" سلاسل الثار " (موسى)
" نرجس محمد "
گلي وشفت مني اذيه
گلبگ من صخر ماحن عليه؟
…
واكفه يم الطباخ احمس بلحم حالي مبهذل ملابسي متوصخات من العجين وكلي ريحة طبخ شعري نصه طالع من كدام حتا مالحك اعدله
تمنيت بهاي اللحضه انگلب اخطبوط علمود الحك عمو عازم صديقه وخالتي مريضه فـ استلمت الطبخ اني
عجنت ووكفت اسوي غدا علما يختمر واخبز مايحبون ولا يقتنعون اله بلحم ولازم جدر اكبر مني يله
حضرت المقبلات اركض منا ومنا التمن علا التهدير ركبت المرگه ورحت للعجين شنگته واخذته اخبز
الجو شويه تغير وبدأ يحر التنور جبير ونارا عاليه احس رموشي عطبن گالتلي خالتي اخبز هواي لان يحبون الخبز اكثر من التمن
مضيگه عيوني من النار والطحين ترسني ترس اني اعرف اخبز بس بكميه قليله من جنت يم اهلي مو مثل هسه يعادل تلاثه من خبزنه
بلساعه اني واكفه اخبز انتهيت رجليه صارن خيوط اخذته ورحت للمطبخ اضم بي توني
اريد اطلع ودخلن مسرا وبناتها للعلم هنا
قريبات عليهم يعني يجن مشي وكل يومين تلاثه يجن علا الحجيه
اباوع عليهه بستغراب مو مانعينهه من الجيه وحذرهه موسى ماتجي شجابهه اني ناقصني لعبان نفس قررت اتلافاهه وما اهتم شعليه بيت اخوهه
باوعت عليه من فوگ اليجوه بقرف رفعت اصبعهه تأشر من رجلي الراسي :- كل عقلج
:- شنو
:- هاذ حال مره متزوجه
باوعتلهه صفح ودرت اطلع واسمع ضحكاتهن برا تذكرت عيب اني هسه بعتبار بمكان خالتي لازم استقبلهن حتا لو حيايه
درت وجهي وأشرت الهن علا الصاله :- تفضلن
ضحكت بنين بصوت عالي وامهه هزت ايدهه وگالت :- هه والله يالله عود هيه ام البيت وتهلي وترحب بينه ماخذه الدور
:- شكلج مو مال احترام اروح احسن
كلتهه وصعدت واسمعهه تصيح من جوا :- ايي عرمهه بعد ماعليج عتب ماتربيتي من كتلت بناتي الزينه
دخلت للغرفه اسب بنفسي وبلحض هسه ماتشوفنيي اله واني جني مجدايه ولو هيه كليوم هنا قابل جديدا علينه
سبحت سريع رتبت روحي والغرفه وطلعت موسى صارله يومين يتأخر ومايجي للبيت هواي
توني انزل وگبت العيطه صياح ولطم نخبصت حتا ماعرفت شسوي نزلت اركض واشوف
مرت عمهم الصغير مگابله الحجيه ويلطمن
