غرام النمر 🌺 (الجزء الاول والثاني )

🖤البارت الرابع 🖤

مواعيد النشر انشاءالله بعد كدا الروايه هتنزل يوم التالت ويوم الجمعه❤️
وياريت تتفاعلو لان بجد بتعب فى الكتابه البارت اوى واتمنى تدعموني وتقولوا رايكم فى الروايه ❤️❤️❤️❤️😉
💥💥💥💥💥💥💥💥💥💥💥
نبدأ البارت الرابع
(وقفنا في البارت اللي فات ان غرام بدون تردد رفعت يديها لتضربه كف )
فى الحفله
غضبت غرام بشده من كلامه وجراءته انه امسكها ثم بدون تردد رفعت يديها لتضربه كف.. لكن جاسر ادرك بأخر لحظه امسك يدها بقوه واخذ يرمقها بغضب ولوى ذراعها وراء ظهرها ليلتف جسدها ويرتطم بصدره بعنف اخذت تتلوى بين يديه ذراعه من الألم وقالت : اااه سيب دراعى يا حيوان انت .
حاولت تنتزع ذراعها من قبضته الفولاذيه لكنه لم يترك لها فرصه ليقرب فمه من اذنيها ويهمس لها بصرامه وغرور : مش النمر البنغالي اللى واحده تضربه يا قطه هندمك على رفع ايدك عليا .
ارتعبت غرام منه بشده واخفت الخوف بداخلها وتصنعت الشجاعه والقوه امامه وقالت وهى تحاول تنزع ذراعها : اوعى يعم انت لو فاكر انى هخاف بالكلمتين دول يبقى انت متعرفش انا مين .
جاسر ترك ذراع غرام وقال بخبث : تبقى مين يعنى .. اقولك انا بتكونى بنت الغول مش كدا ؟؟؟؟؟؟
جاسر لمح عبد الله متجه اليهم
أمسكت غرام ذراعها بوجع وجهت كلامها لجاسر: انت مجنون مش طبيعي ...
جاسر ابتسم بسخريه ووضع يده فى جيبه .
جاء عبدالله الشاذلى اليهم وحضن غرام : اى يا جاسر اتعرفت على غرام بنتى .
جاسر بخبث بينظر اليها : اه يا سياده اللواء شبهك جدا ربنا يخليها ليك اتشرفت بمعرفتيك يا انسه غرام اكيد هنتقابل تانى بعد اذنك يا سياده اللواء .
غرام بغضب : مين ده يابابا تعرفه .
عبدالله استغرب من سؤالها فكر انهم اتعرفه على بعض : ده جاسر ابن عمك يونس و بيكون من اكفئ الظباط المخابرات المصريه .
غرام بقرف : الهولاكو ده ابن عمو يونس وطنط شهد طب ازاى .
عبدالله ضحك وبسره قال :هولاكو والله يابنت ياغرام عندك حق .
غرام : انا هروح اشوف البنات .
عبدالله بضحك: ماشى يا ختى روحى .
وذهبت غرام وتوجهت الى البنات
------------------------------------------------------
عند البنات قاعدين على الطاوله
تاج بزهق : انا بجد زهقت من الحفله دى .
سيلا : عندك حق حفله ممله .
رن هاتف تاج برقم صديقتها
تاج : مرام بترن عليا هروح اكلمها فى مكان هادى وجايه .
ذهبت تاج لتتحدث مع صديقتها عند بوابه القصر و كان ادهم موجود هناك لينتظر صديقه موسى ثم ادهم لمح تاج
ادهم مع نفسه : اى ده البنت قليله الزوق دى بتعمل اى هنا
ضحك بمكر والله مانا سيبك . ثم ذهب لها
تاج انهت حديثها مع صديقتها كانت ذاهبه وجاء ادهم اليها ووقف امامها .
ادهم قال : انتى بتعملى اى هنا .
تاج بخضه : يا مامى اى يا عم حد يجى كدا فجاءه .. وبعدين انت اللى بتعمل اى هنا .
ادهم بغرور: ده بيكون بيتى انتى اللى بتعملى اى هنا .
