مريم أخدت محمود معاها القصر وهو طول الطريق باصص ف الأرض
مريم "بابا "
محمد "نعم "
مريم "ممكن تشغل محمد عندك"
محمد "لا "
مريم "ليه بس "
محمد " شوفي هو عاوز كام تمن الطلقه دي وأنا هدفعله اللي يطلبه "
محمود "الجدعنه ملهاش تمن.....الف شكر "
مريم "بابا علشان خاطرى إنتا عمرك م رفضتلي طلب "
محمد"انتي عارفه إني مش بشغل اي حد معايا "
مريم "وحياتي عندك "
محمد "خلاص "
مريم "يعني موافق "
محمد " اعرف هو مين الأول "
مريم "دا غلبان أوي ي بابا هحكيلك حكايته بس سيبه ينام مع الحرس النهارده علشان تعبان "
محمد "لولاكي بس "
مريم "خلاص إنتا هتعايرني "
محمد "يا بنتي والله العظيم انا نفسي اعمل اي حاجه علشان تحبيني زي بقيه البنات لما بتحب أبوها "
مريم "لما تكون إنتا زي بقيه الآباء "
محمد "خلاص مش وقته الكلام دا.......روحي وصلي محمود بتاعك دا ل مكانه "
-مريم بتكون او مره تدخل اوضه الحرس ومتعوده ديما علي جناحها الانيق ف القصر ف بتضايق من شكل الاوضه وبتطلب من رئيس الحراس انو يجدد الاوضه حالا،ف الوقت دا محمود بيقعد مع واحد من الخدم اسمه متولي بس بيكون غلبان أوي وكبير ف السن وبيبدأو يتعرفوا علي بعض
محمود "عم متولي هو أنا ممكن أسألك سؤال "
متولي "اتفضل ي ابني "
محمود "إنتا شغال هنا بقالك قد إيه "
متولي "بقالي كتير "
محمود "طب تعرف إيه عن بنت الباشا محمد يكن "
متولي "مريم؟"
محمود "اه"
متولي "والله يا بني أنا استغربت منها كتير،يعني:لبسها وكلامها وعيشتها تقول إنها شبه اللي ف القصر بس شخصيتها وطيبه قلبها تقول إنها ملهاش علاقه باللي ف القصر "
محمود "ومالهم اللي ف القصر "
متولي "ربنا يكفيك شرهم قلبهم قاسي ومعندهمش رحمه ميعرفوش غير الفلوس وعندهم حقد للناس وشايفين ان كل حاجه بتشتري بالفلوس ،عندك ابن الباشا إسمه مروان دا او*سخ واحد هتشوفو ف حياتك :خامورجي وبتاع نسوان وطايش ،وإلا مراته
مراته دي رقاصه ف الكباريه بتاعه بس اتجوزها بشرط مترقصش لحد غيرو بس لسه زي ما هي .......نصيحه مني لو شوفتها ف حته ابعد عنها علشان هتلبسك نصيبه
نص العمال اللي هنا اطردو بسببها "
محمود " طب ومريم "
متولي "مريم دي نضيفه من جواها بس للأسف اتولدت ف مستنقع زباله تعرف إنها السبب ف اني اشتغل هنا "
محمود "إزاي "
متولي " علي قد معرفتي ان علاقه مريم والباشا مش أحسن حاجة وهو بيموت فيها وبيقدلها صوابعه العشره شمع واي طلب تطلبه مجاب ولما طلبت منه اني اشتغل ،عرف انا مين الأول والحمدلله انا غلبان وتاريخي أبيض ف شغلني علطول......أصله مش بيشغل اي حد عنده علشان قبل كدا شغل واحد عنده وطلع شغال مع عصابه تانيه ودخل القصر علشان يقت*لوه "
محمود "طب لما عرف الحقيقه عمل ايه فيه "
متولي "يعيني الواد مطلعش عليه نهار "
ف اللحظه دي محمود خاف جدا وعرف انو كدا بيلعب بالنار ولو حصل اي غلطه فيها روحه
تاني يوم مريم بتطلب من محمود انو يوصلها النادي
مريم "محمود تقدر توصلني النادي "
محمود "حاضر يا آنسه "
مريم "مبلاش آنسه دي ممكن تقولي يا مريم عادي "
محمود "حاضر يا مريم "
مريم" انا عارفه إني متقله عليك وأنتا لسه الجرح اللي ف كتفك متعالجش أوي "
محمود "لا ولايهمك دا شغلي "
- محمود فتحلها بابا العربيه وبدأ يسوق
مريم "أنا آسفه بس مكانش ينفع اخد سواق غيرك "
-محمود مفهمش معناها يس طنش
محمود "النادي فين لو سمحت "
مريم " ممكن تجيب رقمك هبعتلك اللوكيشن "
محمود "حاضر......اتفضلي "
