" أنت الترياق والسم " الجزء السابع عشر
"الرحيل كارثة شعوره مؤلم يكسر الروح والقلب معا ينهي كل شئ بك يجعلك تتمنى أن يكون هذا خيالاً يكون واقعك غير ذلك "
خنجر أصاب قلبه جعلت نبضاته غير مستقرة
من بعد سماع هذا الخبر
وصل " زاهر " أمام المشرحة كل خطوة يخطيها بثقل يتذكر ضحكاتها ومواقفها معه عقله مغيب لا يدري إلى أين يذهب ولمن ؟
أيعقل أن تكون صغيرتة فارقت الحياة وتركته ولن يراها مره أخرى
امتنع بأحب لقب على قلبه باكراً كان يظن أنه هو سوف يتركها أولا وليس هي
وصل أمام الثلاجة مد " التمرجي" ذراعة ليفتح الثلاجة ، لم يستطيع" زاهر " السيطرة على قدميه كان سيسقط أرضا ولكن أمسكة الضابط أردف
_ حاول تتماسك حضرتك مينفعش كده أنا مقدر موقفك
رد عليه بصوت مختنق وتيه
_ مش مستوعب إحنا وصلنا هنا إزاي ؟
قام الضابط بإسناده وأمر التمرجي برفع الغطاء من على وجه الجثة أستجاب له ورفع الغطاء
عندما رآها عاد خطوة للخلف شعر أن الدماء انسحبت من جسدة من المنظر الذي رآه
في منزل " رسلان "
تجلس " فاطمة " على سجادة الصلاة تدعو الله أن تعود ابنتها بخير أردفت وسط شهقاتها
_ يااارب متحرقش قلبي ولا تحرمني منها دي هي اللي طلعت بيها من الدنيا يارب رجعها لحضني وطمن قلبي عليها أي كان وضعها هي في حماك
يارب مشوفش فيها حاجة حاجة وحشة أجمعني بيها في أقرب وقت
قلبي بيقولي أن بنتي مش بخير وقلب الأم دليلها بس أنا واثقة في رحمتك وكرمك أنك قادر تخفف وجع قلبي ويكون كل إحساسي وهم كداب
في منزل " يزن"
استيقظ " يزن " من نومه على صوت بكاءها
وجد غادة تجلس بجانبه تحمل صورة شقيقها تتحدث معه ودموعها تتساقط على وجنتيها أردفت
_ صعبان عليا ابنك او بنتك أي كان هيكون مين ؟
هيجي الدنيا وأنت مش فيها هبقى أحكيلة عنك هكون أحن وألطف عمتو وكل اللي كان نفسك هحققه لازم يكون مميز
وشردت بذاكرتها
بلال
_ عمة عيالي اللي هطلع عينهم سرحانة في ايه ؟
ردت عليه
_ يجوا بس وهطلع عينهم من الحب والدلع
بلال
_نفسي أجرب لم يكون عندي طفل مني أكون مسئول عنه مش عارف وقتها ممكن أعمل ايه
ردت عليه
_ هما الأطفال بالنسبة لك تجربة ؟
ابتسم لها وأردف
_ لا مش تجربة شعور وأكمل بحماس
عارفة يا " غادة " لم نتجوز أنا ورحيق ونجيب بيبي هعمل ايه ؟ هخبيه من الدنيا دي هكون أنا الأب والصاحب كل حاجة مش مجرد لقب وخلاص
من الآخر هعمل المستحيل عشان ابني أو بنتي يكون مختلف مميز هحاول أكون القدوة الحسنة يفتخر بيا أن
" بلال" أبوه
بادلته الابتسامة وأردفت
_ كلامك ده اثبت لي أنك هتكون في المستقبل أفضل أب في العالم ربنايحقق لك اللي بتتمناه ونشوف اليوم ده قريب
قطع شرودها " يزن " عندما وضع كفه على كتفيها أردف وهو يسحب الصورة من يدها
_ كفاية يا غادة العياط مش هيعمل حاجة غير أنه يتعبك هو محتاج الدعاء والرحمة
غادة
_ غصب عني مش عارفة أسيطر على مشاعري أنا تعبت يا
" يزن" الاقيها منين بس ؟ من اختفاء رحيق ولا قلقي وخوفي على الطفل اللي في بطنها ولا فراق " بلال" اللي مش عارفة أتخطاه حاسة أن الحياة ضدي وكاتمة على نفسي
في المشرحة
رفع " زاهر " كفه المرتعش يزيل عرق جبينه أخذ نفساً عميقاً أردف
_ الحمدلله مش هي
أنهى جملته وجلس على الأرض
الضابط وهو يساعده على النهوض
_ إحنا آسفين على الموقف اللي اتعرضت له بس كان لازم حضورك لأنها تشبه صفات بنتك فتاة عشرينية وهدومها نفس اللون اللي قولت عليه في المحضر بس نتيجة. الكدمات اللي في وشها من أثر الحادثة للأسف أخفت ملامحها فأهل الضحية عموماً يكون عندهم قوة ملاحظة في معرفة الناس اللي تخصهم
في السيدة زينب
يتجول " الذئب" داخل غرفتة ذهاباً وإياباً أردف بغيظ
_ هتكون راحت فين ؟ يا ترى ايه اللي حصل في المستشفى خلاها تختفي كده ، رحيق لازم تظهر
التقط هاتفه وأردف
_ أيوة يا نادر وصلت لحاجة ؟
نادر
_ للأسف لاء حتى أهلها مش عارفين مكانها
أغلق الخط ورمى الهاتف على فراشه
وخرج من الغرفة
في صباح يوم جديد ، في مكان مجهول
فتحت " رحيق " أعينها وجدت نفسها في غرفة غريبة
نهضت من على الفراش وفتحت الباب وجدته أمامها ابتسم لها أردف
_ حمدلله على السلامة أخيراً فوقتي
عادت خطوتين للخلف أردفت بخوف
_ أنا جيت هنا إزاي ؟ أنت مين ؟
هو ............
#أمل_أحمد
يا ترى هو مين ؟!
تفاعل يا حلوين عشان داخلين على حرب سودة 😂
أنت تقرأ
أنت الترياق والسم
Mystery / Thrillerأكتشفت هي بعد فوات الأوان أن من كان معها أصبح ضدها ومن كان ضدها أصبح معها ماذا سوف تفعل عندما تعلم أن عدوها هو صديقها وصديقها هو عدوها " أنت الترياق والسم "
