غرام النمر 🌺 (الجزء الاول والثاني )

🌺 البارت ¹ "عشق اولاد النمر " 🌺

♥️البارت الاول ♥️
♥️ عشق اولاد النمر ♥️
♥️ (غرام النمر 2) ♥️

"" اول مشهد ""
"نذهب الي غرام كانت تقف امام مقابر الشاذلي"
ثم دخلت ووصلت الي قبر والدها عبدالله الشاذلي والدتها ورد الشاذلي غرام تجثو علي ركبتها بحزن ودموعها تنزل بشده
وقالت : انهارده الذكري السنويه اكتر شهر بكرهوا.. وحشتوني اوي انتو ليه مشيتوا وسبتوني انا تعبانه من غيركم اوي.... انا عمري مانسيتكم دايما انتو علي بالي كان نفسي تكونوا معايا .... نفسي انام واصحي القيكم معايا..... نفسي العمر يرجع تاني.... نفسي الايام الضحك والهزار ترجع .. اااااااه علي وجعي عمره ما أقل انا دايما موجوعه علي فراقكم.... ومسحت دموعها بكف يدها...
ثم تذكرت غرام اليوم المشئوم الذي تحولت حياتها الي 180 درجه
"فلاش باااااك"
"قبل 15 عااام"
كان الكل متجمع عند قصر يونس الحديدي كانت غرام لسه ولاده اوس اخر العنقود بقالها شهر....وتاج كانت حامل في ابنتها الاولي كانت في الشهور الاخيره....كان الكل متجمع ماعدا جاسر وعبدالله في مهمه ....
كانوا الجميع في الريسبشن وكان في ضحك وهزار والاحفاد يلعبون مع بعض... لكن غرام كانت مشغوله وشارده في جاسر... وقلقانه عليه لانهم اتاخروا...

"يونس وجه كلامه لغرام : مالك يا غرام انتي تعبانه وشك اصفر كدا ليه..
غرام : مفيش يا انكل انا قلقانه شويه علي جاسر وبابا هما مفيش اخبار عنهم... انا هقوم اكلمه حاسه بحاجه و قلقانه...
يونس : متقلقيش يا حبيبتى شويه وهتلاقيهم داخلين علينا... بلاش ترني عليه لان اكيد مش هيعرف يرد ... وبعدين هما اول مره يطلعوا مهمات.....
غرام : ربنا يستر يارب يكونو بخير ويخلصو المهمه بسلامه ويرجعو لينا يارب...
شهد : يارب يا حبيبتى... ماتجيبي حبيب تاتا شويه انا مشلتهوش انهارده...
غرام ابتسمت لها وقالت : اتفضلي يا طنط ده انا تعبت بجد ده متعب اوي... انا مش عارفه ايه اللي عملته في نفسي ده كنت خلاص خلصت من الكلام ده....
ورد : يا بنتي احمدي ربنا غيرك نفسه في ضفر عيل وبعدين ده احلي هديه ربنا بيهديها ليكي...
غرام : انا مقولتش حاجه والله والحمد الله بس انا تعبت من بعض التؤام.... قولت كفايه خمسه حلوين ليه اجيب السادس....
شهد: هههه معلش يا حبيبتى دول هيبقوا عزوتك ولما يكبروا هيبقوا سند ليكم.. وانتي يا دودو مش ناويه تجيبي لينا حاجه صغننه تلعبو بيه...
ديلان: ههههه لا الحمدلله كده مش ناويه خالص هما الاتنين حلوين....
غرام : ليه يا حبيبتى اتنين جيبي سته زي بصي ملاك ازاي....
شهد : اه ملاك تنكري وكمان زي القمر...
غرام: ملاك اااه ملاك زي ابوه قولي كدا بقي ههه
ادهم : ماله ابوه ده انتي كنتي واخده اخويا زي القمر ورده مفتحه و هادي خالص خلتي بقي يشد في شعره وشويه شويه هتخلي اقرع هههههه
غرام : هادي لا والله جاسر كان هادي انا مش هتكلم هخلي اختي ترد عليك.. ردي ياتاج يا حبيبتى...
تاج كانت بطنها كبيره اوي كانت ماسكه طبق فيه اكل
وقالت : عنيا يا روحي... لو هي خدت جاسر ورده مفتحه وخليته بيشد في شعره وهيقرع... انا خليتك بكرش فابلاش تجيب لنفسك التهزيق...
الجميع ضحكوا عليها وادهم فعلا بقي بكرش بس مش كبير واتغاظ وقال : بس يا بطيخه مش فاهم مش لسه احنا واكلين بتكلي تاني ليه...
