Unicode
" Jeon မျိုးရိုးရဲ့ Private Doctor "
တရုတ်စားသောက်ဆိုင်အတွင်း သက်လတ်ပိုင်းအမျိုးသားမှသစ်စားပွဲပေါ် တိုးပေးလာသော စာရွက်စာတမ်းအချို့ကို ယွန်းဂီကကောက်ယူလိုက်သည် ။
" အိမ်ကြီးက ဖလော်ရီဒါအစွန်မှာ ~ အစောင့်အကြပ်တွေ မပြတ်ရှိနေတာမို့ တိုက်ရိုက်တိုက်ခိုက်ဖို့သွားရင်တော့ ခင်ဗျားအသက်က ... "
အထက်တန်းရှေ့နေတစ်ဦးပီပီ ယွန်းဂီက အခြေအနေကို ဒတ်ခနဲသဘောပေါက်လိုက်သည် ။
" ဒီရက်ပိုင်းအတွင်း အဲ့ဆရာဝန်က နှစ်ရက်ခြားတစ်ခါလောက် အိမ်ကိုအဝင်အထွက်ရှိနေတယ် ... ၊ စုံစမ်းရသမျှ ပတ်သက်ဆက်နွယ်မှုက ဒီလောက်ပဲ သားကောင်က သိပ်စေ့စပ်လွန်းတယ် အခန့်မသင့်ရင် ကိုယ်ကပြန် သားကောင်ဖြစ်သွားမဲ့အနေအထား "
" ကျန်တဲ့ငွေကို Bank account ထဲစစ်ပေးပါ "
ယွန်းဂီက ဖိုင်တွဲအား လည်သာလက်ဆွဲအိတ်ထဲထည့်ပြီး စားပွဲမှထထွက်သည် ။
ရှုပ်ထွေးနေခဲ့သော ချည်ထုံးများကို ရှင်းလင်းရမည့် အချိန်ကျပြီထင်သည် ။
___
" ကလေးတို့ရေ ~ "
မူကြိုခန်းအတွင်းရှိ ကလေးငယ်များ၏ ဆော့ကစားသံများသည် အတန်းပိုင်ဆရာမလေး၏ ငြင်ငြင်သာသာအသံနောက် တိတ်ဆိတ်သွားသည် ။
" ကလေးတို့အတွက် ဒီဦးဦးက မုန့်ကျွေးဖို့ စီစဉ်ထားတယ် ~ "
" ရေး ! "
အုပ်စုဖွဲ့ဆော့နေကြသော လူဖြူကလေးငယ်များထံမှ တသီးတသန့်ထွက်လာသော ပျော်ရွှင်ရယ်မောသံများ ။
Suit အပြည့်နှင့် ခန့်ခန့်ညားညားအမျိုးသားပေမို့ နံဘေးရပ်နေသည့် အမေရိကန်သူ ဆရာမလေးပင် ရှက်ကိုရှက်ကန်း ။
" ဒီနေ့ ဦးဦးက ကျောင်းအတွက် နေ့လည်စာ Buffet ပြင်ထားပေးတယ် ကျေးဇူးတင်ကြောင်းပြောပါဦး "
" ကျေးဇူးအများကြီးတင်ပါတယ် ! "
ကျန်သည့်ကလေးများအားလုံး မြူးတူးတက်ကြွစွာဆိုကြသော်လည်း သူမျက်စိကျနေမိသည့် တစ်ဦးသော ကလေးငယ်ငယ်ကတော့ စာရွက်တစ်ရွက်ပေါ်တွင် ရောင်စုံကာလာများကို စိတ်လိုလက်ရဆွဲနေသည် ။
YOU ARE READING
Forming With Red Rose & Bordeaux
FanfictionJungkook x Seok Jin [ ✓ ] တစ်ပွင့်သော နှင်းဆီနီနီ ၊ ပြင်သစ်ဝိုင်နီနဲ့ ရောကာစပ်တော့ လက်ရာမြောက်သည့် ပြင်းရှရှ စွဲလန်းခြင်းများပုံပေါ်ချေသည် ။ 25th October 2023 _ 27th March 2024