توأمي أُنثي

الفصل الحادي عشر

في ناس تشوفها بالالوان وناس جوها مش بيبان
وناس ابيض وناس اسود وناس محتاجه بس امان
واكتر ناس تأمنهم ما ييجي الجرح غير منهم
وناس إنت بعيد عنهم بتنس معاهم الاحزان

              🏵️الفصل الحادي عشر🏵️

استيقظ الشيخ يس وارتدي ملابسه استعداداً للذهاب إلي المستشفي طرق الباب علي نور فلم يرد عليه أحد زاد القلق فزاد من طرق الباب إلي أن فتح مسعد الباب في ضيق
"خير ياشيخ يس بتخبط ليه كدا علي الصبح"
"معلش يا مسعد كنت عايز نور علشان نروح المستشفي لأمها"
"معرفش راحت في أنهي داهيه ومجتش تلاقيها راحت لأمها"
"وإنت مش ناوي تروح تزورها يامسعد دي مراتك"
"ملكش فيه انت ياشيخ انا حر يالا اتكل علي الله علشان عايز أكمل نوم مش ناقص أنا قلبت مزاج علي الصبح"
واغلق الباب في وجه الشيخ يس
تعجب الشيخ يس من أفعاله قائلا :لاحول ولا قوة الا بالله زي مايكون دي ولا مراته ولا دي بنته حسبي الله ونعم الوكيل في كل ظالم
ذهب الشيخ يس الي الورشه لعله يجدها هناك ثم إلي المشفي
💔💔💔💔💔💔💔
جاءت سيارة الإسعاف وحملت حسن ونور وتيخا إلي المستشفي
وتم القبض علي زيكا وسنقر والذي بدورهم اعترفوا انهم جاؤ رغبة لكلام تيخا فهو من خطط لكل شئ وتم التحفظ علي تيخا لحين شفائه وتحويل أصدقائه الي النيابه العامه التي أمرت بحبسهم ١٥ يوم علي ذمة التحقيق
اما عند حسن فقد دخل غرفة العمليات واستيقظت نور في حاله من الخوف والهلع لما حدث لها فأمر الطبيب إعطائها حقنه مهدئه فذهبت في سبات عميق
اتصل الضابط المسئول بهاتف حسن بعد أن تفحصه فوجد آخر مكالمه كانت من والده
--------
جاء الشيخ يس الي الاسطي توفيق للسؤال عن نور
"سلام عليكم ياسطي"
"وعليكم السلام بالشيخ يس"
"مشوفتش نور ياسطي"
"دي خدت مني إمبارح ٥٠٠٠ جنيه وقالت هروح ادفع  فلوس المستشفي"
"بس دي"
سكت الشيخ يس عندما رن هاتف الاسطي توفيف
"ايوا أنا"
_______
"إبني! في مستشفي إيه حضرتك"
________
"حاضر حاضر جاي حالا"
" خير يا توفيق في ايه"
" حسن ونور في المستشفي ياشيخ يالا نلحقهم"
" حاضر حاضر يالا بينا"
" واد يا بليه اقفل الورشه ياض وتروح ماشي"
" حاضر ياسطي"
وصلا توفيق والشيخ يس إلي المستشفي قابلهم الضابط المسئول وسائق التاكسي الذي بدوره حكي لهم عن كل ماحدث
" اااه يانور يابنتي روحتي تساعدي الواد مع انك ماشوفتيش منه حاجه عدله "
" إن شاء الله خير يا توفيق والدكتور هيطمنا عليهم أنا لازم اتصل بكريم ييجي يقف معانا ومع البت الغلبانه دي"
قام الشيخ يس بالاتصال علي كريم
"سلام عليكم"
"وعليكم السلام إزيك يابابا عامل ايه، مال صوتك يابابا"
" نور يابني هنا في المستشفي هي وحسن إبن عمك توفيق تعالي يابني أصل الحكايه طويله وهنحتاجك معانا"
" حاضر يابابا ساعتين بالكتير وهكون عندك"
" ماشي يابني تيجي بالسلامه"
ذهب كريم الي مكتب صديقه هاني
" هاني بقولك انا نازل البلد في مشكله كدا هروح احلها وارجع"
"خير يابني اجي معاك ،لا لا خليك هنا انا قلت لمنال اي حد ييجي تبعته علي مكتبك وكمان علشان مستر سامح مايضايقش أنا هروح استأذن منه وامشي "
" ماشي ياصاحبي النهارده كان معاد انسه نهي"
"خلاص بقي ياهاني تتعوض مره تانيه أنا دلوقتي دماغي مشغوله ومش عارف أعمل ايه"
عند خروج كريم اصطدم بنهي و والدتها واروي أسيرة قلبه
" أستاذ كريم هو حضرتك ماشي
