غرام النمر 🌺 (الجزء الاول والثاني )

🌺 البارت ¹⁶ "عشق اولاد النمر" 🌺

✨البارت السادس عشر✨
✨روايه عشق اولاد النمر ✨
✨ غرام النمر 2 ✨️
~~~~~~~~~~~~~~~~

"قبل الفرح بأسبوع واحد "
نذهب الي ماسه كانت في السياره ومتوجهه الي شركه حمزه...وبعد دقائق وصلت الي امام الشركه ودخلت وسألت علي مكتب حمزه ثم توجهت نحوه
وكانت سوف تدخل وتفتح باب المكتب لكن وقفتها السكرتريه وقالت : ثانيه يا انسه انتي رايحه فين ...
ماسه نظرت له ثم قالت : مش ده مكتب حمزه القيصري ..
السكرتيره : اه هو حضرتك واخده ميعاد معا
ماسه : لا ..
السكرتيره : طيب لازم تاخدي ميعاد وهو حاليا مش فاضي ممكن اديكي ميعاد وتيجي بكره ...
ماسه : اكيد اللي جوا مش اهم مني وسعي كدا ...
ثم فتحت الباب والسكرتريه حاولت تمنعها لاكن ماسه دخلت غصب واتصدمت من الذي رأته ...
كان حمزه جالس علي المكتب وبجاوره فتاه واقفه بدلع وكانت قريبه منه اوي ...
ماسه بغيره : حمزه ...
حمزه لاحظها وقام وقف واندهش من وجودها .
السكرتيره : والله يا فندم حاولت امنعها وبلغتها ان حضرتك مش فاضي ..
ماسه وهي تجز علي اسنانها : اه ما هو باين اوي ان مش فاضي ...
حمزه توجه لها ثم شاور لسكرتريه ان تذهب ...
ثم قال : ماسه انتي اللي جابك ...
ماسه بغضب : هو ده كل اللي همك مين دي اللي كانت شويه وهتقعد علي رجلك ...
حمزه لاحظ ان ماسه غيرانه ابتسم بخبث ..
ثم قال : دي المهندسه كرستين بتكون شغاله هنا ....ودي اللي عاملتلنا ديكورات الفيلا ...
ماسه : هي دي اللي عملت ديكور وانا اقول ليه معجبتنيش الديكورات اتاري سردين هي اللي عاملها ...
حمزه كتم ضحكته ...
ثم كملت ماسه : اتشرفت بمعرفتك يا سردين انا دكتوره ماسه خطيبه الاستاذ حمزه
كرستين بغيظ : عفوا حضرتك انا اسمي كرستين مش سردين ...بصراحه يا مستر حمزه مكنتش اتوقع ان ذوقك وحش اوي كدا ...
ماسه نظرت الي حمزه وقالت : هي قصدها اي بالكلام ده قصدها عليا مش كدا ...
حمزه هز رأسه بمعني اه ...
ماسه : بصي يا سردين هعد من واحد لحد تلاته لو لقيتك لسه موجوده متلوميش غير نفسك....واحد ...اتنين ...
قبل ما تكمل ماسه العد كانت كرستين ركضت الي خارج المكتب ...
ماسه توجهت الي حمزه ومسكت في قميصه ...
ثم قالت بغيره : اي اللي انا شوفته ده ازاي تسمح ليها تكون قريبه منك لدرجه دي ...
حمزه ابتسم ووضع يده في جيبه ثم قال : غيرانه ...
ماسه بغضب : رد علي سؤالي
حمزه ببرود : كنا بنشتغل ...وبعدين انتي ازاي جيتي هنا وعرفتي العنوان من مين ...
ماسه بعدت وقال : خدته من اسد ...انا ماشيه اصلا انا غلطانه انا اللي عملت كدا في نفسي ..
ثن كانت ذاهبه الي خارج المكتب لاكن حمزه ركض لها وجذبها من ذراعها .
حمزه : رايحه فين ...
ماسه : وانت مالك رايحه فين ..
حمزه : ماسه لمي نفسك ...
ماسه : ممكن اتزفت اعرف بقالك اسبوع مش بتكلمني لي ده حته يا اخي عيد ميلادي عدي مهنش عليك تبعت رساله ليا وتهنأني بعيد ميلادي ....او تكلمني لدرجه دي انا مش مهمه عندك ..
حمزه : اي ده هو عيد ميلادك كان امتي انا معرفش ...
ماسه بغيظ : لا والله أعملهم عليا اعملها ...يعني عاوز تفهمني ان اسد مبلغكش علي يوم عيد ميلادي ...
حمزه هو انت بجد بتحبني وله انت بتضحك عليا
حمزه : يوووه انا زهقت هو انتي كل ما تشوفي وشي تقوليلي نفس الكلمتين يا ستي بحبك ...صدقيني بحبك ومحبتش غيرك ..
ماسه نظرت له ثم قالت : مش حاسه بده ....عيونك بتقول غير كدا ...
