غرام النمر 🌺 (الجزء الاول والثاني )

🌺 البارت ¹⁵ "عشق اولاد النمر" 🌺

✨البارت الخامس عشر ✨
✨روايه عشق اولاد النمر ✨
✨ غرام النمر 2 ✨️
~~~~~~~~~~~~~~~~

"تولين نزلت وتوجهت الي الريسبشن ودخلت بمرح
وقالت : نعم يا دادي قالوا انك عاوزني ...
ثم وقفت ثواني وبرقت واتصدمت من وجود احد ما
تولين بصدمه : اي ده
إلياس: تعالي يا تولين عاوز اعرفك علي مصطفي هيكون حارسك الشخصي من دلوقتي ....
نظرت له تولين بفرحه وقالت : احلف ده بجد
إلياس : بصي يا تولين يا حبيبتي انا مش فاضي لهبلك انا عندي شغل انا فهمت مصطفي كل حاجه قعدي واتعرفي عليه وقوليلوا علي جدول مواعيدك لان مفيش حركه هتتحركيها من غيره .. هيكون معاكي في اي حته تروحيها وهيبقي ليكي سواق من النهارده ومصطفي هيكون متواجد معاكي في العربيه ..... انا يا مصطفي مش هوصيك علي بنتي زي ما فهمتك كل حاجه ...
مصطفي بأدب : متقلقش حضرتك ...
ذهب إلياس الي الخارجه قابل ديلان ...
ديلان : انت ماشي يا إلياس
إلياس : اه عاوزه حاجه
ديلان : لا يا حبيبي عاوزه سلامتك ...
إلياس قبل جبينها وخرج ...
عند تولين جلست علي الاريكه ومصطفي جالس امامها علي المقعد وكانت تنظر لها بفرحه وانبساط
مصطفي : احب اعرف علي تحركات حضرتك بظبط
تولين : حضرتي اي بس قولي الاول اي اللي خلاك تيجي وتوافق علي العرض بتاعي انت كنت مش رافض اي اللي خلاك تغير رأيك ...
مصطفي : بصي يا تولين هانم انتي عارفه كويس انا هنا ليه انا هنا لشغل وبس و لاحميكي ياريت بلاش الكلام اللي ملوش لازمه وتقوليلي علي مواعيد تحركاتك امتي بتخرجي بتروحي فين كل يوم ..
تولين شعرت بالاحراج ونظرت له بحزن وقالت : تمام انا انهارده هروح علي الكليه عندي محاضره وبعد كدا هروح اعمل شوبينج ..
مصطفي : تمام ...
دخلت ديلان عليهم وقالت : ها يا تولين اي رأيك بالحارس اللي باباكى جابه ليكي ...
تولين نظرت له وقالت باستفزاز : مش بطال يا ماما انا همشي انا عشان متأخرش علي الكليه
ديلان : ماشي يا حبيبتي روحي ...خد بالك منها يا قولت اسمك اي معلش نسيت اسمك ...
مصطفي قال : مصطفي يا هانم ..
ديلان : ماشي يا مصطفي خلي بالك من تولين هانم سامع ...
مصطفي بجديه : متقلقيش حضرتك
تولين : يلا يا ماما باي عشان متأخرش ..
ديلان : مع السلامه ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند همس كانت في الكليه كانت في محاضره يامان
مركزه في الشرح جدا وكانت تسجل المحاضره كلها
ثم سرحت فجاءه فيه وتخيلت يامان كان يرتدي بدله انيقه وهي ترتدي فستان زفاف بسيط وكانوا يرقصون سلوا مع بعض وتنظر له بحب وفرحه وهو كان ينظر لها بحب ومبتسم ثم حمل همس ولف بيها وهي كانت تضحك بفرحه ... ثم نزلها وحاوطها بذراعه علي خصرها
ثم قال يامان : بحبككك يا همس
قالت همس : وانا بعشقككككك
قطع سرحانها بنداء صديقتها اسيا ...
همس بغيظ : اي عاوزه اي
اسيا : انتي روحتي فين بقالي ساعه بناديكي..المحاضره خلصت مش يلا نخرج وله عجباكي القعده ...
همس : اي ده هي خلصت امتي ...
