-تاني يوم سيف رن علي محمود
سيف "اعتقد إن مر وقت كفايه........... لازم تنفذ العمليه قريب........ وجودك في قصر محمد يكن خطر وكل ما تزيد المده والخطر بيزيد واخطائك هتزيد"
محمود "وانا اسف بس إعفيني من المهمه دي"
سيف" انت متخيل انك لما تقولي كده هوافق انتا خلاص مكلف بالعمليه ومفيش انسحاب......... دخول الحمام مش زي خروجه "
محمود" بس انا مش عايز أكون سبب ف اني ايتم اولاده مش عايز حد يعيش اللي انا عشته هما ملهمش ذنب ف حاجه ليه تكسر قلبهم لمجرد ان أبوهم مش كويس ليه تدفعهم ثمن غلطه هما معملوهاش"
سيف" اوعى يكون قلبك حن ........ القصر اللي انتا فيه ده حته من قاع جهنم كل اللي فيه شياطين "
محمود "ربنا موجود هو الللي يحاسب محمد يكن. انا مش هق*تله "
سيف "مكنتش عايز استخدم الكارت ده معاك
بس ده اخر كارت هلعب بيه معاك "
محمود "مش فاهم قصدك ايه "
سيف "حقك عليا بس يا اما روح محمد يكن او روح والدتك "
محمود" ايه اللي دخل امي دلوقتي في الحوار..... امي ملهاش علاقه بأي حاجه............ والله العظيم لو حد مس شعره منها لهمحيه من على وش الارض "
سيف "انا قلت اللي عندي .........إنجز عشان انتا كده بتلعب في عداد عمر والدتك ...........سلام"
-محمود بيرن على امه عشان يطمن عليها
محمود "الووو ايوه يا أمي وحشاني جدا عامله إيه رمضان كريم منه وانتا كمان واحشني يا ضنايا انا الحمد لله كويسه طول ما انتا كويس....انت عامل ايه ؟
محمود "انا الحمد لله "
منه "نفسي اشوفك هترجع امتى ؟"
محمود "قريب ان شاء الله يا امي..... إدعيلي انتي بس"
منه "ترجع بالسلامه يا قلب امك"
********************
محمود ساعتها كان متلغبط مش عارف يعمل ايه
ييتم حبيبته وإلا ييتم نفسه للمره التانيه
ما هو أكيد مش هيقت*ل ابو البنت الوحيده اللي عرف معاها معني الحب وهي كمان حبته ووثقت فيه ودخلته قصرها وشغلته وآمنت بيه ومستعده تضحي بعمرها علشانه وخصوصا هو عارف ان الحياه منغير أب زي البيت منغير عمدان زي اللوحه منغير ألوان زي الأسد منغير سنان عاش منغير ضهر ولاسند ميعرفش يعني ايه حضن الاب ،وهو مش حابب يخلي حد يجرب الاحساس دا ف دي بقا حبيبته
بيقطع تفكيره صوت رنه موبايله
مريم"الووو "
محمود "الوووو يا حبيبتي "
مريم "يا ايه ...؟ "
محمود "يا حبيبتي "
مريم "قولها تاني "
محمود "لا خلاص"
مريم "قولها تاني بالله عليك "
محمود "مش هقولها انا قولتها مره واحده "
مريم "طب وحياتي عندك "
محمود "يا حبيبتي "
مريم "اشمعنا الوقتي قولتها "
محمود "جمله وحياتي عندك دي شبه تعويذه بتسحرني لما بسمعها منك بحس انك عملتيلي تنويم مغناطيسي "
مريم "سيبك من الكلام دا دلوقتي "
محمود "نعم"
مريم " انا عزماك النهارده علي الفطار "
محمود "فين"
مريم "حجزت مطعم كامل ليا انا وانتا وبس"
محمود "ليه التبذير دا "
مريم"ميغلاش عليك حاجه يا اغلي ما عندي "
محمود "طيب هستناكي ف العربيه قبل الأذان ب ساعه كدا "
مريم "ان شاء الله "
***************
بيروحوا المطعم وأثناء الأكل
مريم" مالك سرحان ف ايه "
محمود "مفيش "
مريم "مش انا حبيبتك "
محمود "طبعا "
مريم "طب كلمه مفيش دي تلغيها من قاموسك طول منا بتكلم معاك "
محمود "حاضر"
مريم "مالك بقا "
محمود "أمي وحشتني أوي..........دا أول رمضان يعدي عليا وأنا مش معاها......عمال بسأل نفسي:يترا أكلت وإلا لأ ومين بيفطر معاها طب هي عامله إيه الوقتي..؟واسئله كتيرة......"