"انا اسف ياجماعه حصلتلي ظروف طارئه هتضطر انزل البلد ممكن يا انسه نهي تتفضلي آنتي ووالدتك عند أستاذ هاني وهو هيخلص باقي الاجراءات"
ظهر الاحباط علي وجه اروي وهذا ما لاحظه كريم عندما نظر إليها
اعذريني يامدام اعذريني انسه اروي
خفضت اروي وجهها خجلا، وردت والدة نهي :ولا يهمك يابني أتفضل روح شوف مصالحك
" بعد اذنكو"
ذهب كريم وهو في قمة الضيق ،طرق علي مكتب الاستاذ سامح صاحب المكتب
" مستر سامح أنا نازل البلد أبويا كلمني وشكل في مشكله هحلها وان شاء الله مش هتأخر يومين بالكتير"
"تمام ياكريم ولايهمك خلي هاني يكمل شغلك لو عندك شغل ناقص"
"تمام مستر سامح بعد اذنك"
ذهب كريم وهو في حيره ماهي المشكله التي جعلت نور في المستشفي ،واروي واااه من حبيبته التي تركها
حبيبتي هل قلت حبيبه هل أنا احببتها
انا هكلم أبويا في أقرب فرصه واسأل عليها واروح اخطبها أنا مش هفضل في الحيره إللي أنا فيها دي كتير
🍁🍁🍁🍁🍁🍁🍁
خرج الطبيب من غرفة العمليات كانت قد وصلت جملات أيضا الي المشفي
توفيق:خير يادكتور ابني عامل ايه
"الحمد لله عدت علي خير وهننقله غرفه عاديه لما يفوق بعد اذنكو"
ظلت جملات تبكي وتقول "انا السبب انا اللي اهملت فيه انا اللي دلعته"
"خلاص يا جملات استهدي بالله الحمد لله ابنك بقي بخير"
"أنا هروح اطمن علي البنت الغلبانه إللي أنقذت ابنك دي وكانت هتروح في داهيه الحمد لله ربنا ستر "
يالا ياشيخ ،طيب خدوني معاكو اشكرها علي إللي عملتو مع إبني
وصلو إلي غرفة نور سألو الطبيب عن حالتها
هي عامله ايه يادكتور
" الحمد لله إحنا اديناها حقنه مهدئه لأنها دخلت في حاله نفسيه صعبه وشكلها مضغوطه نفسيا غير إللي حصلها أنا بنصحكو بعد لما تخف تعرضوها علي دكتور نفسي"
"ممكن ندخلها"
"اتفضلو هي لسه فايقه ومابتتكلمش مع حد يمكن لما تشوفك تتكلم"
في هذا الوقت وصل كريم في أقل من ساعتين
" خير يابابا إيه إللي حصل "
" حمدالله علي سلامتك يابني وحكي له الشيخ يس كل ماحدث وما قاله الظابط "
وجه كريم كلامه الي توفيق" ماتقلقش ياعم توفيق ابنك هيخرج منها وهيتعالج ويبقي كويس هو كده مش هيبقي عنده أي قضايا"
دخلو جميعا غرفة نور تقدم إليها الشيخ يس فهي كانت شارده شاحبة الوجه وعينيها تذرف من الدمع شلال
ازيك يانور يابنتي عامله ايه
ردت بصوت خفيض" الحمد لله"
توفيق "حمدالله علي السلامه يابنتي انا مش عارف اشكرك ازاي انك انقذتي ابني "
نظرت اليه نور" هو بقي كويس ياعم توفيق يعني انا قدرت اعمل حاجه ولا جراله حاجه قولي بالله عليك ياعم توفيق انا مش عايزه احس بالذنب اني ماقدرتش اساعده"
"الحمد لله يابنتي بقي كويس والدكتور قال هينقلوه اوضه عاديه وهنروح نطمن عليه وبعدين ذنب إيه بس إحنا إللي لازم نشكرك علشان عرضتي نفسك للخطر علشانه وإنتي إللي كنتي هتضيعي فيها الحمد لله ربنا ستر"
جمالات" حمدالله علي السلامه يابنتي والله مش عارفه أشكرك علي إيه ولا إيه آنتي غيرتي حياتنا كلنا قدرتي تحليلنا مشاكل ماقدرناش نحلها آنتي فوقتينا ومن هنا ورايح زيك زي حسن وأي حاجه تحتاجيها تطلبيها مني انا"
" متشكره "
تقدم كريم فقد تعجب من حالتها وما وصلت اليه هذه الفتاه ورغم الظلم الذي تعيش فيه الا انها لم تتردد يوما في تقديم يد المساعده فهي صاحبة قلب نقي
" إزيك يانور حمدالله علي السلامه "
" ابيه كريم! الله يسلمك انت عرفت ازاي،!
