ياعذوب عيونك وياعذاب النمر

Part : 16

شويات وخلصوا الدكاتره وطلعوا وكلم نمر الدكتور يتطمن على حاله عذوب إلى بشره بـ أنها صارت بخير الآن الحمدلله ، تنهد نمر براحه يسأل عن جواله أو أي جوال يقدر يتصل فيه لـ عنان حتى يبشر الباقي ويطمنهم ، وقال له الدكتور أن جواله وجوال المريضه في الريسبشن جابوهم مع ممتلكاتهم الشخصيه يوم أسعفوهم ، وراح نمر يجيب أغراضه وجواله ، وأتصل بـ رقم عنان حتى يبشره ،
شويات وجوُ كلهم ،
ركضت أبرار لـ عند بنتها تُقبل رأسها : الحمدلله ياماما أنك بخير الحمدلله الف الحمدلله ياماما سلامتك ياحبيبتي ما تشوفين شر يروح ماما
أبتسمت عذوب تنطق بتعب : الله يسلمك ماما
تقدم بدر من بنته يمسح على رأسها : ياعيون أبوك يابنتي أقلقتينا عليكِ يابابا ،
أبتسمت عذوب تنطق : بابا لا تخافوا أنا بخير الحين " أبتسمت عذوب تناظر كيان إلى تمسح دموعها ونطقت : كيّونتي تعالي
تقدمت كيان من عذوب تحضنها : حسبت أني بفقدك خفت كثير
عذوب : لا تخافين أنا بخير شوفيني
أبتسمت كيان تناظر نمر ومها إلى ودهم يتحمدون لـ عذوب بالسلامه ومعهم عنان ، نطق نمر ببتسامة : الحمدلله على سلامتك
عقدت حاجبينها عذوب بستغراب تنطق : الله يسلمك بس أنت مين ؟
التفتوا كلهم يناظرون بعض بـ صدمه وكانّه مويه بارده وأنكبت عليهم نطق نمر بـ أستغراب : عذوب أنا نمر
عذوب ببتسامة : تشرفنا نمر عاشت الأسامي ، ومين الإثنين الباقين ؟
تنحنح عنان ينطق : أنا بروح أنادي الدكتور مشعل
نطق نمر بهمس وهو منزل رأسه : بجي معاك
طلع نمر مع عنان وهو يحس بألم كبير بقلبه وشعور صدمه يعجز أنه يوصفها ، ما بين الضيق والحزن لأنها ما عرفته ،
ونطقت مها : عذوب أنا مها ما عرفتيني ؟
فزت عذوب من مكانها وأسرع بدر بـ أنه يجلسها : يابابا مايصير تقومين كذا
أبتسمت عذوب بفرحة تنطق : بابا ذي مها ، مها كيفك وحشتينييي
سكتت مها تناظر كيان بصدمة إلى ما كأنت تقل عن صدمه مها والباقين ، جاء الدكتور مشعل وطلب من الكل يطلع برا إلا بدر إلى بقى معهم بالكشف ،
نطق نمر وهو يحاول يهدي نفسة : هي أكيد علشانها توها صحت مو متذكره كل شيء صار معها بس هي أكيد ما نستني صح عنان ؟
سكت عنان ما يعرف وش يقول ونطق : أن شاءالله أنه كذا فعلاً
شويات وطلع بدر وطلع خلفه الدكتور مشعل وأسرعو له الكل حتى يتطمنون على عذوب ونطق الدكتور مشعل : زي ما قلنا أول أن الإصابة يمكن تأثر على دماغها ، وأظن بـ أن الإصابة سببت لها فقدان جزء من ذكرياتها
سكت نمر يضحك بصوت خافت بصدمه يعجز يصدق ، ونطقت أبرار بخوف : طيب مافي أي مجال أنها تتذكر أي شيء ؟
الدكتور مشعل : على ما يبدو أنها بـ أخر فتره مرت في صدمه نفسية وهالشيء كأن السبب مع الحادث في فقدان الذاكره ، الجزئية ، ولكنها باذن الله بتتذكر مع الوقت ولكن ما أقدر أعطيكم أمل والأفضل لا تتغطون عليها حتى تتذكر شيء لأنه مو لصالحكم وبتتعب هي أكثر
بدر : أن شاءالله شكراً يا دكتور
مشعل ببتسامة : العفو ما سويت إلا وأجبي ، 
راح الدكتور مشعل وبقوا الباقين ما عندهم شي يقولونه ، نطق عنان من لأحظ أن كثرتهم هنا غلط : أنا أستأذنكم برجع بعد ساعة عندي كم حاجه لأزم أخلصهم
بدر : أذنك معك يا ولدي عسى الله يوفقك  " رأح عنان وبقى نمر مع الباقين نطقت كيان بـ أنها تبغى تبقى عند عذوب ورجعوا أبرار وبدر للبيت ، وبقت معهم مها ، جلسوا كيان ومها ونمر عند عذوب إلى كأنت للآن تناظر نمر بستغراب ، نطق نمر يعرفها عن نفسة رغم شعور الضيق والنيران إلى تاكل جوفه : أنا نمر بن ذياب آل حيـّان
أبتسمت عذوب تنطق : ولد العم ذياب ؟ أخو فاتن وغيد ؟
هز رأسه نمر بالإيجاب ونطق بعدها يتردد يكمل جملته : و ...
