Unicode
Scroll down for Zawgyi
လူတိုင်းသည် သူတို့အသိနောက်ကျခဲ့သည့်အပေါ် အမူအရာအမျိုးမျိုးဖြစ်နေလေသည်။သူတို့ဟာ တကယ့်အရေးကြီးပြဿနာအပေါ်မတွေးခဲ့မိကြောင်း နားလည်သွားကြသည်။ ထိုအချိန်တွင် အီဂျီဟယ်က ထပ်ပြောလိုက်သည်။ “အဲ့ဒါက…”
အီဂျီဟယ်ကသူမ၏လက်ကိုမြှောက်လိုက်သည်။ သူစိတ်မသက်မသာခံစားနေရ၏။
ဒါနဲ့…
“ပြော ဂျီဟယ်၊ မင်းတစ်ခုခုသိထားလို့လား?”
“မဟုတ်ဘူး၊ ကျွန်မလို့ရှင်တို့မထင်ဘူးလား….?”
ထိုမိန်းကလေးက ဘာလို့အဓိပ္ပာယ်မရှိတာတွေပြောနေတာလဲ? အီဂျီဟယ်၏စကားသည် အဖွဲ့ဝင်များကိုသက်သာရာရစေသည်။
ဂျောင်ဟီးဝန်ကမေးလိုက်သည်။ “ဘာလဲ? ဒို့ဂျာရှီကတစ်ခုခု လုပ်ခဲ့လို့လား? အဲ့လူတော့ ကလေးကို…”
“မဟုတ်ပါဘူး အဲ့လိုမဟုတ်ဘူး။”
“ဒါဆို?”
“ဒီတိုင်းစိတ်ထင်ရာပြောကြည့်တာပါ။ ညီမကကျောင်းသူဆိုတော့ သူကြိုက်လောက်တယ်လို့...။”
အဖွဲ့ဝင်များက အီဂျီဟယ်၏စကားကို လျစ်လျူရှုလိုက်ကြပြီး ဆက်လက်ဆွေးနွေးကြသည်။ ထင်မြင်ချက်ကိုစပေးသည့်သူမှာ ဂျောင်ဟီးဝန်ဖြစ်သည်။ “ကျွန်မအထင်တော့ ဒို့ဂျာရှီအချစ်ဆုံးလူဆိုတာ ယူဆန်းအာရှီလို့ထင်တယ်။”
“ဟမ်?” ယူဆန်းအာကြောင်သွားသည်။ သူမအတော်လေးအံ့ဩသွားသည့်အတွက် သူနည်းနည်းတော့ခံစားလိုက်ရသည်။ “ဘာလို့ကျွန်မ…?”
“အဲ့လိုဖြစ်သင့်တယ်။ တကယ်ဆိုရင် ယူဆန်းအာရဲ့အလှက… ကျွန်မပြောနေစရာတောင်မလိုဘူး။”
အဖွဲ့ဝင်များကခေါင်းငြိမ့်ကြတော့ ယူဆန်းအာတစ်ယောက် မျက်နှာပါရဲလာ၏။
ဂျောင်ဟီးဝန်ကမူဆက်ပြောနေဆဲ။ “ရှင်က ဒို့ဂျာရှီကို ကယ်ဖို့နေရာပေါင်းစုံ ပြေးနေတော့..တကယ်လို့ဒို့ဂျာရှီသာ ယူဆန်းအာရှီကို မကြိုက်ဘူးဆိုရင်ထူးဆန်းတယ်လို့ထင်မိလိမ့်မှာ။”