تاج : براحتي هو انا باكل من تلاجتك انا باكل من تلاجه انكل حبيبي وبعدين انا باكل ليا واللي في بطني...
يونس : كلي يا حبيبتى زي مانتي عاوزه هههه لازم يا ادهم تهزق نفسك...
ادهم : ماشي ياتاج لينا اوضه تلمنا حاضر....
تاج : مبخفش يا بابا.... اااااااه يا بنت الكلب بتضربيني..
ادهم : احسن بنتي بتجيب حقي....
الجميع ضحكوا علي نقرهم لبعض ...
"بعد ساعات في وسط ضحكات وهزار العائله.... رن هاتف يونس الحديدي برقم رد عليه واتصدم من الذي سمعه....
رد عليه شخص وقال : السلام عليكم حضرتك الاستاذ يونس
يونس: اه مين معايا...
شخص قال : انا بكون ظابط زميل جاسر ... جاسر وسيادة اللواء عبدالله متصابين وفي العمليات..... واصابتهم خطيره... ومحتاجين حضرتك في المستشفى...
يونس الهاتف وقع من يده ونظر حوليه رأي الكل بيضحك ازاي هيقدر يبلغهم الخبر المؤلم ابنه وصديق عمره في العملياات....
شهد لاحظت يونس ان ملامحه متغيره....
قالت : مالك يا يونس....
يونس بتوهان: جاسر وعبدالله متصابين وفي المستشفى...
الكل نزل عليه الخبر مثل صاعقه قامت غرام بصدمه وكانت حامله ابنها الرضيع اوس فجاءه شعرت بدوخه وكانت هتقع بس لحقوها....
ثم صرخت وقالت : قولت مين متصاب...
إلياس بخوف علي اخيه صرخ وقال: مش وقته يلا نروح علي المستشفى ونعرف هناك مين متصاب.... بابا اللي اتصل عليك قالك في مستشفي ايه...
يونس رد عليه وقال : مستشفي........
" الجميع تحرك وتركه الولاد مع الخدامين ...
غرام كانت تايهه وقلبها بينبض بشده بعد دقائق وصلوا المشفي وزميل جاسر ذهب لهم ..... ووصلوا الي الطبيب
الطبيب قال لهم : سياده المقدم جاسر خرج من العمليات واصابته كبيره وخطيره بس عدت وخرج من العمليات ودخل الرعايه هو متصاب في ضهره وكانت عميقه وغير ان في حروق في جسمه... هو هيتحط تحت الملاحظه ٢٤ ساعه.... احم اما سيادة اللواء عبدالله للاسف كانت اصابته اكبر من جاسر كان اصابته رصاصه قريبه من قلبه الشمال و العمليه منجحتش انا اسف البقاءلله هو حاليا في المشرحه شدو حيلكم...
نزل خبر وفاه عبدالله علي ورد وغرام وديلان وتاج علي اذانهم مثل الصاعقه.... غرام قد شلتها الصدمه تماما زوجها بالرعايه تحت الملاحظه وحالته ليست مستقره.... وولدها توفي لم تقدر تصدق..
ورد صرخت وندهت بأسم عبدالله بوجع وغرام وديلان بيبكوا بحرقه...
غرام توجهت الي الدكتور ومسكته من ياقه القميص
قالت له بغضب وانهيار : انت كداب بابا كويس..... بابا مامتش انت اكيد بتهزر استحاله بابا يمشي ويسبنا لا انا مش هصدق هو اول ماهيشوفني هيقوم اوعي....
وبدأت تنهار إلياس توجه لها وشدها بقوه ويونس حاول يهديها....
يونس اخدها في حضنه ويطبطب عليها
غرام بتصوت وقالت: بابا مامتش يا انكل يا بااااابا عاااااا
يونس بحضنه جامد و قال : انتي مؤمنه بربنا مفيش حاجه تتعمل دلوقتي غير الدعاء.... اهدي يا بنتي ابوكي مامتش موته عديه ده مات شهيد .... ادعيله يا بنتي..
✨✨✨✨✨✨✨✨✨✨✨✨✨✨✨✨
بعد ساعه في المشرحه ذهبوا اليهم..
غرام بانهيار جامد نظرت له بصراخ.... يا بابا قوم ونبي متسبناش احنا منغيرك وله حاجه قوم يا باااااااااااااابا رد عليا باااابا
تاج وقالت بانهيار : بااااااابا لا لا بابا قوم
ديلان كان بتبكي وعيونها علي عبدالله وكانت مصدومه ولم تصدق ان ابيه مات ساندها راح هو مكنش اب وبس هو كان كل شئ بالنسبه لهم فجاءه لاقت يد بتحوطها وبيحضنها وكان إلياس
نظرت له وقالت له بدموع : بابا مات يا إلياس
إلياس طبطب عليها وقال : اهدي يا ديلان ادعيله هو دلوقتي محتاج مننا الدعاء......
