Unicode
အိမ်ကိုပြန်ရောက်တော့ ခြေလက်သန့်စင်နေပြီး
ရှောင်ကျန့်ကတော့နေ့လည်စာအတွက်ချက်ပြုတ်ပြင်ဆင်နေလေသည်။ မြို့အုပ်မင်းရိပေါ်ကတော့ မနက်ကရခဲ့တဲ့အချက်လက်တွေကိုပြန်စီစစ်ရင်းချက်ပြုတ်ပြင်ဆင်ပြီးချိန်ကိုစောင့်နေလေသည်။
ရှောင်ကျန့်ချက်ပြုတ်လို့ပြီးတော့အိမ်ရှေ့ခန်းကိုထွက်လာချိန် စာရွက်တစ်ချို့ကိုကြည့်ပြီး အလုပ်များနေတဲ့မြို့အုပ်မင်းကိုတွေ့လိုက်ရသည်ကြောင့် အနှောက်ယှက်ဖြစ်မည်စိုး၍ ခြေသံဖွလျှောက်ကာမြို့အုပ်မင်းအနီးမှာသွားထိုင်လိုက်တော့ မြို့အုပ်မင်းကသူ့ကိုငုံ့ကြည့်လာသည်။
"နေ့လည်စာကရပြီလားကောင်လေး"
"အဆင်သင့်ပါပဲ မြို့အုပ်မင်း"
နေ့လည်စာထမင်းစားပြီးချိန်တွင် မြို့အုပ်မင်းကသူကြီးအိမ်သို့ထွက်သွားကာ ရှောင်ကျန့်တစ်ယောက်သာအိမ်မှာကျန်နေခဲ့လေသည်။ မနေ့ကအိမ်ရှင်းချိန်ကယူလာခဲ့သည့်နှင်းဆီပန်းပင်များကိုယူကာခြံရဲ့မျက်နှာစာတွင်ပြန်စိုက်နေလေသည်။ နှင်းဆီတွေကိုသူသဘောကျသည်။ အထူးသဖြင့်နှင်းဆီရဲ့ဆူးတွေကိုပေါ့။
"ဘာတွေအဲ့သလောက်တောင်သဘောကျနေတာလဲကောင်လေး"
"အာ...မြို့အုပ်မင်းဘယ်တုန်းကပြန်ရောက်တာလဲ အပင်စိုက်နေတာနဲ့သတိမထားမိလိုက်ဘူး"
"နှင်းဆီပန်းကိုသဘောကျသလား"
"ဟုတ် ဒါပေမဲ့နှင်းဆီရဲ့ဆူးတွေကိုပိုသဘောကျတယ်"
"ဆူးကို? ဆူးကထိခိုက်စေတယ်လေ ဘာကြောင့်သဘောကျရသလဲ"
"ဟင့်အင်း ဆူးတွေမှာလဲသိပ်လှတဲ့စကားလုံးတွေရှိတယ်"
"သိပ်လှတဲ့စကားလုံး?ဆူးတွေမှာ?"
"ဟုတ်တယ်လေ"
ရှောင်ကျန့်ကသူ့အားနားမလည်ဟန်ဖြင့်ကြည့်နေသောမြို့အုပ်မင်းဝမ်အားချိုသာစွာပြုံးပြရင်း နှင်းဆီပွင့်လေးတစ်ပွင့်ကိုခူးယူလိုက်ကာ မြို့အုပ်မင်းဝမ်ကိုပေးလိုက်သည်။
"ပန်းကညိုးသွားတယ် ဆူးကမညိုးဘူး
ပန်းကိုကာကွယ်ဖို့ သူတို့ကအမြဲအသင့်ရှိကြတယ်
ပန်းရဲ့တန်ဖိုးကိုမြှင့်တင်ဖို့ သူတို့ကိုယ်တိုင်က လူတွေရဲ့အမုန်းကိုခံယူကြတယ် တကယ်တော့ဆူးတွေကသိပ်သစ္စာရှိကြတယ် ပန်းကိုအဆုံးထိသူတို့ကကာကွယ်ပေးကြတယ် ဒါပေမဲ့ချီးကျူးခံရသူကပန်းပဲဖြစ်သွားပြီးသူတို့ကတော့ပစ်ပယ်ခြင်းခံရတာတောင် သူတို့ကတာဝန်ကိုမမေ့ကြဘူး"
YOU ARE READING
အချစ်ကမြို့အုပ်မင်းထံမှာ (အခ်စ္ကၿမိဳ႕အုပ္မင္းထံမွာ)
FanfictionUnicode + Zawgyi Start Date= 28.9.2023 End Date= ? "မြို့အုပ်မင်းလာတဲ့မြို့က မြို့ကြီးဆိုဗျ" "အင်း ဒါပေမဲ့ကိုယ်ကတော့ဒီရွာလေးကိုပိုချစ်တယ်" မြို့အုပ်မင်း- ဝမ်ရိပေါ် အရပ်သားလေး- ရှောင်ကျန့် "ၿမိဳ႕အုပ္မင္းလာတဲ့ၿမိဳ႕က ၿမိဳ႕ႀကီးဆိုဗ်" "အင္း ဒါေပမဲ့ကိုယ္က...
