හවස් වෙනකල් කතා කර කර, සිංදු කිය කිය හිටපු අපි දෙන්නා හවස පහට විතර වගේ පන්සල් එන්න ලෑස්තිඋනා. අපි දෙන්නම බ්ලැක් ට්රවුසර් එකට සුදු ශර්ට් එක ඇඳලා හිටියේ. තිනෙත්ට සුදු ශර්ට් එක ගෙනාවෙ අමුතුම කඩවසම් බවක්. තිනෙත්ගේ බෝඩිමේ ඉඳලා මුතියංගන පන්සලට තිබුනේ ටික දුරක් නිසා හිමීට අපි පහළ වීදිය දිගේ පයින්ම ආවා. අද පෝය දවසක් නිසා සිල්ගත්ත ආච්චිල සීයලා සිල්පවාරනය කරලා ගෙදර යනවා. සමහර චූටි ළමයි අම්මගේ අප්පච්චිගේ අතේ එල්ලිලා පන්සල් යනවා. මං කතෝලිකයෙක් උනත් හැම පෝයකටම පන්සල් එන්න පුරුදුවෙලා හිටියේ..
බදුල්ලේ මිනිස්සුන්ගේ හිත නිවන එකම තැන මුතියංගන රජමහා විහාරය.. බදුල්ල ටවුන් එකේ ඇතුලට වෙන්න පිහිටලා තිබුණ මුතියංගනය පන්සල පෝය දවසටනම් අතුරු සිදුරු නැතිවෙන්න තරම් සෙනඟ. මුලු බදුල්ලෙම මිනිස්සු පෝයට එන්නේ මුතියංගන විහාරෙට නිසා පෝය දවසට උදේ ඉඳන් හවස් වෙනකල්ම මේ පින්බිම හරිම කාර්යබහුලයි.
අපි දෙන්නත් එක්කම පන්සලට ආපු ගමන් කලේ මල් ගන්න ගිය එක. ඕලු, නෙළුම්,මානෙල් මල් භාජනවල පිරිලා. උදේ ඉඳන් හවස්වෙනකල් මේ කඩවල්වල මේ මල් භාජන නම් කොයිවෙලේවත් හිස්වෙන්නේ නෑ. ඒ අතරේ දාස්පෙතියා, සමන්පිච්ච, වතුසුද්ද මල් නොතිබුණාමත් නෙවෙයි.. තිනෙත් ගිහින් රෝස නෙළුම් මල් පොකුරක්ම අරන් ආවා. මං ආසම රෝස නෙළුම් මල් වලට.. නෙළුම් මල් කියන්නේ අධ්යාත්මිකත්වය, පාරිශුද්ධත්වය, විශ්වාසවන්තකම පෙන්නුම් කරන සංකේතයක්.. ඒකෙන් රෝස නෙලුම් කියලා කියන්නේ උත්තරීතර නෙළුම් වර්ගයක්ලු.. බුදු හාමුදුරුවෝ ඇසුරු කරන මල කියලත් කියනවලු. මං හිතන්නේ ඒකට හේතුව මල් ආසනයක වැඩිපුරම දකින්න තියෙන මල් වර්ගය රෝස නෙළුම් නිසා වෙන්න ඇති.
YOU ARE READING
PLEASE REMEMBER ME ||| Completed ||| Sinhala BL
Non-Fiction"අසම්පූර්ණ මිනිසුන්ව අත්නොහැර සම්පූර්ණයෙන්ම දරාසිටින්නේ සැබැවින්ම ආදරේ කරන හදවත් පමණයි..." - තිනෙත් සස්මික ඒකනායක. "මට ඔයාව දැනුණා. ඉතින් මම ආදරේ කලා. තවමත් ආදරේ කරනවා. ඉස්සරහටත් මං ආදරේ කරාවි...." - ශාරද ඔවින් ආදිත්ය නානායක්කාර. Start - 2023/11/11...