ورد كانت كانت تقف بتوهان لم تشعر باي احد هي مصدومه هل حبيب عمرها راح زوجها وابن عمها هو كل حاجه بالنسبه لها هي لم تفكر بتلك اللحظه لم تفكر ان سيأتي يوم ويفارقها بهذه الطريقه فكان قلبها يخبرها انه سيذهب في ذالك المهمه ولم يرجع وهو ايضا كان حاسس...
✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️
" ثاني يوم كان الجميع في المقابر ليدفنو عبدالله وتم دفنوا والجميع عزي ورد والبنات والكل ذهب ماعدا يونس وشهد وورد والبنات.. غرام ذهبت الي القبر الذي مكتوب عليه الشهيد اللواء عبدالله الشاذلي وكان في صوره موضوعه له ... تجثو علي ركبتها وضعت يدها الي الصوره عبدالله وبكت بشده بألم
غرام : ليه سيبتني.. طيب سيبتنا لمين... كدا يا عبدالله تمشي وتسبني تسيب بنتك حبيبتك انت مش كنت علطول تقولي ان عمري ماهسبكم ابدا ليه سيبتنا ليه مشيت عاااااا ياريتك ماروحت المهمه الزفت اااااه يا وجع قلبي ليه يا بابا سيبتني ليه ميشت يارب تصبرني 💔😭
تاج ذهبت جمب غرام و وجلست بجاورها وحضنتها
وقالت : ساندنا رااح ياغرام ونبي خلي يقوم انا مش هقدر اعيش من غيره... هو ازاي يسبنا يا بابا قوم يا بااااابا لبناتك حبايبك عاااااا
غرام بكت بشده وحاوطت تاج واخذتها في حضنها وبتملس علي شعرها وديلان هي الاخر ذهبت اليهم وجلست بجاورهم وكانت بتبكي ونظرت لغرام واترمت في حضنها هي الاخري...... وتلاته بيبكوا علي فراق عبدالله كان قلبهم هيوقف من كتر الوجع والحزن...
غرام ببكاء : مع سلامه يا بابا مع سلامه يا حبيبي هتوحشنا اوي الحياه هتبقي وحشه من غيرك
ثم غرام نظرت لسماء بوجع.... وقالت : ياااااارب تصبربنا علي فراقه.... يارب احنا ملناش غيرك دلوقتي....
اما ورد كانت واقفه وشهد بجاورها بتواسيها كانت حالتها صعبه كانت في حاله صدمه كانت واقفه وبتبكي وعيونها علي قبر عبدالله لم تصدق ان خلاص سابها.... ومش هيرجع تاني سيناريو حياتهم المعتاد... من اول ماتجوزوا ولما خلفو هزارهم خناقهم ضحكتهم كل حاجه بتتذكرها...
قالت بصوت وجع.: ده كابوس وهصحي منه... ايوه هو كابوس عبدالله استحاله يسبني ويمشي احنا كنا واعدين بعض اننا مش هنسيب بعض ابدا.. كدا يا عبدالله تسبني طيب انا هعيش لمين سبتني لوحدي لمين كدا تسبني يا صاحب عمري وحياتي كلها.... طيب كنت خدني معاك ...موت ليه حرام عليك سيبتني ليه انهارت وبتصراخ وقالت: خدني معاااااك متسبنيش يا عبدالله.... لا انت مش هتسبني عبدالله .... عبدالله رررررد عليا عاااااا اااااه يا حرقه قلبي عليك ااااااااااااااااه ياوجعي ليه موت وسيبتني...
شهد جمبها و كانت تهديها....
غرام اول ماسمعت صراخ ورد قامت وتوجهت اليها وحضنتها وبتهديها
ورد قالت : اااااه يا غرام ابوكي سبنا ومشي خلاص رااااااح ومش هيرجع انا تعبانه اوي مش هقدر علي فراقه ياااااارب تاخدني وراه...
غرام بعد الشر عليكي يا ماما كدا يا ماما وهتسبينا لمين ونبي متقوليش كده تاني احنا مش هنقدر نعيش من غيرك
وتاج وديلان ذهبوا اليهم وتاج حضنت ورد... وورد بادلتها وحاوطت البناات وبقو يبكوا بشده....
