توأمي أُنثي

الفصل السادس عشر

السلام عليكم
انا سعيده اني وصلت للفصل ده من الروايه لأن اللي جاي احلي واتمني اللي يقرا يعمل فوت مش هتخسروا حاجه ياحلوين وكمان لو كومنت حلو كدا يقول رايه في الروايه وكمان توقعاتكم للي جاي
ويسلام بقي للي يقرأ كدا يعمل متابعه ياااااه
أنا مش طماعه بس أتمني أن اللي يقرا يشجعني بجد❤️❤️

‏"لا تجعل وردك من القرآن في نهاية يومك، اجعله في البداية قبل كُل شيء، حتى قبل طعامك وشرابك، أنتَ تحتاج قوة تواجه بها الحياة؛ القرآن قوتك، لا تجعله في نهاية يومك، فتذهب له وقد كسرت الحياة فيكَ ما كسرت".
                🥀الفصل السادس عشر🥀

ها ياست نهي أدينا هدينا وشربنا لمون واتظبطنا وامك وابوكي لسه برا يعني انجزي كدا واحكي قبل ماحد ييجي الا قوليلي الأول يابت يانهي اخواتك ياختي سافروا برا وقالو عدولي
هو راشد وزاهر اخواتك يابت إزاي دول مش شبهك خالص
" ايييييه اهدي ياماما انتي من ساعت مدخلنا وانتي لوكلوك لوكلوك أمال إزاي هحكيلك يابت أنا صدعت من قبل مااحكي
الله يكون في عونك ياكريم"
"وايه إللي جاب سيرة كريم دلوقتي،المهم خلينا فيكي انتي انا خلاص سكت اهو يالا بقي"
"ماشي ياستي ، أنا إسمي إيه"
"يعني إيه إسمك ايه"
" يابنتي افهمي أنا إسمي الكامل ايه"
" ااااه فهمت تصدقي مخدتش بالي ،آنتي نهي ابراهيم سالم الدمنهوري وهو يوسف حسين....
"آيوه يوسف حسين سالم الدمنهوري ابن عمي" قالتها بحزن
"يعني ده ابن عمك إللي أبوه خسر ابوكي شركته"
"آيوه وكان بينا قصة حب"
"قصة حب ليه بيحبك وإنتي في حضانه"
"حضانة إيه يابنتي إسمعي الحكايه من الأول"
"اتفضلي ياستي أنا سمعاكي"
~~~~~~~~~~~~~
عاد يوسف الي منزله متجهم الوجه شارد الذهن طغي عليه الغضب والحزن رأته والدته
" جو حبيبي انت رجعت، حمدالله علي سلامتك ياحبيبي"
" الله يسلمك ياماما"
" أنا رايحه النادي لصحباتي محتاج حاجه"
" مُتشكر "
" طيب ياحبيبي لو احتجت حاجه قول لداده روحيه وهي هتعملهالك أوكي"
"بس أنا محتاجك آنتي"
"معلش ياحبيبي أصل صحباتي مستنيين لما ارجع هنتكلم زي ماانت عايز تمام"
أومأ براسه بحزن شديد
دخل يوسف الي غرفته والقي بنفسه علي السرير يُفكر فيما حدث وكيف وصلت اليه الأمور لهذا الحد وكيف كان مع عمه وابنة عمه حبيبته وكيف هو الآن وسط عائلته غريب
               فلاش باك
" يوسف الحقني رجلي بتوجعني اااه "
" مالك يانهي بتوجعك من إيه معرفش وقعت إزاي وما شوفتش الحجر ده"
"خلي بالك يانهي اتسندي عليا"
"مش قادره يايوسف"
حمل يوسف نهي فهو كان في عمر ال١٥ وهي كانت في عمر ال١٢ ولكن يوسف صاحب بنيه قويه وطويل وهي قصيره وذات بنيه ضعيفه
حملها وذهب بها داخل المنزل
قابلته زوجة عمه سماح" خير يابني نهي مالها "
" وقعت يا مرات عمي مش قادره تمشي " وضعها يوسف علي السرير وذهب لاحضار الطبيب"
يوسف يعيش مع عمه منذ العاشره من عمره وذالك نظرا لكثرة سفر وانشغال والده ووالدته فقررا تركه مع عمه وأولاد عمه الثلاثه نهي وراشد الذي يكبره بعامان وزاهر الذي يكبره باربع أعوام فكانت اسعد ايام حياته وقت وجوده معهم
ولكن انقلبت الموازين عندما مات جده وترك ميراث كبير قسما الاخوه الميراث وقررا فتح شركه معا ولكن خسرت الشركه وقررا الانفصال وفتح إبراهيم مشروع صغير
اما حسين فقرر السفر وأخذ يوسف معه كان يوسف يرفض في أول الأمر لانه قد قرر الارتباط بنهي وكان قد وعدها بأنه سوف يُنهي الجامعه ويتقدم لخطبتها
صدقته نهي فهي كانت في الصف الأول الثانوي وهو في الأول جامعه فعندما سافر والده واخذه معه اكتشف يوسف أن والده قد سرق عمه وخدعه وأخذ نصيبه من الشركه فقرر يوسف الابتعاد عن نهي خجلا من مافعله والده ولم يستطع مواجهة عمه او نهي
