-الباب بيخبط صعب
هناء "مين اللي بيخبط؟ حاضر انا جايه"
منه" انا يا ماما افتحي بسرعه"
-هناء فتحت الباب فإتصدمت من وشها اللي بينزف وابنها اللي بيصرخ على ايدها
هناء بخوف" مالك يا منه؟ ايه اللي حصل ؟"
منه "دخليني الاول يا امي مش قادره اقف على رجلي"
هنا "أدخلي يا قلب امك ، ابوكي على وصول
دخلت منه واتنهدت بصعوبه وقعدت ورضعت محمود هناء "مالك؟ ايه اللي عمل فيك كده؟"
منه "محمد يا ماما طالع تاجر مخدرات"
هناء" يا نهار اسود بيأكلك، حرام وانا اقول ايه الفلوس اللي اتحدفت عليه مره واحده دي"
منه" أنا سمعته بيتكلم مع واحد ولما وجهته قلت له اني هبلغ عن الحكومه هددني بالقت*ل وضر*بني
هناء "روحي بيتك يا بنتي انت ما لكيش غير جوزك واقعدي اتكلمي معاه وليّني دماغه وبالمسايسه ممكن يبطل ربنا يهدّي سركم"
منه" امي انت عارفه ان اللي فيه طبع عمره ما هيتغير"
- الباب بيخبط هناء فتحت الباب
احمد "في ايه؟ وايه اللي عمل في وشك كده ؟ "
-منه سردت اللي حصل احمد قال نفس الكلام امها ثم اضاف "مهما يحصل ما فيش طلاق انت عاوزه الناس تاكل وشي "
منه" انتم مش فاهمين حاجه ده جزائي ان جيت ألجألكم ليكم "
احمد" نامي النهارده عشان ما ينفعش تخرجي في نص الليل والصباح رباح "
-منه طلعت اوضتها وبدات تعيط ومحمود في حضنها وقالت "اتكتب عليك البهدله من صغرك يا ابني يا ترا الزمن لسه مخبي ليك ايه ثم اردفت: ابوك طلع تاجر مخدرات و اهل مامتك اتخلوا عنها عند اول مطب، سمعت اذان الفجر قعدت تدعي ربنا انه يصلح حالها وقامت تتوضي وتصلي وفضلت تدعي ربنا انه يصلح حالها وييسر اُمورها فجاه افتكرت خالتها اللي في اسكندريه قررت بعدها انها تروح تعيش عندها. اول ما النهار طلع قبل شروق الشمس منه اخذت شنطتها ومحمود وسافرت عند خالتها منه قعدت تفتكر في عنوان خالتها لحد ما افتكرت ابن خالته "انا طلعت الاول على مدرسه الشهيد عاطف السادات الاعداديه كلها" فراحت عند المدرسه واستنيته لما خرج جريت عليه وحضرنته ؛لانها فعلا محتاج الحضن الطفولي ده
منه "وحشتني يا محلس"
أنس" مش قولتك ما بحبش محلس دي "
منه "حاضر يا عم انس عارف طريق البيت ولا هنتوه" انس "عيب عليك يا بنت خالتي"
أنس "ماشاءالله مين الطفل دا "
منه" دا محمود إبني "
أنس "ربنا يخليهولك "
-منه وصلت لبيت خالتها
انس" جبتلكم ضيف بتحبوه معايا"
حسنات "مين يلمض "
أنس "منه بنت خالتو هناء "
- دخلت منه وحضنت خالتها بحب وحنان
منه "ازيك يا خالتو وحشاني اوي "
حسنات" وانتي اكتر يا قلب خالتو ،مالك في ايه؟ ومامتك مش معاكي زي كل مره ليه؟ وايه اللي على ايدك ده؟
منه" لا يا خالتو أنا جايه لوحدي زياره بس شكلها طويله اوي ،دا إبني "
حسنات "تنوري قلب خالتو، مبروك ،خشي في اوضه نور ارتاحي من سفرك وهاتي ابنك هو اسمه ايه صحيح؟" منه "محمود يا خالتو "
حسنات" عاشت الاسامي يا ام محمود والله وكبرتي وبقيتي ام"
ثم اطلقت ضحك حنونه