حمزه : انتي شكلك ناويها علي نكد مش كدا ...وبعدين قوليلي صح هو النمر باشا يعرف انك عندي
ماسه : اه عارف ...
حمزه بشك : نعم عارف انك معايا وعادي كدا ...
ماسه : احم بصراحه لا ميعرفش ....
حمزه : طب اي تحبي اروح ابلغه
ماسه : حمزه بطل رخامه اصلا انا غلطانه ان جيت ..انا همشي ...
حمزه جذبها له بقوه وحاوط ذراعه علي خصرها ...
ماسه بخضه : اي ده انت قربت كدا ليه والله لو طلعت منك حركه كدة وله كدا لهصوت والم عليك الناس ...
حمزه ابتسم وقال : اهدي يا مجنونه حابب اديكي حاجه ....غمضي عينك ...
ماسه : طب ابعد عني ...
حمزه بعد عنها ثم قتل: اهو بعدت اتفضلي غمضي عينك عاماك مفاجاءه.
ماسه نظرت له وتنهدت ثم غمضت عيونها...
ماسه : هو انت روحت فين
حمزه : اوعي تفتحي...
حمزه ذهب الي درج المكتب اخذ منه مفاتيح الخزنه ثم توجه الي الخزنه و فتحها واخذ منها علبه قطيفه شيك ..ثم قفل الخزنه وتوجه الي ماسه مره اخري ...
ووقف امامها واخذ نفس ثم قال : فتحي يا حبيبتي
ماسه فتحت ثم قال : حبيبتك ...
حمزه بخبث : اه حبيبتي وروحي وعقلي وكل حاجه في الدنيا ...اتفضلي ياستي هديه عيد ميلادك ...كل سنه وانتي طيبه......انا اسف اني اتأخرت عليكي لكن كنت قاصد اعمل فيكي المقلب ده عشان افجأءك بالهديه ...
ماسه : يعني انت عارف عيد ميلادي امتي وكنت قاصد انك متتصلش وحتي تبعتلي رساله ...
حمزه هز رأسه بمعني نعم...
ثم قال : انا اسف انتي مش عارفه الاسبوع ده عدي عليا ازاي من غير ما اشوفك وله حتي اسمع صوتك ..خدي بقي الهديه وقوليلي رأيك ...
ماسه اخذت منه العلبه ثم فتحتها وانبهرت بجمال الهديه ...
ماسه بفرحه : ده نفس العقد اللي عاجبني في المول ساعت ما كنا بنشوف فستان الفرح صح ..
حمزه : صح ...
ماسه : بس ليه جبته ده كان غالي اووي ...
حمزه : ميغلاش عليكي هو بصراحه تعبت جدا لحد ما جمعت فلوسه عشان اجيبه عشان كدا اتأخرت علي ما جبته...
ماسه : بجد جميل اوي متخيلتش انك تاخد بالك ان عجبني وكمان تجبهولي...
حمزه : انا اجيب ليكي كنوز الدنيا كلها يا ماسه لأنك تستاهلي ...
ماسه بخجل : بجد شكرا
حمزه : شكرا بس مفيش كلمه حلوه ليا ...
ماسه : احم هو انا ممكن اطلب طلب صغنون منك ...
حمزه : اتفضلي..
ماسه بغيره : انا عاوزك تمشي البنت السلعوه اللي كانت هنا من شويه مش مرتاحه ليها ...
ضحك حمزه ثم قال باستفزاز : قصدك كرستين...
ماسه بغيظ : حمزه ...
حمزه : حاضر همشيها
ماسه ابتسمت : طيب انا همشي بقي لان كدا اتأخرت علي المستشفي ...
حمزه : خلاص ماشي ابقي رني عليا لما توصلي ..
ماسه : حاضر سلام ...
ثم توجهت الي الباب وكانت سوف تفتحه لكن نظرت الي حمزه وقالت : حمزه
حمزه : نعم ...
ماسه بخجل : انا بحبك ....
ثم ركضت 🏃‍♀️ مسرعا الي خارج بخجل شديد وخرجت خارج الشركه ...
وحمزه توجه الي الشرفه ووقف امامها ليري ماسه ليطمئن عليها ان ركبت السياره وابتسم علي برأتها وخجلها ...ثم التفت الي المقعد وجلس عليه وفتح درج المكتب واخرج منه برواز كان فيه صوره له هو وساندي ...وكان حمزه صغير جدا....
حمزه اخذ نفس وقال : انا مش عارف اللي انا بعمله ده صح وله غلط ....انا تراجعت عن انتقامي ياماما ....انا وقعت في حبها ياماما مقدرتيش اذيها سامحيني هي ملهاش ذنب ان أذيها. ...بس اوعدك ان انتقم من النمر شخصيا. هوجعه زي ما وجعك لاكن ماسه لا مش قادر اعمل ليها حاجه .....متزعليش مني ياماما وانتي اكيد مش هتزعلي من ابنك حبيبك ....وحشتيني يا ماما اوي ....
ثم قبل الصوره ووضعها الي الدرج مره اخري وبدأ يتابع عمله ...