؟؟:"مبروك منه جابت توأم "
منه:"يتربوا ف عزك يا محمد "
-الموبايل رن
محمد:"معلش يا منه عندي شغل ضروري هروح وآجي علطول"
منه :"طيب ....بس انا مش عارفه هنسميهم إيه؟"
محمد :"هاجي علطول متخافيش "
-ركب العربية وراح علي مكان مهجور
محمد:"الفلوس جاهزه؟"
؟؟:"جاهزه:"
محمد:"البضاعة موجوده في الشنطة..اتفضل "
-رمي الشنطه علي الأرض، وأخد الفلوس وروح البيت.......وصل البيت ورمي شنطة الفلوس جنب الأطفال على السرير
محمد"العيال دي وشهم حلو عليا"
منه بذهول:"جبت كل الفلوس دي منين "
محمد:"كل عيل بيجي برزقه وهما مشاءالله
رزقهم واسع أوى "
منه "محمد إنتا سرقت الفلوس دي"
محمد "انتي عبيطة...أنتي تعرفي اني ب أمد ايدي على حاجه مش بتاعتي؟"
منه " بس... بس بس دول كتير اووي،وأنا لازم اعرف جبت الالآف دي كلها منين؟.... اناعمري م هدخل قرش حرام علي أولادي "
محمد "متخافيش دول تعبي وشقايا "
إتنهدت وقالت " محمد...ممكن أسألك سؤال؟"
محمد بضيق "نعم يا منه !"
منه " إنتا بتشتغل إيه؟.... وبلاش إجابه كل مره دي "
محمد "كل ما تسأليني هقولك أنا شغال تاجر "
منه " أنا عارفه بس تاجر إيه بالظبط؟"
محمد "أي حاجه "
منه "أيوه أي حاجه زي إيه بقا ؟"
محمد بعصبيه "هو أنا ف تحقيق؟".......انا هروح أسجل الولاد ف السجل المدني وجاي "
منه " هتسميهم إيه؟"
محمد " أنا هسمي ولد وأنتي ولد "
منه " أنا بحب أسم مروان جدا "
محمد "وأنا كان نفسي أسمي محمود "
-محمد مشي ،بعد نص ساعه الباب دق
منه "أنا مش قادرة أفتح ......... يامحمد أنا مش قادره "
الباب مازال بيخبط ..هنا منه أدركت إن مش محمد اللي بيدق الباب .،لملمت الطاقه اللي متبقيه ف جسمها -فتحت الباب
منه "مين حضرتك ؟"
؟؟"محمد موجود؟"
منه"لا مش موجود بس هو علي وصول ممكن حضرتك تستني في الصالون شويه "
-بعد فتره زمنيه وصل محمد
منه "محمد في واحد صحابك مستنيك في الصالون"
محمد "إسمه إيه ؟"
منه"مقالش "
-محمد دخل الصالون
؟؟"إنتا فين من الصبح؟...برن عليك مش بترد "
محمد " عاوز ايه مش قولتلك متجيش البيت عندي نهائي "
؟؟"أنا برن عليك مش بترد والموضوع ضرورى"
محمد "في إيه؟"
؟؟"علاء الدسوقي بيقولك البضاعة موصلتش"
محمد "نعم!!!. دا أنا اللي مسلمها ب إيدي!"
؟؟"اه ما احنا عرفنا بس اللي إنتا متعرفوش ان دي رجاله المعلم فرج ابو العطا"
محمد "إنتا جاي تهزر"
؟؟"مش بهزر. إنتا اللِ بتهزر البضاعه لو ما وصلتش النهارده بالكتير رجاله المعلم فرج هيمو*توك لانك بتتأخر في التسليم بقالك مده"
محمد "طب والعمل "
؟؟" اتصرف ف الفلوس اللي اخذتها وجيب بضاعه جديده"
محمد "طيب "
_ كل ده ومنه سمعه الكلام ومصدومه ف جوزها ................... سمعت حركه جنب الباب ف راحت علي اوضتها وقعدت تفكر هتعمل إيه
*في مكان آخر *
- محمد مشي مع صاحبه علشان يدور علي بضاعه جديده وبالفعل لقي وحل مشكلته
*في مكان آخر *
منه كانت بتحضر شنطتها تحسباً ل رد فعل محمد لما تواجهه علي حقيقته
بعد 3ساعات تقريبا محمد وصل البيت ولما دخل شاف وش منه متغير لاحظ ان في حاجه ،ملامحها غريبه ونظرتها بتحمل معاني كتير اووي:غضب وحيره واسف وعتاب وذهول و......و........و.....
محمد "منمتيش ليه يا حبيبتي "
منه" مش جايلي نوم "
محمد " مالك حاسس إنك مخبيه حاجة؟.....الأطفال حصلهم حاجة؟ "
منه " لا ابداً الأطفال بخير الحمد لله..........انا بس كنت عاوزة أسألك علي حاجه وتجاوب بصراحه "
محمد "اتفضلي "
منه" مين صاحبك اللي كان موجود من شويه "
محمد "زميلي في الشغل وكان عنده مشكله وجي ليا علشان احلّها ليه "
منه "إنتا بتشتغل في المخدرات من أمتي يا محمد ؟بتأكلني مال حرام من أمتي؟"
_محمد اتصدم واتنهد بصعوبه
منه بعصبيه " رد عليا أنا بكلمك!!!"
محمد "وطي صوتك الأطفال نايمه "
منه"خايف علي الأطفال دلوقتي ومش خايف عليهم لما يكبروا ويعرفو ان أبوهم تاجر مخدرااات!!!!!!"
محمد"لا هما لما يكبرو هيساعدوا بباهم "
منه " أنا عمري ما شوفت أب شبهك كدا .... إنتا إيه شيطان ف صورة انسان!!!!حرام عليك كل الآباء بيتمنو الخير ل أولادهم وبيسعو للرزق الحلال إلا أنت نفسك أولادك يكونو مدمنيين
"محمد "ومين قال كدا م أنا ببيع ومش بتعاطي أي حاجه "
منه "علي رأي المثل "طباخ الس*م بيذوقه ولو إنتا مذقتوش أولادي هيذقو.....وعزه وجلاله الله لو ما تراجعت علي اللي ف دماغك ل هكون مبلغه عنك للحكومه ...وأنتا متأكد إننا مجنونه وأعملها"
محمد " انت بتهدديني يعني؟"
منه "مش بهددك سميها زيها هو اللي هيحصل الاوسا*خ اللي شبهك مكانهم السجون مع المجرمين اللي شبهك" -محمد شدها من شعرها وضر*بها على وشها لحد ما نزفت الدم وبدأت تصرخ
محمد " وربنا لو فكرتي بس تعملي حاجه ل هقتل*ك وانا اجن منك واعملها "
منه" وانا مش هأكل ولادي مال حرام وطلعت جايبه في الشنطه اللِ مجهزاها وجابت أطفالها على ايدها وبتقوله "انا عاوزه أربي أولادي بالحلال تربيه صح وأنا ما يشرفنيش انك تكون اب لأطفالي"
-ضر*بها محمد ض*رب مبرح واخذت شنطتها واولادها وطلعت بس هو جري وراها وحاول ياخد أولاده لكن مقدرش يحرر غير مروان....... راحت منه عند اهلها علشان تستقوي بيهم "