بابا كلمني هو أنا أقدر أشوف أختي الصغيره في ازمه وما اقفش جنبها"
قالها قاصدا لانه يعلم شعورها اتجاهه ولم يخفي عليه ذالك
"قالت باحباط وخيبة أمل ،متشكره يا أبيه ،وادارت وجهها للجهه الاخري وأكملت، مكنش له لزوم تتعب نفسك "
نهض كريم وقال : أنا عايز أكلم نور كلمتين ممكن يابابا بعد اذنك ياعم توفيق
انا اصلا كنت ناوي اروح اشوف حسن يالا ياجملات حمد الله على السلامة يا نور
ربت يس علي كتف كريم وقال :خلي بالك منها يابني حالتها النفسيه وحشه
" عارف يابابا ماتقلقش "
بعد خروجهم ترك كريم الباب مفتوحا وسحب كرسي وتقدم من نور
ها ياستي أنا قعدت قولي بقي إيه إللي مضايقك أنا اخوكي تقدري ترمي حمولك عليا واحكيلي علي كل حاجه
ارتمت نور في أحضان كريم واجهشت في البكاء تفاجأ كريم فعلتها تلك ربت علي ظهرها واخرجها من احضانه دون أن يجرحها تحمحم كريم بعد أن شعر بالتوتر
أمسحي دموعك كده وقوليلي إيه إللي حصل وأنا مش موجود
هدأت نور وقصت عليه كل ماحدث لوالدتها وحسن والجواب حتي وصولها للمستشفي
تنهد كريم قليلا وقال يااااه يانور اتحملتي كل ده لوحدك أنا عارف إنه صعب بس آنتي قويه وجدعه عملتي إللي حسن نفسه ماقدرش يعمله  آنتي المفروض إنك تبقي فخوره بنفسك إنك بتقدري تحلي مشكله قدامك
"المشكله ياأبيه إني مابلقيش حد يحل مشكلتي أنا تعبانه قوي وكمان الكلام إللي أبويا قاله يعني إيه أنا مش بنته ولا بنتها هو مكملش  الكلمه ومشي معرفتش انا ابقي مين
واجهشت نور في البكاء" يعني ممكن أكون بنت حرام ولقيوني وربوني ،انا مين! انا خايفه انا ماليش حد ودخلت في حالة هزيان
" اهدي اهدي يانور انا هحاول اعرف الحقيقه ان شاء الله امك تتكلم ونعرف منها كل حاجه أنا محتاج انك تبقي قويه زي ما بشوفك قويه "
" انا أضعف مما تتخيل أنا بتدعي القوه علشان أقدر أعيش لكن أنا هشه من جوه"
"ماتقوليش كده يانور أنا معاكي ،كلنا معاكي وهنقف جنبك
قومي كده علشان عايز أنا كمان افضفض واحكيلك علي حجات كتير أصل اخوكي الكبير واقع لشوشته "
قالها قاصدا ولكي يري رد فعلها
قالتها بحزن والدموع علي وجنتيها ،الف مبروك يا أبيه أنا فرحانه علشانك
بجد يانور فرحانه علشاني
ابتسمت نور ابتسامه باهته" ايوه طبعا فرحانه علشانك مش بتقول إنت أخويا الكبير لازم افرح لاخويا "
بعد اذنك يا أبيه أنا عايزه أنام وارتاح
قام كريم متفهما هروبها ولكن لابد أن تواجه الصدمات
ماشي يانور هسيبك ترتاحي وارجعلك تآني تمام
أومأت نور وتدثرت بالغطاء واغمضت عينيها
خرج كريم وجد والده يقف خلف الباب فقد استمع الي كلامهم وقلبه ينفطر حزنا علي هذه المسكينه التي رأت من الظلم والعذاب الوان
مالك يابابا إنت بتبكي "والله يابني البنت دي صعبانه عليا قوي شافت كتير وكمان موضوع إن مسعد مش أبوها غريبه قوي
تعرف ياكريم بحس فعلا إن البنت دي مش بنته دا ماراح لمراته يشوفها ولا همه غياب بنته لما سألت عليها كأنها فعلا مش بنته
" أنا لازم يابابا أتأكد من الموضوع ده"
طيب يالا يابني نروح نطمن علي حسن
🥺🥺🥺🥺🥺
جملات: ابني حبيبي عملو فيك ايه يابني تكلم بصوت خافت
أنا كويس ياأمي نور نور عملت ايه هي فين انا السبب انا السبب نور هتضيع
