غرام النمر 🌺 (الجزء الاول والثاني )

🌺 البارت ⁶ "عشق اولاد النمر" 🌺

✨البارت السادس✨
✨روايه عشق اولاد النمر ✨
✨ غرام النمر 2 ✨
♡♡♡♡♡♡♡♡♡
"

رفاعي قال : الملك عاوزك في عمليه قتل....
اللورد نظر له بغموض ورفع حاجبه وقال : نعم
رفاعي : بص يا اللورد انت الوحيد اللي هتقدر تنفذ العمليه دي..ثم مسك ملف كان جنبه ووجهه له...
اللورد اخذه وفتحه لاقه صوره فتاه جميله جدا لكن لم يدقق في ملامحها وقفل الملف ...
رفاعي قال : عشق جاسر الحديدي انا و الملك عاوزينك تجيب لينا خبرها انهارده قبل بكره...
نظر اللورد له ورفع حاجبه..
ثم كمل رفاعي وقال : طبعا انت عارف جاسر الحديدي غني عن التعريف النمر البنغالي اكبر عدو لينا وللملك من 15 سنه اخر مهمه طلعها كان هيقبض علينا وخسرنا صفقه بالمليارات و حرق قلب الملك علي ابنه ... هو انا ساعتها ضربت عليه نار وكمان ضربنا علي حماه اللواء عبدالله الشاذلي عرفت انه مات والنمر لسه عايش بس الاصابه اثرت عليه وساب الشغل وفتح لاولاده مستشفي وشركات ومدرسه جه الوقت اللي الملك عاوز يحرق قلبه علي بنته زي ما حرق قلبه علي ابنه.... والملك بيقولك لو نفذت هيبقي ليك حلاوه حلوه وغمز له
اللورد ببرود : شوف حد غيري انت عارف كويس اني مش باجي جمب ظباط ...
رفاعي : عارفين عشان كدا طلبنا ان تقتل بنته مش هو..
اللورد : يعني هي فرقت انا مش هعمل العمليه دي بلغ الملك يشوف حد غيري.. ولسه هيفتح الباب وينزل رفاعي مسك ذراعه..
رفاعي قال : اصبر طيب مكنتش اعرف انك بتخاف يعني.... اول مره ترفض عمليه للملك بجلالته يطلبها منك ما انت قتلت ضباط كتير ليه دلوقتي مش عاوز و ليكونش خوفت من النمر..
اللورد نظر له نظره ارعبته ثم نظر ليده التي علي ذراعيه... وبعدها
وقال : مش اللورد اللي يخاف وانت عارف ده كويس وبردو مش اللورد اللي يتأمر انت عارف اني ممكن بكل سهوله اقتل بدم بارد وله يهمني حد..
رفاعي : عشان كده انا جتلك لان مفيش حد هيقدر ينفذ العمليه دي غيرك فكر ياللورد الملف ده في كل حاجه عن بنت النمر من ساعت من اول ما اتولدت لحد دلوقتي... بتصحي امتي بتنام امتي بتنزل امتي كل تفصيله عنها هتلاقيها انا هديك مهله لمده اسبوع يكون الموضوع خلص الملك لو عرف انك رفضت انت عارف كويس ممكن يعمل اي....
نظر له ببرود واخذ الملف و نزل اللورد ومعه الملف ثم دخل الاوتيل وتوجه الي الغرفه....
دخل رمي الملف وقلع جاكت البدله وذهب الي ازازه الكحول ليشرب و شعل سيجار.....
فجاء سمع صوت يقول : نفذ يا اللورد انت عارف عمك والملك ممكن يعملوا ايه لو منفذتيش (كان خليل)....
اللورد نظر له بغموض وقال : مش اللورد اللي يخاف يا خليل ده انا احط رفاعي والي زيه ورا الشمس وانت عارف ده كويس بلاش الكلام اللي مش بيعجبني عشان مخسركش
خليل : انا عارف يا اللورد انت مين وممكن تقدر تعمل ايه بس متنساش الملك بيكون ايه في المافيا بلاش تخليه يقلب عليك لان لو قلب احنا مش هنعيش انت مش قده يا اللورد...
"فجاء خليل تأوه بوجع ومسك ذراعه الذي ينزف اللورد اطلق النار عليه وطبعا معه المسدس كاتم الصوت....
اللورد : قال وهو بيجز علي سنانه : قولتلك بلاش كلام ميعجبنيش لو هو الملك انا اللورد انا اللي كل كبيره وصغيره بيلجؤ ليا هما من غيري وله حاجه دول بيتحاموا فيا انا....
خليل بوجع : وانا مقولتش حاجه غير اني خايف عليك يا صاحبي ممكن في لحظه يغدرو بيك ويصفوك من المافيا نفذ ياللورد انا خايف عليك والله وبعدين يعتبر العمليه دي مش جديده عليك اهو ضربت عليا نار ااااااااااااه اهو هتموت صاحبك بسهوله
اللورد : قوم وبطل دلع دي رصاصه سطحيه انا لو عاوزه اموتك بجد كنت موتك
خليل بوجع وقرف : امممم عارف نفس الاسطوانه المشروخه كل ما تضربني برصاصه عوض عليا عوض صابرين انا مش عارف اي اللي مخليني مصاحب واحد زيك
اللورد بغضب : قوم اخلص هات علبه الاسعاف خليني اعقم الجرح ليك ودي يعتبر قرصه ودن عشان تبطل تتنيل تقولي كلام مش بيعجبني.