قالت ليهو: عمران ممكن يجي في يوم تخليني؟
عمران عاين في عيونها وابتسم ليها وقال: ما اخترتِك عشان افارقك يوم ولا عرفتك عشان القى ليك بديل❤️
مَهره ابتسمت ليهو وقالت: زمان اي مشكله تحصل لي بجيك انت اول واحد وبتحلها لي ، وم بتكتفي بكدا لا بتراضيني كأنك انت السبب، كانت وجهتي الاولى والاخيره انت ، لأنك مني ولي، وانا بعد الحُب دا كلو استحاله افرط فيك بسس...
عمران وهو مبتسم قال ليها: بس شنو؟؟
مَهره سكتت ودنقرت راسها، عمران رفع راسها بيدو وقال ليها: هتقولي الاختلاف البينا؟؟ واهلك هيرفضوني عشان مسلم؟ يعني شنو بحاول مره واتنين قلت ليك انا م لقيتك عشان اخليك يا مَهره وهأفضل احبك لحدي اخر لحظه في عمري انتي بتي قبل تكوني اختي ، واختي قبل حبيبتي❤️.
مَهره غلبها التعبير وم قدرت تقول اي شي بقت بتعاين ليهو وهي مبسوطه وحاسه نفسها م قاعده معاهو في الارض من شده فرحتها ، عمران وهو بيعاين ليها ابتسم وبدا يغني: حبيتك ياحبيبي
مَهره قالت: عشان انت حبيبي
عمران: انت انت حياتي
مَهره: انت انت حياتي
عمران: وهناي ونصيبي
اشر ليها عشان تسكت وواصل هو: حبيتك لجمالك وفي حبك تعذيبي ، حبيتك من بسمه، حبييتك من نظره
مَهره قاطعتو: يالفيك آمالي ،ياعايش في خيالي
عمران كشر وشو وقال ليها: لا انت عايز تحن!! ولا ترحم حالي، ليييه انت ما تعطف علي يا غزالي
مَهره وهي مبتسمه:ايامك ايامي واحلامك احلامي
عمران: في ربيع الدنيا، في دنياك الهامي
مَهره : حبيتك لشعوري❤️
عمران ابتسم ليها وقال ليها: حبيتك لجمااالك ❤️
ضحكو الاتنين ،
مَهره بقت تعاين ليهو بس ومبتسمه وهو كمان بقى سرحان في عيونها قال ليها: خلي عيوني تشبع من عيونك❤️.
"جزئيه من الماضي"
______
عمران عاين ليها منتظر جوابها ،مَهره بقت سرحانه عمران اتضايق قال ليها: مَهره انتي جاده بتفكري؟؟
مَهره عاينت ليهو وحركت راسها بمعنى"لا" عمران قال ليها: طيب مالك؟
مَهره قالت ليهو: خايفه
عمران بإستغراب قال ليها: خايفه مني؟؟
مَهره قالت ليهو قالت : خايفه علي!
عمران بإستغراب اكتر قال ليها: ليه انا م هأذيك
مَهره قالت ليهو: م هتأذيني وانت قاصد خايفه تحصل حاجه وتبعدك عني بعد ارجع اتعود عليك تاني
