مَهره بتبكي وبتتنهد جا داخل عمران قال ليها: قومي امسحي دموعك دي واكلي ليك لقمه مسافه اجي ماشي مع ابوي قريب هنا وجاي
مَهره مسحت دموعها وبقت تتنهد قالت ليهو:عمران صحي اخواني عملو العزا؟؟
عمران جا راجع وقعد جنبها قال ليها: دي اعتقادات في دينهم م هنمنعهم من شي زي دا اكيد صح؟
مَهره بكت تاني وقالت ليهو: اكيد اخواني هم البيخلو ابوي يقسى علي
عمران سكت م قال شي، مَهره قالت ليهو:ممكن تسوقني ليهم؟
عمران حرك راسو بمعنى لا وقال ليها: استحاله تمشي البيت داك تاني
مَهره بكت وقالت ليهو: عليك الله انت هتكون معاي
عمران عاين ليها وسكت مسافه قال ليها: طيب البسي وارح
لبست العبايه ومشت معاهو اول م وصلت البيت خبطت الباب جات امها فتحت ليها
مَهره وهي بتبكي قالت ليها: امي بيهون عليك ترمي بتك كدا؟؟
امها حمرت ليها وقالت:امشي قبل اخوك يجي ويقتلك قبلك
مَهره قالت ليها بعتاب: تقتلوني عشان اسلمت يا امي؟
امها عاينت ليها وم ردت في وقفتها جا اخوها احمد عاين ليها وقال: جايه عندنا تسوي شنو؟
مَهره عاينت ليهو وبكت قالت ليهو: هتخليني مرميه في الشارع؟
عاين ليها وعاين لعمران وقال ليها: معاك عمران م بتجيك شي مش دا انتي العايزاهو؟ واحسن ليك تمشي قبل ايمن يجي لانو هيدفنك هنا دي
مَهره بكت وقالت ليهو: حتى انت يا اخوي
احمد قبل منها وم قال شي قفل الباب في وشها مَهره بقت تبكي بصوت عالي وهم ماشين يركبو العربيه عاينت لقت ايمن جاي من بعيد بسرعه ركبت العربيه وقالت لعمران: سريع قبل يضربني تاني
فعلا عمران رفع القزاز وامن الباب جا ايمن عاين لقاها مَهره خبط قزاز العربيه قوي وقال ليها: تاني م اشوفك هنا نحن اعتبرناك متي خلاص وانسي انو عندك اخوان وابو وام
طوالي عمران ساق العربيه وخلاهو واقف معصب، مَهره بتبكي قالت ليهو: بقيت من غير اهل
عمران مسك يدها وقال:معاك ربنا ودا كفايه
"جزئيه من الماضي"
___
مَهره بخلعه قالت ليهو:كيف يعني اسلمو؟
عمران قال ليها: قبل شهر من الليله اسلمو وشغالين على الاجراءات هسي
مَهره قامت على حيلها وقالت: وليه م اتصلو لي كل دا؟
عمران دنقر راسو وقال ليها: كلهم اسلمو الا ايمن
مَهره قعدت وقالت: عشان كدا يعني م اتصلو لي؟