فعندما واجه والده ووالدته اعترف والده
"آيوه يايوسف أنا كان لازم أكبر في السوق وعمك عاملي فيها صاحب الاخلاق الفضيله واقوله الدنيا لازم تعافر فيها وتبقي وَحْش علشان الكل يخاف منك كان بيرفض وشوف دلوقتي هو فين وأنا فين"
"بس يابابا إنت بعدتني عن الانسانه اللي بحبها وعايز ارتبط بيها"
"ارتباط إيه يابني انت لسه صغير ولازم تكبر وتكبر معايا أمال أنا بعمل ده كله لمين ماهو ليك"
" بس يابابا.. "
" بلا بس بلا مبسش خلاص خلص الكلام"
               [ عوده ]
فاق يوسف من شروده وظل يبكي
"انا جبان انا فعلا جبان ولا عرفت أواجه أبويا ولا نفسي واقف جنب الحق لا مشيت ورا أبويا ورا الباطل ورا الطمع وسبت الانسانه الوحيده اللي قلبي حبها الانسانه الوحيده اللي قلبها نضيف انا آسف يانهي آسف إني اتخليت عنك آسف علي كل حاجه خلاص انا لازم أواجه وارجع الحق لأصحابه لازم عمي يعرف كل حاجه لازم أتخرج من الجامعه واشتغل من الصفر
واواجه نفسي
نظر الي نفسه في المرآه كفايه جُبن كفايه خوف الفلوس عملت إيه أنا عايش وحيد في وسط عيلتي وحيد محدش حاسس بيا كنت معاها ومع عمي عايش بين عيلتي بجد مرات عمي ما فرقتش بيني وبين ولادها في يوم ،امي عمري ماشفت منها حنية الام اللي انا شوفته في مرات عمي
اااااه اااااااه تعبت انا تعبت يااااااارب
~~~~~~~~~~~~~
يااااه يانهي دا كله حصل بس سابك كدا من غير سبب
بس يانهي كنتي صغيره والايام بتغير البشر ممكن يكون شاف وآحده تانيه
بس إزاي هو وعمي اختفو مره واحده كدا ولا حتي سالو علينا ولا علي بابا لما تعب
عمي بقي صاحب أكبر شركات وتوكيلات عربيات مافكرش يقول لأخوه تعال إشتغل معايا
بس الحمد لله بابا عمل مشروع وبقي عنده سوبر ماركت كبير وعربيه هي آه موديل مش جديد بس الحمد لله مش محتاجين لحد
"طيب ويوسف"
"ماله"
"لسه بتحبيه"
"أنا عمري ما نسيته رغم كنت صغيره بس كل يوم حبه في قلبي بيزيد والبعد ماقللش ولو ذره صغيره بالعكس بييجي علي بالي وبشتاق له انا بدعي ربنا إني اشوفه ولما شوفته حاسه إني تعبت آكتر كان نفسي أفضل معاه بس وماقدرتش أواجه أو أعاتب"
"يااااه دا كله شايلاه في قلبك ربنا يريح قلبك ياحبيبتي"
"خلاص يا أروي مامنوش فايده الكلام هو عايش حياته وشكله نسيني وبلاش نفتح في الموضوع ده تاني"
" ماشي ياستي خلاص نغير الموضوع "
" آه نرجع لموضوع كريم "
" كريم!! "
~~~~~~~~~~~
في المكتب عند كريم كانت تجلس السكرتيره منال تبكي تقدم هاني للدخول للمكتب
" آنسه منا.... بتر الكلمه عندما وجدها بهذا الحال
الاه مالك يامنال بتعيطي ليه في حد زعلك قالها بلهفه تعجبت منها منال "
" لا يابشمهندس محدش زعلني بس بس "
" بس إيه يابنتي قولي يمكن اساعدك "
" أصل أصل عرفان خطيبي سابني عاااااا"
"أحسن"
"نعم حضرتك"
"اقصد اقولك يعني هو اللي غلطان حضرتك انسانه طيبه جميله ومؤدبه هو آه دمعتك قريبه وأي حاجه بتعيطي عليها بس ده ما يمنعش إنك جميله ومؤدبه "
" مُتشكره علي المجامله الحلوه دي "
" بس هو فعلا سابني علشان بيقول آنتي نكديه بتعيطي علي كل حاجه وكمان بيقول إن آنتي مش متدردحه" قالتها بخجل
غضب هاني بشده وبرزت عروقه وهذا ما لاحظته منال
" يعني عايزك متدردحه إزاي الكلام ده "
" يعني عايز يمسك إيدي وبيقول أحط مكياج والبس بناطيل زي بنات اليومين دول "
" هو أنا وحشه ،سألتها بعفويه "
" لا طبعا
هو اللي لامؤاخذه مركب قرون
لكن بالعكس انتي إنسانه جميله ومُحترمه ومفيش  غلطه"
منال!
