" سلاسل الثار " (موسى)
"نرجس محمد "
لا تنسون التصويت + متابعه + وتعاليقكم الحلوه
للي خذو غيبتك مجبور افضي الخلگ والخيل داست علي سحكت ضلوعي سحك يامن مكدر علي غيرك فصاله صعب ...
...
شهكت مخليه ايدي علا گلبي الراد يطلع من مكانه مامستوعبه الكاعد تگوله ولا اعرف منو تقصد بكلامهه كل الادري بي هاذ سحر بعمري وحياتي مامار علا عيوني هيج شي ولا شافته جنت اسمع جيرانه تسولف وي امي سحر وسحر كل الاعرفه يخرب البيوت ويهجمهن وبس المايخافون الله يسون سحر وهو حرام اصلاً
مشيت يمهه ردت اخذه من ايدهه ماقبلت سحبته وصاحت :- لاا يمه لا تكضينه مو زين
مسحت دموعهه شفايفهه تتحرك ماعرف شنو تهمس كامت علا حيلهه وگالت بحزم
:- اني الجن يلعرمات
طلعت واني طلعت وراها امشي مافاهمه شي بعدني بحالة صدمه دخلت علا غرفة الحجيه جانن بيهه مسرا ووحده من بناتها تقدمت خاله كعدت كدام الحجيه مخليه السحر مقابيلهه
بس لمحته الحجيه لطمت علا صدرهه بكل حيلهه معاني الصدمه محتله وجهه صاحت بصوت عالي
:- ياا يااا ولجج سكينه شنيي هاذذاا
ردت عليهه خاله تباوع لمسرا النخطف لونهه :- علمي علمج عمه اريدج تكليلي شني هاذ
:- مبينن وضوحح الشمس سحرر يمفلوكه
:- لگيته بغرفة ابني حجيه واريد اروح للعلويه تگلي ياهي هاي الماتخاف الله مخليته اله ذيج السنه لگينه نفس الشي جوا جربايتي الضاهر البزازين تسوي النه سحر ومتفقه كل سنه تهجولنه
نخبصت الحجيه تلطم علا وجهه كامت علا حيلهه سحبت عبايه وگالت لخاله :-امشيي ولج امشي نروح الهاي المرا هسه تفكه النه
سكينه :- تراث خاله جيبلي عبايتي
ركضت جبتهه الهه دايخه واحس بغواش يصير علا عيوني وخالتي لأن مخبوصه مانتبهت الي
مرت من يمي الحجيه باوعت عليه خازرتني ودكت عوجيتهه بلگاع :- شماا اشوفنن انتيي مسويته لوليدنهه يلعرمهه
حجت عمه خازره مسرا الخانسه :- عمه گبل لا تجي تراثث احنا بيتنه متروس سحوره شعليهه هيه
باوعت الحجيه عليهه ماعاجبهه تهز بأيدهه تقربت خالتي تحجي يمي بصوت ناصي :- اصعدي الغرفتج ابد لا تنزلين هسه يتأمرن عليج هذن
هزيت راسي احجي :- تمام هسه اصعد
:- حتاا لو عدج شغل جوا عوفي واصعدي انه اكمله