✨✨✨✨✨✨✨✨✨✨✨✨✨✨✨✨✨️
بعد اسبوع من وفاة عبدالله....
غرام كانت كل يوم تذهب المستشفى لتطمئن علي جاسر الطبيب بلغها انه مفيش جديد وهو محطوط تحت الملاحظه ولسه مفقش.... ومنع الزياره انها تدخله...
غرام كانت واقفه امام الرعايه وبتنظر لجاسر من الازاز من الخارج ووضعت يدها علي الازاز
وقالت: اوعي تسبني انت كمان يا جاسر مش هقدر اعيش من غيرك ابوس ايدك انا محتجاك انا و ولادك عشان خاطري قوم انت وحشتني اوي يا جاسر قوم انا محتاجه اترمي في حضنك وبكت بشده وفجاءه لاقت اللي بيطبطب عليها وكان يونس الحديدي
وقال : ان شاءلله هيكون كويس وهيقوم صدقيني..
غرام اترمت في حضن يونس 🫂
وقالت : انا تعبانه اوي يا انكل فراق بابا صعب اوي ووجعني وكسرني اوي وخايفه لجاسر هو كمان يسبني ويمشي 😭😭💔
يونس : اهدي يا حبيبتى ان شاءلله هيكون كويس وهيقوم لولاده... وبعد غرام من حضنه وضع يديه علي وجنتنها يداعبها بلطف وقال : انتي مؤمنه بربنا كويس وعارفه ان دلوقتي ربنا حاطك في اختبار.... ربنا عاوز يختبرك انا عارف ان فراق عبدالله صعب مش عليكي بس والله حتي انا مأثر فيا عبدالله كان اخويا وحبيبي وصاحبي وكل حاجه ... احنا مش بإدينا حاجه نعملها ان احنا ندعيله وبعدين احنا نحمد ربنا ونصبر وعبدالله شهيد .. وفي ايه في القرأن الكريم بتقول اي..
بسم الله الرحمن الرحيم " وٌلَآ تٌحًسِبًنِ آلَذِيَنِ قُتٌلَوٌآ فُيَ سِبًيَلَ آلَلَهّ أمًوٌآتًٌآ بًلَ أحًيَآء عٌنِدٍ ربًهّمً يَرزٍقُوٌنِ " صّدٍقُ آلَلَهّ آلَعٌظُيَمً
لو حقه مجاش في الدنيا في الاخره حقه هيرجع عمر ما ربنا مش هيسيب حق حد...
غرام : ونعم بالله... شكرا يا انكل بجد علي وقفتك جمبنا ومش سايبنا ..
يونس... انا ابوكي التاني يا غرام المهم دلوقتي روحي القصر وشوفي ولادك من امبارح وهما لوحدهم مع الداده وحرام ابنك اوس لسه صغير واكيد عاوزك دلوقتي... روحي انتي وانا هتطمنك علي جاسر ان شاءلله لما يصحي..
غرام : حاضر يا انكل ...
✨✨✨✨✨✨✨✨✨✨✨✨✨✨✨✨✨️
وذهبت غرام الي القصر والولاد جريو عليها...
اسد : ماما انتي كنتي فين كل يوم بتسيبينا وتروحي فين وبابا فين انا عاوز اشوفه
غرام: معلش يا حبيبي حقك عليا... وبابا في المستشفى تعبان..
عشق ببكاء : مستشفى بابا ماله يا ماما تعبان ماله انا عاوزه اشوفه اهئ اهئ..
ماسه ببكاء : ايوه عاوزين نطمن عليه يلا نروح ليا ...
غرام بتعب : انا تعبانه هو بابا كويس ومش هينفع تشوفوه سيبوني لوحدي بعد اذنكم...
وذهبت الي غرفه النوم دخلت علي السرير وجلست ووضعت يدها علي وجههه وبكت بشده.....
وقالت : يارب انا مش قادره استحمل قوم جاسر لينا بسلامه... وبعد دقائق دخل اسد وكان حامل اوس اخيه الرضيع... وغرام حاملت اوس وقبلته باشتياق..
اسد.: ماما انا عاوزه اشوف بابا انا خايف اوي...
غرام وضعت يدهها علي وجنتنه بحب
وقالت : متخافش يا حبيبي بابا هيكون كويس... انا عاوزك يا اسد... دلوقتي تكون مكان بابا انت الراجل اللي نتسند عليه لحد ما بابا يرجع بسلامه انت اللي تطمن اخواتك الصغيرين انت كبير مش صغير خلاص ماشاءالله انت بقيت راجل فاهم يا اسد لحد ما بابا يرجع بسلامه عاوزك انت تكون اسد البيت.... ومتخافش بابا كويس وقريب هيرجع...