"أفندم مستر هاني"
"تتجوزيني!!!"
"بتقول إيه حضرتك بس"
"خلاص يا آنسه منال شكلي اتسرعت وانتي لسه خارجه من تجربه أنا آسف "
وتركها ودخل لمكتب كريم دون إذن
تعجبت منال فعلته فكانت مفاجأه بالنسبه لها ولم تعلم انه سيطلب منها الزواج يوماً فهي أحببته من اول يوم تعاملت معه في هذا المكتب ورفضت الكثير إلي أن والداها أصرا علي هذه الخطبه
" يعني هو فهم اني مش عايزاه طيب أعمل إيه أنا بحبه قوي يارب حلها من عندك"
دخل هاني متجهم الوجه وجلس أمام كريم بحزن
رفع كريم وجهه وجد هاني حزين
"مالك ياهاني دخلت من غير دوشه يعني ومالك شايل الهم ليه كده انت كويس يابني"
هز هاني راسه نافيا
"مالك يابني متقول قلقتني "
" قص عليه هاني ماحدث مع منال"
" انت عبيط يابني واحده لسه طالعه من تجربه وحزينه تروح تقولها تتجوزيني تصبر يومين تلاته وبعدين قول"
"خفت خفت تضيع مني تآني "
" ماهو أنا قلتلك من زمان حاول تكلمها وروح اخطبها ترد وتقولي أنا خايف تكون مش عايزاني وهوب مره وآحده لاقيتها اتخطبت"
" علشان كده قلت الحقها ،أنا بحبها قوي ومش عارف أشوف غيرها امي هتتجنن علشان تجوزني وعماله تقول هو إللي خلقها مخلقش غيرها "
" طيب خلاص اهدي يومين تلاته كده تكون الأمور هديت وقولها تاني "
" لا ياعم لحسن تكسفني"
" إنت عبيط يابني إللي بيحب حد بيعافر علشانه وانت عافر واتعب شويه وامسك فيها وفي حبك"
"طيب ياخويا وإنت مقدمتش خطوه ليه علشان تخطب إللي بتحبها "
" أنا فعلا لازم أخد خطوه ياهاني لحسن تطير هي كمان"
" انا مُتشكر ياصاحبي، اطير انا بقي علي المكتب سلام"
" سلام، ظل كريم يفكر في الخطوه التي سوف يقوم بها اتجاه اروي.........
~~~~~~~~~~~~
عند الدكتور حازم قصت نور عن حياتها مع مسعد ووالدتها ولكن لم تتحدث علي انها ليست ابنتهم وهذا ماجعل الشيخ يس يتعجب من موقفها
"طيب يعني ممكن تفتكري يانور إن والدتك حاولت تنتحر من إللي شافته مع مُسعد ولا في حاجه انتي مش قولتيها أو مش عايزه تقوليها"
ارتبكت نور وتلعثمت في حديثها
"اانا اانا هخبي علي حضرتك إيه"
"بس ده من العلاج يانور علشانك وعلشان والدتك علي العموم لو عايزه تيجي تحكي في أي وقت أنا موجود وعلشان تعرفي أي حاجه بيقولها المريض هنا بتبقي سر "
" متشكره"
" وبالنسبه ليكي انا عايزك تغيري من نفسك سيبي شعرك يطول حاولي انك تغيري لبسك يعني بلاش لبس الولاد ده لو مش عايزه تلبسي فساتين البسي بناطيل بس يكون بناتي حلو
وكمان تلبسي حلق في ودانك هتحسي إنك بنت الأنثي إللي جواكي هتظهر صدقيني "
ابتسمت نور وخرجت مع الشيخ يس سعيده وذهبت للاطمئنان علي والدتها وبعدها اقترح عليها الشيخ يس للذهاب لشراء ملابس جديده كما نصحها الطبيب........
دخل احمد الي المستشفي سأل علي غرفة ثريا ولكن لم يُسمح له بالزياره الان الابعد ساعه فقرر الذهاب للجلوس في الحديقه فمع خروجه اصطدم باآخر شخص يتوقعه..........
-------------------------------
أنا هسيبكو تتوقعو😁