اسيا بغمزه : من خمس دقايق قوليلي كنتي سرحانه في اي ...
همس بتوتر : وله حاجه يلا نخرج ..
خرجوا همس من المدرج وخالد زميلها كان واقف مع اصدقاءه عندما لمح خروج همس استأذن من اصدقاءه وذهب لها ...
خالد وقف امام همس فجاءه وقال : مساء الخير
همس بخضه : اي يا خالد خضتني
خالد : اسف مقصدش ممكن اتكلم معاكي شويه
اسيا : طب انا هسبقك علي الكافتيريا يا همس
همس: لا استني يا اسيا ...خالد احنا مش بنا اي كلام مينفعش اقف معاك اصلا
خالد : لو سمحتي اسمعيني واديني فرصه مش هاخد من وقتك كتير ...
اسيا قربت من همس وهمس لها وقالت : اسمعي مش هتخسري حاجه ..الواد هيعيط ...
همس نغزتها بغضب ثم ضحكت اسيا وذهبت ...
همس : ها يا خالد عاوز اي
خالد : يا همس انا نفسي تديني فرصه انا بحبك اوي صدقيني عمري ما حبيت وله اتمنيت بنت غيرك دايما انتي في بالي وديما بدعي ربنا انك تبقي من نصيبي ارجوكي اديني فرصه مش هتخسري حاجه
همس : يا خالد افهم بقي قولتلك انا مش قادره اشوفك غير واحد زميلي فقط مش قادره اشوفك غير كدا ..
خالد : طيب اديني فرصه لمده شهر واحد نقرب ونتعرف علي بعض لو بعد الشهر محبتنيش زي ما بحبك اوعدك ان هسحب نفسي ومش هتشوفيني تاني خالص ارجوكي وافقي ..
همس نظرت له وقالت : ماشي يا خالد سيبني افكر وارد عليك ...
خالد بابتسامه : ماشي انا مبسوط انك اديني فرصه بجد فرحان .
همس بضيق : انا لسه هفكر يعني مدتكش فرصه وبعد اذنك بقي
"همس وهي نازله رجلها فلتت وكانت هتقع لاكن وقعت في أحضان يامان همس كانت غمضت عيونها بشده وبخوف ...
يامان بمزح : افتحي عيونك موقعتيش انا انقذتك
همس فتحت عيونها وبرقت عندما رأت يامان...
همس بصدمه : يامان ...
يامان : اي هتفضلي في حضني كده كتير هو حلو اوي كدا ...
همس بعدت ونظرت الي الارض بخجل ورجعت خصلات شعرها خلف اذنها
قالت بخجل : انا اسفه مقصدش ...
كانت ذاهبه لاكن يامان وقف امامها مثل الحائض...
همس بخجل : خير يا يامان في حاجه.
يامان بضيق : هو مين الشاب اللي كنتي واقفه مع ده
همس : ده ده واحد زميلي
يامان بعصبيه : هو انتي متعوده تقفي وتتكلمي مع شباب
همس برفع حاجب : لا طبعا انا عمري ما اتكلمت مع ولد غير خالد بيكون زميلي من بدري وقريب ممكن يتغير من زميل لحاجه تانيه
يامان : نعم مش فاهم
همس : اصل خالد ده اعرفه من زمان اوي معايا من ثانوي....احم ومن زمان اعترفلي بحبه وانو بيحبني اوي بس انا مش بحبه وعاوزني ادي فرصه نتقرب ونتعرف علي بعض اكتر وقالي شهر واحد بس لو مخلنيش احبه هيبعد ومش هيقرب مني تاني ....رأيك اي اديله فرصه وله لا
يامان فجاءه شعر بنيران الغيره وكشر وقال : لا ده شكله عاوز يتسلي متديش لي فرصه
همس : بس فعلا هو بيحبني اوي انت انا كنت حاسه ان شويه وهيعيط
يامان بتريقه : يعيط وده اسمه اي هو في راجل يعيط
همس برفع حاجب : اه في يا دكتور ....في اللي بيحب بجد وباين قد اي ان خالد بيحبني لا ده بيعشق التراب الي بمشي عليه ....انا هفكر اديله فرصه يمكن اغير رأي واحبه بعد اذنك يا دكتور اصل صاحبتي مستنياني في الكافتيريا...