تاج : هو انت ابن عمو يونس .
ادهم : اه ابنه عندك اعتراض .
تاج ضحكت : لا معنديش اعتراض .. انا بنت اللواء عبدالله وجايه الحفله مع بابا .
ادهم : انتى بنت عموعبدالله مش شبه خالص .
تاج بغيظ : لا على فكره الكل بيقولى انى شبه بابا اوعى انا همشى احسن بدل ما اقف اضيع وقت مع واحد زيك .
تاج كانت هتمشى بس ادهم واقف قصدها مره اخرى .
ادهم : خلاص بهزر معاكى انتى شبهه فعلا ... مد ادهم يده وقال انا ادهم يونس .. تعالى نبدء صفحه جديده ونتعرف على بعض
مدت تاج يدها وسلمت عليه وقالت بصيغه مضحكه : قلبى مش مرتحلك عموما انا تاج عبدالله وسلام بقى عشان زمان بابا قالب الدنيا عليا
وذهبت تاج ودخلت الى الحفله
ادهم بسره : شكلك ظلمتها يا ادهم طلعت عندها زوق فى الكلام لا كمان حلوه اوى اول مره اشوف عيون بالجمال ده وله شعرها اللى يجنن .. فجاءة ادهم اضرب بالقفا .
كان صديقه موسى قال : يعنى انت هنا وانا عمال ادور عليك دوختنى ده اللى عند بوابه القصر .
ادهم بغيظ : كذا مره اقولك متضربنيش بالقفا .
💥💥💥💥💥💥💥💥💥💥💥💥
سيبنا منهم ونروح عند البنات كانت غرام بتحكي ال حصل ما بينها هى وجاسر
سيلا : يلهوى عليكى يا غرام يعنى كنتى هتضربيه بجد .
غرام : اه بس أخر لحظه مسك ايديا كنت نفسى اضربه بجد
سيلا : هااا وعمل اى تانى .
غرام باستغراب : هو انتى بتقولى اى هو انا بحكيلك قصه .
سيلا بغمزه 😉: ايوه قصتك انتى والنمر هتتجوزو امتى بقى ولو خلفتو بنت تسموها سيلا .
غرام بغيظ : هو فى اى انتي خلتينى اتجوز وأخلف كمان .
سيلا بضحك : يبنتى افهمى هو فالأول بيتخبطو فى بعض وبعدين هيبقى فيها جواز.... فى الروايات بتحصل كدا...يارب عقبالى انا كمان اتخبط فى حد 😂🤲والله يارب مش هضربه بس خلينى اعيش فى جو الروايات اى حاجه يارب انشاءالله هو اللى يضربنى انا راضيه 😂
ديلان ضحكت عليها
غرام : يخربيت الروايات اللى عملتلك هوس فى دماغك وبعدين ده لو اخر انسان على وجه الأرض استحاله اوافق عليه
سيلا بغمزه 😉: ايوا ايوا هم فى الاول كلهم بيقولوا كدا فى الاخر بيقعوا فى حب بعض.
غرام بغيظ: انتى رخمه اوى انا قايمة قال اتجوزو قال خليكى انتى عايشه فى وهم رواياتك دى
عبدالله جاء اليهم وقال : بتعملو ايه .
سيلا : مفيش ياعمو مش بنعمل هو احنا هنمشى امتى زهقنا اوى .
روح وجهت كلامها لسيلا : سيلا انا عاوزه اشرب عصير .
سيلا : يووو يا روح تعالى معايا اجبلك بعد اذنك ياعمو .
ذهبت سيلا وروح الى مكان البوفيه
عبدالله : تعالو معايا عمكم يونس عاوز يعرفكوا على ولاده وباباه.
غرام : لا مش عايزه اتعرف على حد .
عبدالله : بنت عيب قوموا يلا .
اخذهم عبدالله الى الطاوله التي كان جميع افراد عائله يونس الحديدى عليها .
عبدالله وصل اليهم ثم وجهه كلامه للجد : اعرفك يا عمو عز... بنات الغول غرام وديلان وتاج .
الجد : ماشاءالله عليهم اي الجمال ده نورتو يا بنات .
