"سلاسل الثار" (موسى)
" نرجس محمد "
لا تنسون التصويت + تعاليقكم الحلوه حبيباتي 🦋💙
أسفه علا التــأخير بس جان يمنه خطار ..
:رش الدرب تيزاب حافي
اعتنيلك جا شلي بالرجلين الما
تجيلك ؟ لو ترش مو تيزاب لو تزرع
ألغام اللحلم خلي يروح اوصلك
اعظام ....
...
أمــشي برجلين راجفه اسحل بروحي نضراتي ساعه تتحول علا أبني البيدي ويبجي وساعه علا نفس الشارع الجابوني منا شمروني بي ..
رفعت راسي علا صوت ركضه وصياح عمامهم وعمو يتقدمون جاحضين عيونهم بكل هدوئ تقربت علا عمو واطيته أبني وكملت مسيرتي حول البيت اسمع صياحهم وحجيهم بس اميز لدرجه ماميز منو اليحجي ولا شنو اليحجونه
دخلت وذبيت عبايتي بلباب صعدت فوگ مثل الصقعه مال نار تسر بكل جسمي وتروح
فتحت باب الغرفه ودخلت قافلته وراي ذبيت حجابي امسح علا رگبتي اخرمش بيها احس اضافري تنبت بلحم وتخرطه ويا ندك الباب وبعدا صوت صياح بس المشكلله ماعرف شيحجون فاصله اني مو بعالمهم
دخلت للحمام طبتت روحي جوه الدوش ورفعت ايدي اثبتها علا ايدي واخرمشها بكل قوتي گام يطگ اللحم ليفوك ويطلع من النص دم يسيل علا كيف
گعدت بلگاع ولميت روحي صافنه كلشي ماحس ولا افكر بشي احس اني كاعد انفذ كلام عقلي بس گلبي طافي ماكاعد يحس بأي شي كانما اني ميته
بدلت وطلعت فتحت الباب الراد ينكسر من كثرة الدگ دخل عمو يصيح :- شصايرر شهل حالل
تراث :- اغتصبوني
باوع مصدوم وحتا مايرمش اردفت :- اهل الكتلو هارون خطفوني وغتصبوني
جحض عيونه مامصدك هز راسه وگال :- شنو !!
ابتسمت واخذت ايليا منا حضنته وكعدت علا الجربايه اباوع عليه صافنه صفن بيه فتره ومشه بهمه ليوجوه وگبت العيطه الأمه نگلبت
مسحت معاني وجهه أبني بيدي مشيت ايدي علا خده نزلن دموعي بهدوئ احس نار بعيني همست بصوت مبحوح :- ماما حبيبي
غفه يفتح ويسد بعيونه سديت عيونه ودنگت بست عيونه بشوغه نزلته علا الفراش وگعدت لامه رجليه الصدري ساكته لليل اجو هواي ناس التمو اسمع صوتهم بس مانزلت واسمع صوت نسوان قفلت الباب وكعدت مادري الدنيا شصار بيها
ندگ الباب واجه صوت عمو :- اطلعي نريد نحجي وياج
مارديت حجه شكد وگال رحنه ودگيناهم وباجر يطلع موسى وتصير الكعده ماهتميت نهائياً مو وياهم ولا عقلي وياهم نمت وكلشويه افز اتخيل روحي جاي اغط بشي اضلم وافز ابجي وارجع انام وهم ينعاد نفس الشي ماعرف شلون اجه الصبح نزلت اطيتهم ايليا وصعدت فوك قفلت الباب ولفيت روحي بجرجف وكعدت هادئه ادور عيوني بأرجاء الغرفه كانما توني اشوفها
