရန်ဖြစ်စကားများသည့် အဆင့်မဟုတ်မှန်းတော့သိပါသည် ။
ခပ်မှိန်မှိန်ဖြာကျသော ဝါကြင်ကြင်မီးရောင်အောက် သွေးစက်များကား လွှမ်းလာချေပြီ ၊ နက်ရှိုင်းသော အော်ဟစ်သံစူးစူးများသည် ဓားချက်ကြောင့် အော်သံကတစ်ဦး ၊ သွေးရှူးသွေးတန်းဖြင့် စိတ်နှလုံးကြေကွဲမှုအတွက် အော်သံကတစ်ဦးဆီမှ လာသည် ။
" အ ... အမေ "
" ဟင်း ဂျောင်ဂုလေး ... မင်းအဖေ အမေတို့ဆီကနေ ဘယ်မှမသွားနိုင်တော့ဘူး "
အပြာအနီစပ်ယှက်သော မီးရောင်များသည် ကွန်ဒိုတစ်ခု၏ရှေ့တွင် စုန်ချည်ဆန်ချည် ။ Corridor တစ်လျှောက် လူတစ်စုတစ်စုနှင့် တီးတိုးပြောဆိုနေကြသော စကားသံမြောက်မြားစွာသည် အမျိုးသားတစ်ဦး၏ စူးရဲစွာ အော်ဟစ်နေမှုကို မည်သို့မည်ပုံကြားလိုက်ရကြောင်း စာဖွဲ့နေကြသည် ။
မူခင်းရဲများသည် ကွန်ဒိုခန်းတစ်ခုအတွင်း ထွက်ချည်ဝင်ချည်ဖြင့် ယှက်ခတ်နေကြသည် ။ တိတ်အဝါဖြင့်တားထားသော အခင်းဖြစ်နေရာတွင် လင်မယားတစ်တွဲလဲကျသေဆုံးနေပြီး အိုင်ထွန်းနေသည့်သွေးများဟာ ထိုးသွင်းဒဏ်ရာများစွာနှင့် သေဆုံးနေသော အမျိုးသားဆီမှ အများဆုံးဖြစ်သည် ။
" သေဆုံးသူအမျိုးသား ရင်ဘတ်က ... "
ဟောင်းလောင်းပေါက်ဖြစ်နေသော သေဆုံးသူအမျိုးသား၏ ဘယ်ဘက်ရင်ဘတ်ကို ဆေးမှုခင်းအဖွဲ့က စစ်ဆေးနေကြသည် ။
" ဆရာဒီဘက်မှာ ... "
သေဆုံးနေသော အမျိုးသမီး၏ လက်ထဲတွင် နီနီရဲရဲအစိုင်အခဲတစ်ခုကို ကျစ်ကျစ်ပါအောင် ဆုပ်ကိုင်ထားသည် ။
" ဆရာ ဓားပေါ်မှာ အမျိုးသမီးရဲ့လက်ဗွေရာပဲ တွေ့ရတယ် "သွေးအလိမ်းလိမ်းကပ်ညိနေသော ကွာရှင်းစာချုပ်တစ်စောင်ဟာ ကြမ်းပေါ်တွင် ကျလျက်ရှိပြီး အမှုစစ်က ရော်ဘာလက်အိတ်ဖြင့် ကောက်ယူကာ မှတ်ချက်ချလိုက်သည်။
![](https://img.wattpad.com/cover/354863724-288-k275570.jpg)
YOU ARE READING
Forming With Red Rose & Bordeaux
FanfictionJungkook x Seok Jin [ ✓ ] တစ်ပွင့်သော နှင်းဆီနီနီ ၊ ပြင်သစ်ဝိုင်နီနဲ့ ရောကာစပ်တော့ လက်ရာမြောက်သည့် ပြင်းရှရှ စွဲလန်းခြင်းများပုံပေါ်ချေသည် ။ 25th October 2023 _ 27th March 2024