"اهدي يابني واتطمن هي كويسه وهنا في المستشفي
"انا عاوز اشوفها انا هقوم اطمن علي نور اااه "
يابني انت لسه تعبان وبعدين نور كويسه والله إنت لسه طالع من عمليه
انا عرضت نور للخطر يابابا انا مستهلش اني اعيش انا واحد جبان وضعيف ما قدرتش اشرفك يابا ولا قدرت أحمي نور إللي كانت دايما تنصحني وفي الاخر عملت إيه خليت شوية كلاب يعتدو عليها ودا كله علشان خاطر الزفت المخدرات أنا عايز اتعالج يابا أنا عايز ابقي نضيف وانزل معاك الورشه أنا عايزك يابا تفتخر بيا أنا واخواتي البنات أحسن مني  أنا تعبان قوي اااااه
وظل يبكي بشده وأخذته امه في احضانه
خلاص ياحبيبي ما تتعبش نفسك كل حاجه هتتحل إن شاء الله
💔💔💔💔💔💔💔💔
عوده الي مستشفى الأمراض النفسيه
حازم جالسا علي مكتبه وبيده ملف سعاد وبيده دفترا وقلما يسجل فيه أهم النقاط اللتي أوصلتها الي هذه الحاله
يستمع الي كلامها فقد سجل لها كل ماارهقها طوال حياتها وما فعلته ووصل بها الحال الي هنا.....
من ١٨ سنه كنت بشتغل في مستشفي هنا في القاهره ممرضه
وجت واحده ولدت توأم وفي نفس اليوم وآحده تانيه ولدت بس ابنها مات بما إن الطمع ملي عيوني والقرش الحرام استحليته علي نفسي وكان جوز الست دي شراني عرفت إن هقدر أخد منه فلوس إقترحت عليه إني أبدله الولد الميت بولد حي بس وطلبت منه وقتها ٢٠٠٠ جنيه بس من اللخبطه بدلت بدل الواد بت وده إللي اكتشفته بس سكت واديته البت علي إنها واد وبعد كده هربت روحت اسكندريه خفت قابلت في طريقي سيد طبعا ماقولتلوش الحقيقه أنا كدبت عليه كدبه وهو علشان طيب صدقني اتجوزت سيد كان عنده أخت قعيده كانت بتحبني بس أنا من شري كنت بديها دوا بيضعفها بالتدريج لحد ما ماتت علي إنها موته طبيعيه وما حدش اكتشف حاجه إشتغلت مع دكتور شمال بيعمل عمليات إجهاض وكنت بكسب من وراه كتير بعد موت أخت جوزي طلبت الطلاق لما الدكتور قال انه هينقل القاهره علشان البوليس بدأ يعرف وافقت وخدت عيالي وسافرت ويارتني مااخدتهم  إشتغلت مع الدكتور وكلت حرام وأكلت ولادي من الحرام الطمع والفلوس عموني ولادي بدأو يكبروا قدامي وكان دايما معاهم فلوس لما كنت بسألهم يقولولي بنشتغل ياما  يكبروا والفلوس تزيد آكتر يقولولي دي شطاره وبنعرف نجيب الفلوس من بق السبع  كنت ببقي فرحانه إنهم بيعرفو يجيبو فلوس ومش مهم مصدرها إيه كبرتهم وعلمتهم ودخلتهم تمريض علشان يشتغلون ويجيبو قرش بدأت اعرفهم الشغل بتاعي البت سلوي أحيانا كانت بتتأخر برا واقولها اتأخرتي ليه ترد تقولي كنت عند فلانه براعيها فلان قالي تعالي اسهري مع والدتي عيانه
وتقولي ياماما دول ناس عليوي قوي
واخوها سامي يدافع عنها ويقول سيبيها ياماما انا اللي بعرفها علي الناس دول علشان فلوسها حلوه أسكت بس قلبي بدأ يتوغوش
لكن إللي اكتشفته لايخطر علي بالي أبدا اكتشفت إن سامي إبني بيشتغل قواد شاب لسه مكملش ١٨ سنه يعمل ده كله وكمان مشغل أخته معاه وبتنام مع الرجاله وهو مبسوط وبيكسب من ورا أخته
جه يوم الحادثه لقيت سامي بيحاول يتهجم علي أخته وماسك سكينه حاولت افرقهم عن بعض ماقدرتش ولقيتها بتقول أنا دلوقتي مش عارفه إللي في بطني إبن مين ماهو ممكن يكون ابنك إنت كمان ،ماانت نمت معايا زيهم!!