البنات ردو على الجد شكرا لحضرتك ياجدو.
يونس : عامله اى يا ديلان نورتى شركتنا .
ديلان بكسوف : شكرا لحضرتك يا عمو .
عبدالله وجه كلامه لإلياس وقال : مش هوصيك يا إلياس على ديلان.
يونس : متقلقش يا عبدالله دى بتكون شركتها قبل شركتنا
ووجه كلامه لإلياس بمكر : مش كدا يا إلياس .
كان الياس ينظر اليها و اعجب بفستانها الجميل الهادى وملامحها الطفوليه
الياس : اه طبعا .
ديلان اتكسفت من نظراته ومن كلامهم
وكان جاسر ينظر لغرام بخبث وبيتوعد لها وغرام لحظت نظراته وغضبت
جاسر بخبث : وانتى يانسه غرام بتشتغلى ايه .
غرام اتعمدت انها لم ترد عليه عبدالله لاحظ ان غرام لم ترد قال هو : بتكون صحفيه يا جاسر . ورن هاتف عبدالله
عبدالله : بعد اذنكو .
استغل جاسر ان الكل مشغول بالحديث مع بعض وتوجه الى غرام وهمس لها : اكيد هنتقابل تانى يا انسه غرام . وذهب
غرام غضبت منه وقالت بسرها : بنى أدم سمج وبارد .
💥💥💥💥💥💥💥💥💥💥💥💥💥💥💥💥💥
سيبنا منهم ونروح لسيلا
سيلا توجهت الى البوفيه وطلبت العصير لروح وكانت ذاهبه لكن اعترض طريقها شاب وقال : هاى ممكن نتعرف انا هيثم ايمن انتى اسمك ايه
سيلا قالت بقرف: مش بتعرف على حد .
وكانت سيلا ذاهبه واعترض الشاب لها مره اخرى فمسك ايديها وقال بغمزه : صدقينى هتندمى .
كان نديم ذاهب للبوفيه ولاحظ وجود الفتاه التى كانت مع اللواء عبدالله ولفت نظره ان فى شاب بيضايقها و مسك يديها وذهب اليها وكانت سيلا غضبت بشدة من مسكه الشاب ونفضت يديها وقالت : انت مجنون ازاى تمسكنى كدا مقولت مش عايزه اتعرف وتركته لتذهب لكن الشاب كان هيمسك يدها مره اخرى لكن نديم وصل اليهم و وقف امام الشاب وقال له : ماهى قالتلك مش عايزه تتعرف لو خايف على وشك امشى احسنلك .
الشاب قال: وانت مالك ياجدع هى تقربلك .
نديم زقه جامد لدرجه ان الشاب كان هيقع وقال نديم : اه تقربلى اتفضل غور من هنا .
الشاب خاف منه وذهب و نديم توجه لسيلا
سيلا : شكرا لحضرتك جدا .
نديم سرح بجمال عينيها وشعرها الاحمر انتبه على حاله وقال : احم لا شكرعلى واجب يا انسه .... اعرفك بنفسى نديم عز الدين ظابط مخابرات .
سيلا : اتشرفت بحضرتك ..انا سيلا رسلان بكون صحفيه .
روح وهى بتوجه كلامها لنديم بمرح : وانا روح اختها الصغيره .
نديم ابتسم على طفولتها وقال : اهلا بالقمر روح .
سيلا : بعد اذن حضرتك يلا يا روح .
وذهبت سيلا
💥💥💥💥💥💥💥💥💥💥💥💥💥💥💥💥💥
نرجع تانى لعائله يونس وعبدالله
عبدالله بيوجه كلامه لعائله يونس : طيب يا جماعه انا عازمكم يوم الجمعه على الغدا عندى فى الفيلا هستناك يا يونس انت وولادك كلهم وطبعا حضرتك معاهم يا عمو .
يونس : انشاءالله يا عبدالله هشوف كدا وارد عليك .
عبدالله : مفيش هتشوف هى اجبارى هتيجى .
ضحك يونس : حاضر خلاص انشاء الله هاجى .