عذوب ببتسامة : و إيش بعد ؟
نمر : خطيبك حنا مملكين
فتحت عذوب فمها بصدمه تناظر كيان إلى هزت رأسها لها بالإيجاب ونطقت عذوب بـ أستغراب : كيف و وشلون ؟
كيان : أنا وأنتي ملكنا بنفس اليوم لو ناسيه
التفتت عذوب تناظر كيان : ملكنا ؟ أنتي بعد ؟
هزت رأسها كيان بالإيجاب : إلى كأن هنا وراح هو خطيبي ، عنان أخو سهام وهو ولد خال نمر وولد عمته
عذوب : أبن الخاله شذى ؟
هزت رأسها كيان بالإيجاب ، وشويات ودق باب الغرفة ودخلوا مبهم و وهاج  ، نطق وهاج وهو يعطي عذوب باقه الورد : الحمدلله على سلامة
أبتسمت عذوب تنطق : الله يسلمك مبهومي حبيبي
ضحك مبهم إلى رغم حاله عذوب إلى عرفها من خاله بدر ، ما زالت تحب تحارشه : أستريحي الحين وأرجعي بصحتك وبعدين لو ودك حارشيني
ضحكت عذوب تنطق : أوكية أوكية بس ما أبغى إضيع فرصه أحارشك فيها وش أسوي يعني ؟ كيف أريح ضميري
مبهم : أتركي ضميرك حالياً وركزي في أنك تتشافين كلياً بس أتفقنا!
هزت رأسها عذوب بمعنى طيب ، ونطق وهاج وهو يقدم باقه الورد الثانية لـ عذوب : كل عام وأنتي بخييير
التفت مبهم يضرب وهاج على ظهره بخفه : كل عام وأنتي إيش ! قول لها الحمدلله على سلامه
وهاج : شدراني ما قد رحت تحمدت لا أحد بالسلامه ، المهم سلامتك ما تشوفين شر عذوبييي
ضحكت عذوب ما تستغرب من حركات وهاج : شر مايجيك
جلسوا مبهم و وهاج وتحمدوا بعد لـ نمر بالسلامه لأنه مسوي الحادث مع عذوب ونطق مبهم : ماعليه بالحديد ولا فيكم المهم أن أثنينكم بخير وعافيه ، ترا أمي من درت أمس أرتفع عندها الضغط ونقلناها للمستشفى وأصرت إلا تجي اليوم وطمنتها أنك بخير وخلينا معها خواتي وبقى أبوي معها وجينا أنا ووهاج
أبتسمت عذوب بحب تنطق : حبيبتي عمتي جمانة الله يشفيها يارب ، ليه تخبرونها ؟ ما كأن لأزم شوفو الحين تعبت عالفاضي وأنا بخير الحمدلله مافيني إلا العافيه
مبهم : الحمدلله ، درت من تالين ومزون وليليان من جو أمس للبيت ما وقفوا صياح وهم يرددون عذوب عذوب ولا فهمنا منهم حاجه إلا بعد ساعه من هدوا بعد ما طيحوا قلوبنا كلنا من الخوف
ضحكت عذوب تناظر الورد : حياتيي ليليان وتالين ومزون خوفتهم مره شكلي إلا هم كيف دروا صح المفروض بس أنا ونمر إلى سوينا الحادث على كلامكم ،
كيان : كنا متفقين نلتقى في الكوفي إلى نتلاقى فيه دائم بعد ما تخلصين نادي وبعد ما أخلص أنا دوام وتأخرتي علينا وجاني أتصال يخبروني أنك سويتي حادث وجينا كلنا للمستشفى
عذوب : أها بس أنا ما أذكر أنو كأن عندنا كوفي محدد نلتقى فيه دائماً ؟
كيان بتوتر : مالنا فتره طويله نلتقى يمكن نسيتي
عذوب : يمكن مع أني حاسة أني ناسية أشياء كثيره ومو عارفه إيش هي حتى نسيت أنا متى ملكت ولا عرفت خطيبي " مسكت عذوب رأسها بألم وفزوا لها نمر ومبهم و وهاج بخوف ، نطق نمر : لا تجبرين نفسك تتذكرين شيء بتتعبين
مبهم : عذوب وأنا أخوك عادي كلنا ننسى مو ضروري تضغطين على نفسك بشيء
سكتت عذوب تناظر خوفهم بـ أستغراب ونطقت : من ردات فعلكم يعني أني فقدت الذاكره بعد الحادث ونسيت أشياء كثيره صح؟
سكتوا كلهم ما يجوبون وناظرت عذوب بـ كيان تنتظرها تجاوب : ليش ما تجاوبوني أنا فقدت ذاكرتي صح علشان كذا مو قادره أتذكر شيء ؟
