انس" اصحي يا منه خالتك حضرت العشا "
منه "حاضر هتوضى وهصلي وهحصلك يا محلس
انس بضيق طفولي "تاني !!!!؟"
منه" قعدت على مائده الطعام معاهم وأول مره تحس بالدفء واللمه الحلوه اللي ما لقيتهاش في وسط اهلها، خلصت اكل ودخلت اوضه نور تاني....
-الباب بيخبط
منه "مين "
حسنات" أنا يا منه ممكن ادخل
منه" اتفضلي "
حسنات "قعدت جنبها واخدتها في حضنها وقالت بحنان احكيلي كل اللي جواكي ،وقولي لي ايه سبب الكدمات اللي في وشك دي ؟
-منه بدات تعيط وهي بتحكي
حسنات "خير ان شاء الله وانا ليا كلام تاني مع هناء"
منه" يا رب يا خالتو"
حسنات" بصي يا منه انا مش عاوزه حاجه تكسرك ولا عاوزه حاجه تهدك ابنك محمود ما بقاش لي غيرك حاليا ما فيش وقت الانهيار واعتبري دي بدايه جديده لحياه مستقله ليكي انت وابنك عارفه ان مروان وحشك اوي بس لازم تحمدي ربنا ان محمود معاكي و أحمد الزبا*له ده ما حرمكيش من الاتنين "
-منه حضنت خالتها بحراره
"مش عارفه بجد اروح لمين يا خالتو ربنا يخليك ليا " حسنات" عيب عليك لما تقولي كده انا اللي مربياك فاكره يا بت لما كنت انا لسه ما اتجوزتش وربيتك لحد ما تجوزت علاء وبعدتي عني
منه "هو انا ممكن اطلب منك طلب يا خالتو؟
حسنات" اطلبي قلب خالتو "
منه "عاوزه عمي علاء يشوف واحد في السجل المدني يسجل محمود "
حسنات" بس احنا كده عاوزين بطاقه أحمد و قسيمه الجواز "
منه" ما أنا عاوزه حد أنتوا تعرفوا يسجلوا بإسم حد تاني عشان مش عاوزه محمود يشيل إسم أحمد ولا عاوزه اي حاجه تربطني بيه هاعتبره صفحه وإتقفلت" حسنات " بس كده تزوير ومخالفات ومشاكل يا بنتي" منه "ما فيش حل تاني غير ده ،هعمل ايه ولو سجلته دلوقتي وهو صغير أحسن ما هو كبير"
حسنات " هروح أتكلم معاه وأحاول،بس انا مش هعشمك بحاجه" منه اللي ربنا يجيبه انا راضيه بيه" حسنات إتكلمت مع علاء وهو ما كنش موافق في البدايه بس بعد إلحاح من حسنات وافق............. ودخلت حسنات على منه ولقيتها بتصلي وبتعيط في الصلاه وأول ما خلصت صلاه
حسنات" تقبل الله "
منه" منا ومنكم "
منه"خير يا خالتو "
حسنات "هو فعلا خير عمك علاء قال لي انه موضوعك صعب بس مش مستحيل وهيحاول يخلص الموضوع وعمك رفيق جارنا شغال في السجل قال لما يقابله في المسجد في صلاه الفجر هيكلمه إدعي بس انتي واللي فيه الخير يقدمه ربنا "
منه" والله بدعي ليل ونهار ما انا ما ليش غير ربنا وانتي يا خالتو "
حسنات "ادعي ربنا بس يطول في عمري وانا هفضل جنبك"
- راحت منه وعلاء زوج حسنات بس الموظف موافقش ف علاء راح لرفيق ورفيق دخل والحمد لله محمود اتسجل بإسم أب تاني <محمود زايد ابراهيم>
منه " فضلت تحمد ربنا وكانت فرحانه جدا لإنها إعتبرت دي أول سلمه من سلم تحقيق ذاتها.
-منه كانت بتحب التصميم جدا بس محمد مش راضي يشغلها وكل ما تطلب تشتغل تاني يقول لها: الست ملهاش غير بيت جوزها وأولادها وشغل البيت فقررت تشتغل في التصميم وطلبت من نور ورقه وقلم و بدأت ترسم تصميمات جديده على الورقه وسألت خالتها على أقرب أتيليه وفعلا راحت وعرضت رسوماتها وإنبهر بيها مصمم الأزياء وإنبهر من الجدّه والجمال وبساطه وروعه تصميماتها وإشترى منها الرسومات بمبلغ محترم .
-منه كانت فرحانه جدا وفخوره بنفسها ويوم عن يوم بدات تتدخر المال المتبقي من مصاريفها لحد اما سكَنت شقه مستقله بالايجار
-ومحمود كل ما يسأل منه عن والده
تقول له: بابا عند ربنا محمود في كل مره كانت بتكذب عليه كانت بتتقطع من جواها لانها يتبعت محمود وابوه ما زال على قيد الحياه حي يرزق بس هي عارفه ان محمود لما يكبر بيعرف الحقيقه هيلتمس لها العذر لانها خايفه على مصلحته وحبه تنجيه من مستنقع الضلال اللي كان هيعيش فيه