عبدالله بيوجه كلامه لغرام : قومى شوفى سيلا فين عشان نمشى كفايه كدا .
غرام : هى هناك اهى هقوم انادى عليها .
يونس بيوجه كلامه لعبدالله : يابنى خليك قاعد شويه .
عبدالله : لا كفايه كدا هنتظركم يوم الجمعه وقامو سلمو على بعض .
ذهبت غرام لسيلا وقالت : كل ده بتجيبى عصير لروح .
سيلا : اسكتى يا غرام شوفت واحد مز زى اللى بيبقو فى الروايات .
غرام : نعم يا ختى ؟؟؟
سيلا : هحكيلك ....
💥💥💥💥💥💥💥💥💥💥💥💥💥💥💥💥
سيبنا منهم سيلا تحكى اللى حصل معاها ونروح لمكان اخر عند جاسر واقف مع نديم
نديم نغز جاسر وقال : الحق مين جاى علينا مش دى بنت عمك ساندى .
جاسر : يخربيت كدا هو انا نقصها .
نديم بضحك : انا همشى ياعم انت عارف انى مش بطقها .
وذهب نديم وترك جاسر
جاسر شتمه فى سره وجاءت ساندى اليه
ساندى بغرور : عامل اى يا جاسر .
جاسر: تمام .
ساندى : هتسافر تانى ولا هتفضل هنا .
جاسر لم يسمعها كان ينظر لغرام التى كانت مع سيلا وبيضحكو هو سرح فى ضحكتها الجميله وقال في نفسه : عجبتينى يا غرام ودخلتى دماغى .
وانتبه على ساندى التى كانت تنده عليه
جاسر : فى ايه عايزه ايه
ساندى : كنت بقولك هتسافر تانى وله لا ثم وضعت يديها على كتفه وقالت من الواضح انك مش معايا .
جاسر بقرف نفض يدها عنه وقال : مفيش كنت بفكر فى الشغل .. وبعد اذنك . ثم ذهب
ساندى بغيظ: اهرب برحتك يا جاسر بس انت استحاله تكون لغيرى .
💥💥💥💥💥💥💥💥💥💥💥💥💥💥💥
سيبنا منهم ونروح على طاوله يوجد عليها زين وفيروز
فيروز بخبث : بص يا زين ساندى وجاسر واقفين مع بعض لايقين على بعض اوى مش كدا .
زين : اه بس باين على جاسر ان مش طايق بنتك اصلا يعنى متتعشميش ان جاسر ممكن يتجوز ساندى .
فيروز : وليه بقى ميتجوزهاش بنتنا زى القمر .
زين : قمر بالستر يا فيروز بنتك مطلقه ولا انتى نسيتى استحاله يونس او شهد يوفقوا على ساندى .
فيروز بخبث : سيب بس الموضوع ده عليا .
💥💥💥💥💥💥💥💥💥💥💥💥💥💥💥💥💥
وفي اليوم التالي
ثانى يوم فى الصباح الجميل المشرق فى فيلا عبدالله الشاذلى
غرام : يلا يابابا هنتأخر على الشغل .
عبدالله : حاضر يلا يا ورد عايزه حاجه .
ورد : لا يا حبيبى عايزه سلامتك .
عبدالله : يلا يا تاج هوصلك معايا بالمره مع اخواتك .
تاج : حاضر يا بابا .
رن جرس الباب و فتحت غرام الباب
غرام : داده قدر عامله ايه اخيرا جيتى .
ورد : مين يا غرام .
غرام : دى داده قدر وبنتها جميله يا ماما .
ورد ذهبت اليهم : اخير يا قدر جيتو وحشتونى اوى .
داده قدر : حضرتك انتى اللى وحشتينى والله انا عارفه ان اخذنا اجازه طويله معلش غصب عنى .
عبدالله : حمدالله على سلامتك يا قدر بعد اذنكو يلا يابنات

ملحوظه .
