ආදරේ වේදනා ||| Completed ||| Sinhala BL

ආදරේ වේදනා - 01 වන කොටස

මේ ලෝකේ සතුටින් ජීවත් වෙන්න අපිට මහ ලොකු දේවල් ඕන නෑ ඒ වෙනුවෙන් එක පුංචි දෙයක් ඇති. මිනිස්සුන්ගෙන් ඇහුවොත් ජීවත් වෙන්න ඔයාට මොනාද ඕන කියල එයාලගේ උත්තර වල ඉහළින්ම තියෙන්නේ සල්ලි, සුඛෝපභෝගී ජීවිතයක්, බලය ඔන්න ඔය වගේ දේවල්. ඇමති පුතෙක් ඩිෆෙන්ඩර් එකකට ආසා වෙනකොට වීදි දරුවෙක් සෙල්ලම් කාර් එකකට ආස වෙන එක, සල්ලිකාර මිනිස්සු ලොකු ලොකු රෙස්ටුරන්ට් වලින් කනකොට එදාවෙල හොයාගෙන රොටියක් පුච්චගෙන කාලා සතුටුවෙන අහිංසක මිනිස්සු, අරක්කු බියර් අතරේ සමහරක් සතුට හොයනකොට ගව්ගානක් ඇවිදලා වතුර පොදක් හොයාගෙන සතුටුවෙන මිනිස්සු මේ රට ඇතුලේ ඕන තරම් ඉන්නවා.

ඉස්සර මමත් සල්ලි , බලය උඩ තියාගෙන ඒවාගෙන් උඩඟු වෙලා ජීවිතය ගෙවපු මනුස්සයෙක්. මම හිතන් හිටියේ සල්ලි, බලය තියෙනවනම් මේ ලෝකේ කරන්න බැරි දෙයක් නෑ කියලා. පීනන්න තරම් සල්ලි තිබුනත් දැන් මට තේරෙනවා සල්ලි කියන්නේ ජීවිතේ නෙවෙයි සතුට නෙවෙයි..

මනුස්සයෙක්ට සතුටුවෙන්න පුංචි දෙයක් ඇති කියන එක මට තේරුම් ගියේ ඔයා මගෙන් ඈත්වෙලා සදහටම යන්න ගිය දවසේ මහිම.. ඔයා ගියේ මගේ සතුටත් අරන් මගේ මහී. මං නිසා ඔය ඇස් කොයි තරම් අඬන්න ඇතිද, කොයිතරම් රිදෙන්න ඇතිද ඔය හිතට, මං එකවතාවක් ආදරෙන් කතා කරනකල් කොච්චරනම් බලන් ඉන්න ඇතිද... දන්නවා මං, ඒ හැම දෙයක්ම ඔයා ඉවසගෙන දරාගෙන හිටියේ මට තියෙන බයටවත්, තියෙන මෝඩකමටවත් නෙවෙයි කියලා. ඒ ඇත්තටම මට ඔයා ආදරේ කරපු නිසා. ඒක දැන දැනත් මොකක්ද මේ පව්කාරයා කලේ ඔයාව හැමදාම රිදවපු එක විතරයි. අද ඒ කරපු හැම වැරැද්දකටම දෙවියෝ මට දඬුවමක් දීලා. නිකන් නෙවෙයි තනිකම, පාලුව හිරකරන් උබ නැතුව උබ එක්ක ජීවත් වෙන්න මට සිද්දවෙලා. මට සමාවෙයන් මගේ රත්තරනේ.. පුලුවන් නම් එකම එක වතාවක් මේ මෝඩයට සමාව දියන්.. එකම එක වතාවක් මගේ මහී..

මහිම ආකේත්‍ය වික්‍රමසිංහ..
උපත - 1995. 07. 01.
විපත - 2019. 04. 21.

අදට අවුරුදු පහක් එයා මාව අතඇරලා මේ ලෝකෙන් යන්නම ගිහින්. කරුමේ කියන්නේ මේ පව්කාරයට උබේ මලකඳවත් අන්තිම වතාවට දකින්න ලැබුනේ නෑ මගේ රත්තරන්. උබව අන්තිම වතාවටවත් නොදකින්න තරම් මං පව්කාරයෙක් උනාද මගේ මැණික. කියපන් මට... මං ඒ තරම්ම පව්කාරයෙක්ද.. මං ඒකටවත් සුදුසු නැද්ද බන්.