"سلاسل الثار" (موسى)
"نرجس محمد"
مشاهده ممتعه لا تنسون التصويت 💙🦋
:گَلبچ الطَف من وردهُم ياوَردتيّ.
…
بعد مرور خمس أشهر …
متمدده علا الفراش وأبني بحضني ارضعه من صدري تلمست معاني وجهه بخفة ايدي خشمه المفروش وعيونه البعدهن مامفتحات حلگه الملموم وشفته الجوا نازله لونه الحنطي الينطي علا صفار وشعره الخفيف الجوزي نزلت الكبوس علا راسه اكثر وعدلت گماطه
رجعت ضهري للجربايه بألم غمضت عيوني متنهده الحمدالله عدت علا خير وأبني بنص حضني هسه باوعت للباب واتسعت ابتسامتي من دخلت أيثار وأتبعوها ابنهه وعلوش
ضحكت عيونهه مدمعه باوستني وباركتلي وكعدت تباوع للطفل وتبتسم انطيته الهه وفتحت ايدي الأبنهه وعلاوي وهاذ ابنهه الخبيث ركض الأمه وعافني بس علاوي اجه
حضنته حيل اشم بي بعمق روحي رايحه عليه بسته بخدا قوي ضحك ورجع باسني
:- شلونك حبيبي
هز راسه ونزل يريد يشوف ( أيليا) مالگيت أي اسم مناسب اله ومن زمان وگبل لا يصير عدي حمل مقرره اسمي علا اسم ابوي
كامت خلته بلكاروك مالته ورجعت كعدت يمي باوعت عليه صافنه شويه تذكرت وگالت
:- شسميتي
:- احزري
:- اهوو احجي عاد
:- ايليا
:- لاا بربج
ضحكت حيل وهيه تباوعلي فاتحه عينهه ضربتني علا ايدي خفيف وگالت :- موو كتلج اني اريده بس اخلف بعد
:- دوليي اني من زمان
:- امداج الحقيره مو اني احوس علا هاذ الأسم وصلت بيه اريد اغير اسم سجاد
:- لا !!
:- هههههه وداعتج اخير شي ترزلت يله كعدت
:- حل الملهوگه
توهه تريد ترد ودخلت خالتي سلمت عليهه وكعدت انضمت لحديثنه واجت تبارك جايبه الأكل اول شي صبت لأيثار وامهه بعدين اني جابتلي غير اكلهن بصينيه لوحدي
صحت لعلاوي ياكل وياي باوع خجلان من خالتي باوعت عليه خالتي وابتسمت اله يله فك واجه أكلت بلگوه احس بلاعيمي مطبگه من الصياح الصيحته بلولاده
بقت ايثار فتره يمي تذكرني بمواقف گبل تخليني اضحك وبطني توجعني ضحكت حيل تدك علا رجلهه وتحجي مختنگه
:- هههههه تذكرين من نلعب طوبه وطحتي علا ضهرج وكمتي ما تتنفسين هههههه كبر صارت جنهه جلب يبحث
