" سلاسل الثار " (موسى)
" نرجس محمد "
لا تنسون التصويت + نجمه + متابعه فضلاً وليس امراً 💛
:- جبار رشيد
انه ليلي بلايه واهس مانام
شلون لو صرت انته واهس ليلي
شلون لو حبيت شكلك والخصال
شلون لو باجر تروح وتعتذر
هم ترد لمن اكللك تعال
وتنتضر لمن اكلك انتضر؟
…
:- تعبت يمه والله تعبت
عكدت حاجبي خايفه ومستغربه وضعه ابد ماشفته بهاي الحاله شوصله وشصاير؟
اخذته خالتي من ايده تحجي وتمشي بي :- يمن سودا بوجهه امك تعاي يمه تعال حبيبي ارجع كمل نومتك
رجع متجه للدرج دارت وجهه عليه وكالت قريب مني :- روحي ورا حبيبتي اني اكمل الغدا
هزيت راسي ومشيت اريد اطلع همست بصوت خافت يمي متوتره :- اقري علا راسه قرأن لو تشغلين بتلفون وخلي يم راسه
باوعت عليهه بتركيز حجيت عقلي مفرور :- شكو خاله
:- ماكو شي يمه يله روحي
صعدت بعدا هوا واصل لنص الدرج خطواته بطيئه ويمشي بتعب وكفت يمه شلت ايده خليتهه علا جتفي ساندته
باوع عليه عيونه جبود همست :- شبيك حبيبي
تجه راسه علا راسي مغمض عيونه واني امشي بي مارد وبقه ساكت وصلنه للغرفه دفعت الباب برجلي
وخر ايده وراح بأتجاه الجربايه نزعت حجابي ورحت تربعت علا الجربايه دكيت علا رجلي وگلت
:- تعال
رفع شعره من عيونه وتمدد علا رجليه يون غلغلت اصابعي بشعره احرك بيهن بهدوئ واسمي علي تنهد يذب حسرات
سحبت التلفون وشغلت بي قرأن كور نفسه مثل الطوبه ودفن وجهه ببطني يهمس بكلمات مافتهمه
ثگل نفسه رجعت ضهري علا تاج الجربايه اتأمل بمعاني وجهه التعبانه كلي علامة استفهام لحالته
مسحت حواجبه المخربطات بأصابعي ورجعته علا رمشه احرك بي بخفه حولته لخدا احرك ابهامي علي
ذبلن عيونه وحواجبه وسنح همس بصوت نعسان :- تراث
:- ها عيني
بقى ساكت مارد حيرني يحجي ويسكت رفعته من علا رجلي اريد اخلي راسه علمخدا فز عيونه حمر
كام كعد يبلع بريگه فاتح عيونه مصدوم باوعلي وصاح :- ليشش كعدتيييني
عكدت حواجبي اباوعله كلت بأسف :- اسفه بس ردت اكوم اساعد خاله
دغ كصته بثنين ادي متوجع صاح بحرگه :- بلگووه نمتتت بلگوهه ليشش هسهه وكتجج
شعوطت مسكته روحي بلگوه اكول تعبان ويمكن يوجعه شي بس ماتوصل يصيح عليه بهاي الطريقه شنو قابل ارتكبت جريمه