الكلمه وقعت علي قلبي خنجر مسموم روحت اجيب سكينه من المطبخ اخلص عليهم هما الاتنين من غضبي وحسرتي علي تربيتي لقيت سامي طعن أخته وطعن نفسه ووقعو غرقانين في دمهم
حصدت زرعتي انا حصدت زرعتي زرعت شوك وصبار علقم مر حصدت دم وقهر وحزن وغضب من ربنا عليا
كل إللي ظلمتهم وموتهم أخدوا حقهم
أنا نفسي أكفر عن إللي عملته نفسي ارجع البنت إللي اتخطفت لأهلها وياتري عايشه ولا ميته المشكله اني معرفش عنهم اي حاااجه اااااه...... انتهي التسجيل
كان الدكتور حازم يبكي ويتعجب للمره التي لم يستطع عدها
~~~~~~~~~~~~
علمت رقيه لما حدث لنور وذهبت الي المستشفي
"نور حبيبتي حمدالله علي السلامه"
"الله يسلمك يارقيه"
"حقك عليا يانور إني م سألتش عليكي كل ده بابا تعب وآلازمه رجعتله تآني اضطريت أفضل جنبه وإنتي عارفه ماما بتغرق في شبر مايه"
"ولا يهمك ياحبيبتي أنا كويسه ،قوليلي انتي عامله ايه وهتبداي الجامعه امتي"
"انا هسافر القاهره يانور جامعتي في القاهره حقك عليا اني مش هكون جنبك بس هاجي كل ١٥ يوم وهاجي أشوفك "
" ولا يهمك ياحبيبتي"
" قوليلي ايه اللي حصل وفعلا انقذتي حسن وإزاي تعرضي نفسك علشان الفاشل ده"
" بس يارقيه ماتقوليش كده حسن طيب بس أصحاب السوء "
" والله أنتي اللي طيبه. ولا تكونيش بتحبيه فغمزت لها"
" واجهشت نور في البكاء "
" إيه يانور أنا والله ما قصدش لا آنتي تحكيلي علي كل حاجه حصلت"
قصت نور علي رقيه كل ماحدث الايام الماضيه
احتضنت رقيه نور" ياه يانور كل ده حصلك وأنا بعيده عنك حقك عليا ياقلبي والله غصب عني "
" أنا عارفه ياروكه والله مازعلانه"
" يعني انتي بتحبي كريم وهو بيعتبرك اخته "
" ايوه، بس انا محتاجاه في حياتي يارقيه "
" خلاص يانور حاولي تنسي إنه حبيب وخليه قصادك الاخ الكبير والسند وممكن يكون فعلا كده علشان هو الراجل الوحيد إللي حسسك إنك بنت "
شردت نور قليلا وقالت :عندك حق هو الوحيد إللي حسسني اني لسه بنت وطلع الانثي اللي جوايا هحاول انسي واخليه قصادي الاخ الكبير
ربتت رقيه علي كتفها وقالت :انا هروح انا يانور علشان اطمن علي بابا واجهز نفسي علشان همشي بعد بكره وبكره هجيلك علشان أشوفك قبل ما امشي
"ماشي ياحبيبتي ربنا يوفقك"
♥️♥️♥️♥️♥️♥️♥️♥️♥️
ايه رايكم في البارت🤔
ايه توقعاتكم للفصل الجاي
انتظروا الجاي احلي😉

ماتنسوش كومنت +فوت+ومتابعه❤️