غرام النمر 🌺 (الجزء الاول والثاني )

🖤البارت الثانى 🖤

البارت الثانى
❤️ رواية غرام النمر ❤️
فى الصباح المشرق الجميل فى القصر الحديدى
فى غرفة بطلنا انزعج من الخبط اللى على باب .
الخادمة : جاسر بيه اصحى الكل مستنى حضرتك على السفرة
جاسر بنوم : ماشى يا عائشة خلاص صحيت.
قام جاسر ودخل الى الحمام يأخذ شاور و خرج الى غرفة الملابس لبس بدله انيقه لونها اسود وساعته الفاخمه وحزاء لامع ونزل الى الاسفل.  
دخل جاسر الى غرفة الطعام ليجد الجميع جالسون على السفره .
جاسر : صباح الخير .
جميع رد عليه
فجأه دخل عليهم نديم وقال : طبعا انا عارف انكو ماتكلوش من غيري . وقعد على كرسى السفره .
شهد : طبعا ياحبيبى احنا نقدر وبعدين انا زعلانه منك أن  مجيتش امبارح مع جاسر تسلم عليا .
نديم : هو انا اقدر على زعلك ياشوشو بس غصب عنى انا كنت عايز اروح البيت عشان ارتاح .
يونس : جاسر اعمل حسابك ان فى حفله بكرة عشان رجوعك من السفر .
جاسر : ما انت عارف انى ماليش فى جو الحفلات دى بتخنق منها.
نديم : اسكت يابنى هيبقى فى مزز ياعمو مش كدا .
يونس غمز لنديم : اة طبعا.
شهد بغضب : يوونس.
يونس بخضه : روح قلب يونس من جوه نغز نديم بيده اى ياحيون مزز اى انا قولت انى هيبقى فى حاجة زى كدا .
ادهم بمكر: اموت فيك يا ياسو لما بترجع ورا فجاءه
الجميع ضحكو على المشاغب.
اتكلم جاسر وقال : يلا استاذ نديم هنتأخر على الشغل عشان فى اللوا جديد هيمسك بدل اللواء سعد .
نديم : اوبس انا نسيت خالص الموضوع دة يلا بينا.
خارجو الى الخارج 
الياس : طب انا هسبقك يابابا على الشركة .
يونس : لا استنى هاجى معاك  و وجه كلامه الي والده وقال : بابا ابقى كلم زين واعزمه عشان ابنك بيتقمص على اى حاجة وانتى ياشهد ممكن تكلمى مراته .
الجد : حاضر منا عارف انت هتقولى ربنا يهديه ويبطل يمشى ورا كلام مراته .
شهد : لا انا مش هكلم حد انا واخدة موقف منها من المرة اللى فاتت هو عمو يعزمهم وخلاص .
يونس : خلاص يابابا متنساش يلا يا الياس وانت يا استاذ ادهم مش هتروح جامعتك .
ادهم بصيغة مضحكة : اللهى يسترك خدنى معاك فى طريقك .
يونس ضحك : طب يلا يا اخويا .
   
💥💥💥💥💥💥💥💥💥💥💥💥💥💥💥💥💥💥

فى فيلا عبدالله الشاذلى
يقف فى شرفة المنزل ويفكر ما حدث امس
(فلاااااااااش بااااااااااك .)
المجهول : اه طبعا ده من حقك انا بكون سالم رياض فاكره .
عبدالله بصدمه : سالم رياض .
سالم : اى .... صدمه مش كدا يا صديقى ما احنا كنا اصدقاء زمان .
عبدالله بغضب : اه كنا اصدقاء قبل ما تبيع بلدك وتبقى جاسوس انطق يا زفت تقرب اي لمعتز ؟؟؟
سالم : اهدى على نفسك تعالى خد الكبيره  بقى ..... ان معتز بيكون ابنى .
عبدالله بغضب : ازاى و المعلومات اللى جاتلي
على معتز انه ابن رجل اعمال واسمه هاشم. 
سالم ضخك بخبث : منا هاشم ياعبدالله هو انا مقلتلكش انا غيرت اسمى وشكلى ، لو ابنى مخرجش من القضيه بتاعتو مش هرحم بناتك اصلهم دخلو دماغى .
وقفل السكه وعبدالله بقى مش  مصدق وقال ماشى ياسالم ميبقاش اسمى الغول لو مقبضتش عليك .