طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
واميرك ماسك ايديكِ
وقلوب الكل حواليكِ ورد وبيلسان
آدم سلم على عمران وسلمو مَهره ، عمران بقى يعاين ليها رفع الطرحه وباس راسها ، مَهره الدموع في عيونها وبتمسكها بالعافيه ، شبك يدو مع يدها ومشو للساحه
عمران بإستغراب قال ليها: هنرقص؟
مَهره حركت راسها بمعنى "اي" عمران قال ليها: م بعرف لكن ارح
مَهره ضحكت وختت يدها في رقبتو وبدو يرقصو
عمران بيعاين ليها في عيونها وسرحان ، مَهره خجلت من نظراتو قالت ليهو: مالك؟
عمران قال ليها وهو بيعاين في عيونها: م مصدق انك قدامي وبين يدي وحلالي كمان
مَهره نزلت راسها وم قالت شي، سكتو مسافه عمران قال ليها: تتذكري وانتي شافعه كنتي بتقولي لي هأعرسك انت؟
مَهره ضحكت وقالت ليهو: بتذكر دي لحظات تتنسي
عمران ابتسم وم قال شي
بعدها مشو على الكوشه قعدو شويه عشان التصوير بعد كدا جو الاهل يباركو ليها ، مَهره اخت عمران جات سلمت عليهم وباست صحبتها وهي مبسوطه قالت ليها: مبرووك شديد حبيبتي هتنوري بيتنا مع انك منوراهو من زمان
مَهره ابتسمت ليها وقالت: الله يبارك في عمرك "وحضنتها"
مَهره اخت عمران قالت ليها: ارح سيلفي سيلفي
مَهره صلحت وقفتها وعاينت للكاميرا لكزت عمران عشان ينتبهه ليهم واتصورو التلاته
عمران قال ليها:م هتخلي حركاتك دي
مَهره اختو ضحكت ليهو وقالت: ابييت م بخليها
قبل تنزل تلفونها اتصل عاينت ليهو ردت ،اخت عمران نادت مَهره وقالت ليها: هاك اتكلمي
مَهره بإستغراب قالت ليها: منو؟
اخت عمران مدت ليها التلفون اول م مسكتو دمعت قالت : شَهله
طبعا شَهله م سامعاها من الاغاني ومَهره م سامعاهم برضو ، مَهره رقصت مع شَهله شويه وقفلت الخط
اخت عمران قالت ليها: رسلت قالت هتتصل عليك بعدين
مَهره مسحت دموعها وابتسمت
نزلو الساحه يرقصو ويهججو مَهره بترقص مع اهلها وعمران مع اصحابو ، مَهره بتفتش على عمران ابتسمت لمن لقتو، هو من بعيد حرك شفايفو وقال: بحبك❤️.