مريم "صحيح انتا عمرك م كلمتني عن والدتك....... كلمني عنها شويه "
محمود "أمي........أمي دي أعظم ام علي الكره الارضيه كلها ست ب ميت راجل شافت المُر واستحملت الل مفيش ست ف العالم تستحمله بعد م والدي مات مرضيتش تتجوز غيره وكرست حياتها ليا برغم ان سنها صغير امي ربتني أحسن تربيه علمتني كل حاجه علمتني عزه النفس علمتني الأصول علمتني الصبر يمكن تشوفيني حنين وقلبي طيب بس دا علشان انا مشوفتش منها غير كل حنيه ومعرفش يعني ايه كره وحقد .............. انا الجنه مش تحت رجلين أمي...لأ ...... أنا أمي بالنسبه ليا جنه بكل تفاصيلها
أمي دي أحسن واحده تقرأ عيني واشطر واحده تترجم صوتي ............امي مهما اتكلم عنها الكلام مش هيوفيها حقها "
مريم "ربنا يخليهالك .....انا عيني دمعت"
محمود "وأنا شبعت .....رايح أغسل إيدي"
مريم "خلص وتعالا "
After 5 minutes
مريم "ممكن أسألك سؤال "
محمود " اتفضلي "
مريم " انا بالنسبة ليك إيه؟"
محمود " هتصدقيني لو قولتلك معرفش....................بس كل الل أعرفه إني معاكي بنسي كل همومي وبحس بفرحه بتدغدغ كل خلايا جسدي بحس معاكي بالأمان بحس انك نصي التاني بصراحه ف البدايه اول م شوفتك كان عندك كام صفه مش عجباني بس حبيتك برضو علشان انتي البنت الوحيده اللي قدرت تحرك قلبي مريت ب فتره مراهقه وبرضو معرفتش يعني ايه حب وكنت بستهزق بالعشاق بس معاكي عرفت يعني ايه حب علمتيني العشق ف مدرستك قبل م أعرفك انا اخدت طلقه ف دراعي مكانك دلوقتي انا مستعد اخد طلقه ف كل خليه ف جسمي علشانك...أنتي الورده اللي فتحت ف عز الخريف ......نفسي تكوني شريكه حياتي اهديكي كل السنين اللي فاضله ف عمرى "
مريم "كفايه كفايه انا وشي احمر .....سيب كلام تقولهولي الايام الجايه "
محمود "هتصدقيني لو قولتلك اني حاسس اني مقصر وزعلان لان انا كدا بوصف حبي ليكي ف شويه حروف"
مريم "طب سبني اقولك انا إنتا بالنسبه ليا ايه
بص حقك عليا لو قصرت ف وصفك بس حقيقي انا جوايا مشاعر كتيرة متتوصفش تتحس بس ،بس انتا حبل النجاه بالنسبه ليا ، كنت عايشه طول عمرى تايهه وأنتا جيت وجهتني لطريق صح لقيت نفسي فيه عشت طول عمري أجرى بس دلوقتي أنا عاوزه امسك إيدك ونمشي ببطئ لحد نهايه الطريق ....وأنا معاك ببقي نفسي الوقت ميعديش ،لقيت فيك كل حاجه انا اتحرمت منها لقيت فيك حنيه مشوفتهاش ف أمي لقيت فيك الضهر والسند اللي ملقيتهوش ف اخويا حسيت بالأمان اللي محستوش مع ابويا شوفت فيك الونس اللي مشوفتوش وسط أهلي.......... غيرت حياتي 180 درجه للأحسن.....كان نفسي تكون موجود معايا من زمان بس صدقني برغم اني اعرفك من فتره قصيره إلا اني حاسه اني أعرفك من وقت طويل جدا حقيقي انتا أجمل صدفه حصلتلي ف حياتي ف كل أيامي اللي قبلك أنا كنت متسجله غياب "
