" أنت الترياق والسم " الجزء الثالث عشر
فتحت كفها كان بداخله " اختبار حمل " أردفت
_ أفهم ايه ده ؟ وحصل امتى ؟
ابتلعت غصتها ونظرت لوالدتها أردفت بتوتر
_ أنا معملتش حاجة غلط يا ماما ده زوجي مش حرام والطفل اللي جوايا شرعي
ردت عليها
_ ليه تكسري ثقتنا أنا وأبوكي فيكي على أخر لحظة ، أنا عارفة أنه زوجك ليه يا " رحيق " مكملتيش للنهاية سمحتي لنفسك تفكي قيودك مفكرتيش في كسرة فرحتنا بيكي ونتائجها ايه ؟ للدرجة دي كنتي ضعيفة وسلمتي نفسك لزوجك قبل فرحكم ده كان كلها شهر وتكونوا في بيت واحد
ردت على والدتها بحزن
_ محصلش " بلال" سابني في الدنيا دي لوحدي أنا مش ندمانه على اللي حصل كفاية أن ليا منه ذكرى جوايا
ردت عليها والدتها
_ إحنا في مجتمع شرقي يا " رحيق " وعاداتنا وتقاليدنا من وجهه نظرها أن ده غلط مش لازم يحصل تجاوز بين الزوج وزوجته بعد كتب الكتاب الا بعد الاشهار بفرح هقول لأبوكي ايه دلوقتي ؟ تعبك وسنينك في تربية بنتك ضيعتها على أخر لحظة عقلك كان فين وقتها
ردت عليها
_ أهو ده اللي حصل وخلاص
فاطمة
_ يعني ايه حصل وخلاص عارفة نتيجة اللي حصل ده هيعمل فينا ايه ؟ للأسف مش هيضرك أنتي بس هيضرنا معاكي والعيب مش هيكون عليكي على تربيتنا ليكي وصورتنا اللي هتكون في الأرض بسببك الناس مش يترحم ومش بيهمها الحقيقة بيهمها الصورة وبس
عارفة لم الحمل يبدأ يبان عليكي وبطنك تكبر الناس هتقول عليكي ايه ؟
حتى ابنك أو بنتك اللي جاي مش هيسلم من كلامهم وأنتي هتكوني السبب في ده الظاهر أن الحب لغى عقلك
قرارات القلب أحياناً بتكون مش في صالحنا لكن قرارات العقل بالرغم بتكون أحياناً عكس اللي عايزينة بس بنرتاح وبنعرف أننا خدنا القرار الصح بعد وقت طويل
مش عارفة أزعل ولا أفرح الموضوع معقد ربنا يستر من اللي جاي
أقتربت من والدتها أردفت
_ هتقولي لبابا ؟
ردت عليها
_ طبعاً لازم يعرف
رحيق
_ أنا خائفة من رده فعله
ردت عليها والدتها
_ وخوفك ده كان فين قبل ما تعملي اللي عملتيه
مبادئ الشخص مش بتتغير مهما كانت الظروف والأسباب بس الظاهر أساس المبادئ دي كانت ضعيفة هي اللي وصلتك لكده يا خسارة يا " رحيق" وخسارة تعبي معاكي ونصائحي ليكي السنين اللي فاتت ضاعت منك في لحظة ضعف
رحيق
_ طول عمري قبل كل خطوة كنت بفكر فيكم بس اللحظة دي عقلي وقف أنا آسفة يا ماما والله ما فكرت في النتائج
تجاهلت والدتها حديثها وخرجت من الغرفة دون قول شئ
في منزل " يزن"
يزن
_ أنا مش قادر أستوعب اللي سمعته من " رحيق" لدرجة دي الذئب ده خطير أوي كده
غادة
_ الشخص ده عامل زي كتلة النار اللي يقرب منه يحرقة بس كله بسبب رحيق ومقالتها شوف وصلنا لفين ؟
رحيق عنيدة ومش هتستلم بالرغم من اللي حصل لها لأن الانتقام لخسارة "بلال "عاميها
وده للأسف هيضرها مش هيريحها متزعلش منها يا يزن أعذرها على تصرفها والله أنا لو مش مقدرة حالتها وعارفة كان هيكون ليا تصرف تاني معاها
يزن
_ لأجل بلال كله يهون حصل خير سوء فهم وكويس أننا لحقناه
في منزل " رسلان"
بدلت" رحيق " ثيابها وخرجت من غرفتها
أردفت فاطمة
_ على فين ؟
رحيق
_ عندي مشوار مهم مش هتأخر
فاطمة
_ أنا جاية معاكي
رحيق
_ لا ياماما مينفعش المشوار دي بالذات تروحي معايا مش هتأخر
وتركت والدتها ورحلت
اتجهت " رحيق " لمحل الورد
دلفت للداخل أردفت بصدمة عندما رأت وجهه
_ ايه اللي حصل لك هما خطفوك كمان ولا ايه ؟
نادر
_ هما مين ؟
رحيق
_ اللي خطفوني
نادر
_ نعم أنتي اتخطفتي ؟! ورجعتي عادي كده ما تقولي كلام عاقل
أكمل بكذب
وبعدين يعني حصل خناقة كده واتبهدلت فيها محدش خطفني
أقتربت منه وضيقت عيناها بتركيز ورفعت أصبعها تشاور بشكل دائري من بعيد
أردفت بذكاء وسخرية
_ بس أنا شايفة أثار ضرب تعذيب مش خناقة عادية لدرجة دي أنت ضعيف مش قادر تدافع عن نفسك
رجع خطوة للوراء وخفض بصره أردف
_ جاية ليه وعايزة ايه ؟ أمشي من هنا ده مكان شغل مش تحقيق
ردت عليه
_ أنا عندي دليل يقدر يكشف لنا هوية الذئب وأنت هتساعدني في الموضوع ده
رد عليها
_ ايه هو الدليل ؟!
رحيق
_ كان في ........ قطع حديثها صوت إطلاق نار من الخارج
ركض الاثنان للخارج وجدوا شيئاً جعل جسدهما صلباً مشدوداً من الصدمة
تتوقعوا شافوا ايه ؟
_ أمل أحمد
أنت تقرأ
أنت الترياق والسم
Mystery / Thrillerأكتشفت هي بعد فوات الأوان أن من كان معها أصبح ضدها ومن كان ضدها أصبح معها ماذا سوف تفعل عندما تعلم أن عدوها هو صديقها وصديقها هو عدوها " أنت الترياق والسم "
