" سلاسل الثار "(موسى)
"نرجس محمد"
لا تنسون التصويت + مشاهده ممتعه حبيباتي ❤️
مارهمت ويانه تگول ماعيش بمحكمة القدر طلگنه الافراح طيور الخير هجن عافن البيت وغراب الفگر بمجانهن صاح مسودن بختنه وحضنه مشلول …
…
اصوات يمي وهوسه بروده تدخل الرجليه ونغزا قويه بضهري موتتني فتحت عيوني اباوع للسكف الابيض عبالي بلجنه اني حجيت بوجع :- مي
تقدمت خاله عدلت راسي وشربتني رجعت ضهري ليوره من اتحرك احس يصير بي مثل السيخ من نار حمحمت اعدل صوتي وگلت
:- شصار
مسحت عيونهه وگالت تعدل بحجابي :- غير اغمى عليج وتوكمتي بلگاع ربج ستر ماطحتي علا وجهج جا نكسر خشمج وهسه منتضرين التحاليل
ركزت بعيونهه المورمه وخشمهه الصاير احمر أثر البجي عكدت حاجبي وگلت :- شكو
غطت وجهه بيدهه تشهك بصوت عالي وسعت عيوني اباوعلهه لشتي ترجف ححيت متوسله :- فدواا احجي شكو اهلي بيهم شي خاله احجي گلبي راح يوكف والله
هزت راسهه ومسحت عيونهه بشالهه گالت بصوت مبحوح :- موسى راح يعيدون اله عملية البلاتين
شهكت فاتحه عيوني گلبي وجعني عدلت كعدتي مغمضه عيوني من وجع ضهري بس تنفست زين حجيت صوتي يرجف :- ليش ليش
:- من وكعتي كدام الباب كمنه نتصايح اني وتبارك بأسمج ونحاول نصيحج وهوا يصيح شكو من الغرفه واحنا ملتهين وياج عمت عيني خله وگام مشه مسافه ولتوت رجله وطاح وجبناج انتي ويا هنا وهسه كاعد يحضرون بلطبله يعيدوهه اله
خليت ايدي علا حلگي مامستوعبه هوا وجع اول عمليه انوب مرتين شيصير بحاله انمرد گلبي مرد عليه بجيت احمد الله علا كل حال اله بيهه اراده
راحت خالتي استلمت التحاليل واجت الضحكه شاگه حلگهه تسمح دموعهه ويرجعن ينزلن تقربت باوستني بفرح بدون لا تگول عرفت حامل باركتلي فرحانه اكثر مني حتا ماهتميت كل بالي يم موسى
كعدت خالتي علا الكرسي تبجي ورافعه اديهه مثل التدعي :- الحمدالله الف الحمدالله ياربي دأئماً تطلف بينه وماتخلي الحزين ثگيل اله تخففه بشي افضالك عليه هوايي والله هواي لو اشكرك طول عمري ماكفي
ابتسمت وغمضت عيوني نعسانه اتسعت ابتسامتي واني اتخيل شكل موسى من يعرف حياتي معقوله تكون كامله لهاي الدرجه معقوله تنتهي وهيه هيج كامله ابني يمي وزوجي يمي بدون مشاكل الناس لو الهه قدر ثاني احتمال يغير كلشي يگلبه راس علا عقب؟ …
نمت فتره قصيره وگالت خالتي ترجعين للبيت احسن ماكدرت اعوفه بس اصرو ارجع وگالو باجر يطلع لحيت علا خالتي هواي مايگلون لموسى عن الحمل اريده من يجي اني اگله وافقت وبلغت هارون وعمو مايگلوله