( اعرفكم داده قدر بتكون بتشتغل خادمه فى فيلا عبدالله هى من زمان معاهم ومعاملتهم معاها حلوه بيعزوها جدا طيبه وبتحب البنات اوى لانها هى من زمان معاهم وربتهم مع ورد وهى انفصلت عن زوجها من زمان ولها ابن معاق
وجميله بتكون بنت قدر هى فعلا جميله بتساعد مامتها وبتحب البنات جدا وبتعتبرهم اخواتها وهم كمان بيعتبروها اختهم عمرها 27 سنه ومتعلمه ومتخرجه من كليه تجاره
انا كدا وضحت ليكم مين دول )
نرجع نكمل
في الفيلا
ورد : تعالى يا قدر متعرفيش كنت مفتقداكى جدا بصى انا عازمه شهد يوم الجمعه اللى جايه طبعا عارفها عايزين نرتب هنعمل ايه .
قدر : متقلقيش خالص كل حاجه هتمشى زى ما انتى عايزه .
ورد : طيب يلا بقى تعالى نروح المطبخ ونعمل الاكل اكلك وحشنى ياقدر .
💥💥💥💥💥💥💥💥💥💥💥💥💥💥💥💥💥
سيبنا منهم ونروح مكان اخر
فى الجريده
وصلت غرام وسيلا الجريده وطلعوا الي مكاتبهم
ومنذ أن دخلت الجريدة وقام المدير بطلبها مرارا وتكرارا إلي أن قابلته
غرام بتوجه كلامها لسيلا : هو فى ايه انا عملت مصيبه وله ايه
انا هروح اشوف المدير عايز ايه .
وتوجهت غرام الى مكتب المدير ثم طرقت الباب فسمعت صوت المدير وهو يأذن لها بالدخول فدخلت وابتسمت ابتسامه خفيفه وقالت : صباح الخير يا فندم خير حضرتك عايزني .
المدير : صباح النور تعالى ياغرام اقعدى عايزك فى موضوع .
قعدت غرام وقالت : طبعا اتفضل .
المدير : انا اخترتك انتى بالذات يا غرام عشان انتى اشطر واكفئ واحده هنا فى الجريده في قضيه مهمه جدا هتمسكيها انتي القضيه دي تشمل مخدرات واسلحه وتجارة اعضاء والقضيه عاوزه دراسه ومجهود وتفكير قوي جدا يعنى تجيبى معلومات عنها وعن المجرم وطبعا انتى لازم تقابلي المجرم نفسه وبيكون اسمه معتز هاشم الدسوقى بس في مشكله ان ازي هتقابلي المجرم ده .
غرام : تمام يافندم انا هعمل محولات كتير للوصول للمجرم ده .
المدير : انا واثق انك هتكوني قد المهمه .
غرام : تمام يافندم حضرتك عايزنى فى حاجه تانيه .
المدير : لا يا غرام .
وخرجت غرام من مكتب المدير وتوجهت الى مكتبها ومارست عملها .
💥💥💥💥💥💥💥💥💥💥💥💥💥
وفى المساء
فيلا عبدالله الشاذلى
جالس عبدالله في مكتبه وكان بيفكر هيعمل ايه مع سالم قطع حبل افكاره دخول غرام
غرام : مساء الخير يا بابتى .
عبدالله : عايزه ايه يا لمضه اكيد عايزه حاجه .
غرام : بتقفشنى انت يا غول على طول بص يا بابا انا متكلفه بجمع معلومات قضيه مهمه جدا بتهم المجتمع .
عبدالله : خير يا غرام قضيه ايه .
غرام : قضيه عن تجاره مخدرات واسلحه وتجارة اعضاء
عبدالله بقلق : غرام دي بتكون قواضى خطيره جدا واى معلومه عنها بتكون صعبه جدا
غرام : اه يابابا ما انا عارفه علشان كدا قولت انت الوحيد ال تقدر تساعدني .
عبدالله : اساعدك ازي .
غرام : المجرم موجود في السجن وانا عاوزه اعمل مقابله معه .
عبدالله : مين هو المجرم ده .
قالت غرام : اسمه معتز هاشم الدسوقى .
عبدالله انتفض من مكانه وقال : ...........يتبع
روايه غرام النمر ❤️
بقلم جنه ياسر ✍️