اسد : حاضر يا ماما انا اوعدك اني اكون مكان بابا لحد مايرجع ومش هخاف ابدا
غرام : شاطر يا حبيبي. سيبني بقي انام عشان انا تعبانه...
وخرج اسد و غرام نامت في الجمب التي بينام عليه وتستنشق رائحته وقالت : وحشتيني اوي ياحبيبي ربنا يرجعك لينا بسلامه... انا تعبانه اوي💔😥
وحضنت ابنها اوس وغطت في النوم....
✨✨✨✨✨✨✨✨✨✨✨✨✨✨✨✨
في الصباح في فيلا عبدالله الشاذلي كانت ديلان والياس جالسين مع ورد وتاج وادهم كمان....... في الريسبشن وكانت ديلان بتبكي والياس كان بيطبطب عليها ويواسيها وهو كمان حزين علي عبدالله هو كان مثل والده وكان بيعزه جدا فجاءه سمعوا صوت ورد علي نداء ديلان
ديلان قامت وتوجهت اليها وقالت لها مالك يا ماما
ورد ببكاء : انا هروح ازور عبدالله انا شوفته في الحلم وعاوزني اروحله...
ديلان : تروحيله فين يا ماما
ورد : اروح ازوره هو عاوزني ... انا هروح
إلياس : طيب يا طنط اهدي هنوديكي حاضر...
ورد... لا انا هروح لوحدي
إلياس : لا يا طنط انا هوصلك
ورد : ماشي بس هدخل لوحدي وتوجهت الي الخارج...
ديلان بخوف قالت : إلياس انا خايفه ماما مش طبيعية انا خايفه عليها اوي...
إلياس : اهدي يا حبيبتى....
قطع كلامهم خروج تاج من الغرفه وقالت لديلان: هو في ايه انتو ريحين فين وماما كانت بتصرخ لي
ديلان... عاوزه تروح لبابا تزوره انا وإلياس هنروح معاها خلي بالك من الولاد يا تاج عقبال ما نرجع....
"وذهبوا وتوجهو الي المقابر الشاذلي ولسه ديلان وإلياس هينزلوا...
ورد قالت : انا هدخل لوحدي محدش هيدخل معايا عاوزه قعد معاه لوحدي
ديلان : لا ياماما هندخل معاكي ...
ورد بتعب : ديلان انا مش قادره اناهد انا تعبانه قولت هدخل لوحدي ريحيني يا بنتي...
ديلان لسه هتتكلم إلياس نغزها وقال لورد : تمام يا طنط ادخلي لوحدك بس احنا شويه وهندخل..
ورد نزلت وتوجهت الي الداخل بتعب ودموعها نزلت وصلت الي قبر عبدالله وجلست قصاد قبره
وقالت : وحشتني يا احن واحد علي قلبي انا مش قادره لحد دلوقتي اصدق انك مشيت ومش هشوفك مش قادره اعيش من غيرك والله ليه يا عبدالله سيبتني طيب سيبتني لمين ......انا مستنياك علي فكره انت امبارح جيت ليا وقولتلي انك هتاخدني معاك..... تعرف امنيتي الوحيده دلوقتي ربنا يجمعني بيك قريب انا عاوزه اجيلك يا عبدالله.. متهيألي دي هتبقي احلي واكبر رحمه ليا من ربنا بتمناها من كل قلبي..... الحمدلله اني احنا جوزنا البنات وماشاء الله رجاله هيصونه البنات ومش هيزعلوهم ابدا وهيعيشو حياتهم... اما انا هعيش لمين يارب خدني لعنده ياارب انا حاسه انك هتستجيب قريب انا عندي يقين بربنا ان هيجبني ليك يا حبيب عمري وروحي وحياتي كلها...
نامت علي قبره وهي بتبكي بشده وبتملس بيدها علي قبره وقالت بحب: بحبك يا احن راجل كنت جوزي وحبيبي واخويا وابويا كنت كل حاجه بالنسبالي...انا فخوره بيك يا حبيبي ايوه انا بكون زوجه الشهيد اللواء عبدالله الشاذلي حقك هيجي لو مش هيبقي في الدنيا هيجي في الاخره يا حبيبي
ثم نظرت في السماء وابتسمت ودموعها نزلت بفرحه...
قالت: عبدالله انت هنا....ثم غمضت عيونها وروحها بدأت تطلع ووجهها مرسوم عليه ابتسامه بشوشوه وجميله.....