" سلاسل الثار " (موسى)
"نرجس محمد"
شلونهه القصه ؟
لا تنسون التصويت + نجمه + متابعه 💙🦋
مشاهده ممتعه ...
مدري شنقص بلعمر لما المرض جاسك اليله انومك واضل گاعد بصف راسك ولو نزل مني الدمع لا تقلق اطمن صدگني راح ابتسم لمن تكون احسن ...
...
متجيه راسي علا جامة السياره من الصدمه والخوف حتا مانزلت دموعي بس گلبي بي نار ماجاي تخمد شوكت وشلون سوا حادث زين مو زين محد راضي يگلي مخليني اشتعل وانطفي بوحدي
الطريق كله احوس يامن يوصلني باوعت لعمو وحجيت بصوت يرجف متوسلتة :- فدوا عمو اخذني گبل للمستشفى
رد عليه ببرود وهوا كاعد يسوق بأقوى سرعته :- لا كلهه زلم
درت وجهي علا الجامه اجر نفس بقوى اريد اهدئ اريد تخف الرجفه بجسمي رگبتي تشنجت واحس حراره بعيوني
طبگ بصف باب البيت أشر براسه وگال :- يله
نزلت بس دگيت الباب نفتح خالتي واكفه لابسه عبايتهه ووجهه احمر عيونهه مورمه باوعت لعمو بتوسل وگالت
:- اخذنيي اشوفف ابنيي فدوا العيينك
أشر الهه تجي صعدت واني دخلت بس طبيت للبيت نفجرت ابجي بكل قوتي كاعده علا بايات الدرج ساده حلكي بأيدي ابجي
مرت حوالي الساعه اني بس كاعده وابجي احس جسمي نهد كمت اسحل بخطواتي سحل دخلت للغرفه ذبيت عبايتي وعكرفت روحي يم الجربايه
شهكت بصوت عالي احجي بصوت أناجي ربي :- اللهيي شمسويه بحياتي والله مامأذيه بشرر مااستاهل هاذ العذاب مو كدا موو كداا اني اعترف الكك ماتحمل لا تختبرني بموسى شافيي الي والأهله اضيع اضيع بدونه والله اضيع
تمددت اون روحي راحت حيل ماضل عندي اكوم واسئل هوا زين مو زين گمت بعدما انتهيت غسلت وجهي ونزلت جوا محد اكو بس اني بلبيت
ندگ الباب دگات بطيئه ومن غبائي لان مخبوصه واريد بس خبر علي ركضت للباب فتحته توني اريد احجي وجمدت بمكاني من شفت كرار واكف يطوطح
بسرعه رجعت سديت الباب بس جان اقوى مني دفعه وندفعت ويا ليوره وگعت علا حيلي ضهري حسيته طگ شهكت موجوعه روحي شايطه
اباوعله جسمي يختض احس كل ذره بجسمي ترجف خوف كمت علا حيلي بألف ياعلي صحت بصوت عالي احاول اخوفه
:- امشييي اطلعع
ضحك يتقدم يروح منا ويجي منا حضرت نفسي اريد اركض مو بعيده هسه يكتلني ويدفني هنا ومحد يدري ركضت بكل قوتي للمطبخ طبيت وقفلت الباب اجر نفس بكل قوتي كعدت خاويه روحي من الخوف ربي خلصني منا
