ياعذوب عيونك وياعذاب النمر

Part : 1

قبل اعرفك ماعرفت القلق والارتباك
‏لين ما مرت عيونك .. و قدّمت الولا

‏البلا ماهو مصيبه .. تورّدك الهلاك
‏والله إن عيونك السود هي ساس البلا."

صباح إحدى الايام |
صحت  بطلتنا بنزعاج بسبب بعض  أشعه الشمس  الخفيفه إللي كانت متسللا لـ غرفتها من خلال الستارة ، مسكت جوالها  تشوف الوقت وهي مستغربه من نومها لهالوقت وعدم  تصحيه أمها وأبوها  لها  ، قامت من مكانها بخمول وهي تسكر روبها الابيض وتدخل تتروش ، وبعد ما تروشت بدلت ملابسها ولبست جنز أزرق، وتيشرت أسود سادة ولبست إكسسوارات بسيطة ورطبت وجهها وحطت واقي شمس وميكب خفيف روج وبلاشر ومسكره ونزلت لـ تحت تشوف اهلها وش يسوون ، حصلت ابوها جالس بالصاله وحده ويقرأ له جريده : صباح الخير بابا ،
التفت بدر ابو عذوب لبنته وهو يبتسم : أهلًا  ببكر ابوها وحبيبه قلبه ،
ابتسمت عذوب وتقدمت تحب راسه ويده وهي تجلس جنبه : وين كيان وأمي ؟
بدر  :كيان بغرفتها  وانا ابوكِ وأمكِ بالمطبخ مع هالخدامة يصلحون الفطور " ابتسم بدر من شاف زوجته ابرار طالعه من المطبخ وجايه لهم :ها هاذي هي امكِ جت " ابتسمت أبرار  وهي تنطق بستغراب : كنتو تتكلمون عني ؟
ابتسم بدر وهز راسه بالإيجاب: ايوه يابعد هالدنيا ، كانت عذوب تسأل عنكِ وعن كيان  ،
ابتسمت أبرار وهي تلتفت لـ بنتها : كيان وانا امكِ بعدها نايمه ، متى صحيتي أنتي؟ توقعتكِ  نايمه بعد ليه صحيتي الحين ، عندكِ شي بتسوينه ولا طالعه مكان ؟ على علمي إنك مأخذه اجازة هالشهر  ؟
ابتسمت عذوب والتفتت لـ امها وهي تهز راسها  : لا ماني طالعة مكان ، صحيت من شويات وتروشت ، بس أستغربت لأنكم ما صحيتوننا للحين ؟
بدر ببتسامة : انا قلت لـ امكِ بالأمس لا تصحيكم وتخليكم تنامون براحتكم ،  يوم رجعت بالأمس من  الدوام شفتكم مواصلين وما نمتو الا متأخر وما حبيت أنتا نزعجكم
كيان  ببتسامة وهي تنزل من الدرج : صباح الخير
ردو الباقي عليها بـ صباح النور وجلست جنبهم : متى يجهز الفطور انا بموت جوععع
ضحكت ابرار  وهي تناظر بنتها كيان بيأس: وشلون بتموتين جوع وأنتي توك صحيتي ؟
ضحكت كيان وهزت كتوفها : مدري بس صدق بموت جوع أنا اصلا اول ما اصحى اكون ميته جوع
ضحك بدر وهو يحط الجريدة  اللي كانت بيده على طاوله : تحبين بطنكِ اكثر عن اللازم وانا ابوكِ
أبرار بضحكه : ولا يبان فيها المشكلة يا بدر
عذوب بضحكه : صدق والله
عقدت كيان حاجبينها بزعل وهي تتكتف : قولو ماشاءالله بس لا تعطوني عين
عذوب : ماشاءالله ماشاءالله بس على وش نحسد فيكِ أنتي بالله ؟
تنحنحت كيان وهي ترجع شعرها على ورا بثقه : كل شي فيني يهبل اصلا
ضحكت عذوب وطلعت جوالها تشوف من مرسل لها ، وشافت رساله من صديقتها اشواق  :عذوب ؟ صاحيه ؟ لو صاحيه ودكِ نفطر مع بعض؟
ابتسمت عذوب وردت على رسالة اشواق : ايوه صاحيه ، بفطر مع اهلي ونتغداء بعدين أنا وأنتي،
ردت اشواق بـ : تمام ياعمري ، أجل بمر لكِ الظهر نطلع نتغداء
ردت عذوب بـ تمام والتفتت لـ امها اللي كانت تناديها : وش ماما ؟
أبرار : يلا حبيبتي الفطور جاهز ، مين كنتي تكلمين ؟ ،
عذوب ببتسامة : أكلم اشواق تبيني اطلع معها نتغداء على الظهر
أبتسمت أبرار  وقالت :  طيب حبيبتي يلا قومي افطري معنا ،
قامت عذوب تفطر مع أبوها وأمها وأختها كيان ، وجلسو يسولفون وهم يفطرون مع بعض وبعدين راح ابو عذوب لـ شغله ، وطلعت عذوب مع أختها كيان  ،، وام عذوب جلست بالبيت تحضر القهوة والحلا مع الخدامة ،قبل يجونها الحريم  يسيرون عندها ،