وهاج : جزء منه ولكنه مو مهم لا تتعبين نفسك وتحاولين تتذكرين أشياء مالها مهمه ما صار أي شيء مهم الفتره إلى راحت عشان كذا لا تضغطين على نفسك حتى تتذكرين أشياء مالها داعي
عذوب : ما أعرف بس أحس أني ناسيه شيء مهم بس مو عارفه إيش هو ، كيان
فزت كيان تنطق : وش حبيبتي ؟
عذوب : وين أشواق غريبه ما أشوفها هنا معكم
سكتت كيان تناظر بـ نمر إلى ما درى وش يقول ونطقت : نسيت أعلمها الحين بدق لها تجي
التفت مبهم يناظر كيان وربكتها ولاحظ وهاج الشيء نفسه على كيان ونمر وتوترهم من طاري أشواق ونطق مبهم : كيان تعالي شوي بنتكلم معك أنا ووهاج برا وأنت بعد نمر تعال
كيان : أوكية " طلعوا نمر و كيان مع وهاج ومبهم برا يتكلمون " وبقت مها مع عذوب ، وجلست جنبها تنطق : عذوب
عذوب ببتسامة : قلبي ؟
مها : أحس ماله داعي جية أشواق ، أنا ما أرتاح لها ولا لـ نظارتها لكِ
عقدت عذوب حاجبينها بستغراب تنطق : ليش ؟ " ومسكت رأسها بألم ترجع ذكرياتها وتتذكر كم شيء بسيط : رأسي رأسي يعورني مره
مها بخوف : بسم الله عليكِ بسم الله عليكِ ، أصبري بنادي لك الدكاتره " طلعت مها تنادي الدكاتره وسمعت نص حديث وهاج ومبهم وكيان ونمر بالغلط وغطت فمها تشهق بصدمه والتفتوا عليها كلهم بخوف ،
كيان : مها ؟
تقدمت منهم مها وهي مصدومة للآن : أشواق سوت كل ذا ! أنا من زمان حاسة والله والله أني حاسة من نظراتها من حنا وصغار لـ عذوب وكيف كأنت تكره كل إللى حول عذوب فيها بس عذوب ما كأنت تحس ولا كانت بتصدقني مهما قلت لها عنها ولا تسمع تحذيرات أحد عنها
وسعت كيان عيونها بصدمه : يعني هالشيء مو جديد ؟
هزت رأسها مها بالنفي : لا هالشيء قديم أشواق تكره عذوب من سنين طويله ولكنها ما عمرها بينت لـ عذوب هالشيء كأنت تأذيها في أشياء خفيفه ولكني ما عمري توقعت أن يمكن توصل أشواق لكل ذا
نطق مبهم وهو يتنهد ويمسح وجهه بـ راحه يده : ما أظنها تسوي هالشيء وحدها الولدين إلى حاولوا يقربون لا كيان يساعدونها هم بعد وأكيد في أشخاص حنا ما نعرفهم يساعدون أشواق والأفضل لا تخلونها تحس بـ شيء حتى نعرف مين وراهم
نطق وهاج : والرقم وصاحبة إلى متوفى بعد غريب يوم بحثتنا في سجله وعائلته ما شفنا أسم أشواق كيف الرقم وصل لها ؟
نمر : رقم إيش ؟
كيان : الرقم إلى يرسل لـ عذوب ويهددنا أنا وهي عطيناه مبهم و وهاج وهم في طرقهم الخاصة قدرو يعرفون الرقم في أسم مين ولكن صاحبه متوفي من سنتين
هز رأسه مبهم بالإيجاب : متوفي في السجن قبل سنتين وهو وحيد أمه وأبوه وأثنينهم متوفيين أساساً قبله
سكت نمر يستوعب ونطق : مالك ؟
التفتوا وهاج و مبهم لـ نمر بصدمه ونطق مبهم : كيف عرفت أسمه ؟
نطق نمر يحاول يستوعب : هو مالك صح؟
هز رأسه مبهم في الإيجاب ونطق : أيه هو
سكتت كيان تفكر لـ ثواني والتفتت تناظر مها : الحين عرفنا سبب كرهك لا أشواق وش سبب كره أشواق لكِ ؟
مها : لاني صدتها في شيء غلط هي تسويه
كيان : إيش هو ؟
مها : يوم كأن أبوي يتعالج في مره رحنا أنا وزوجته المستشفى حتى نتطمن عليه و كأنت أشواق هناك شفتها وهي ترشي الدكتوره حتى تسقط لها الجنين " وسعت كيان عيونها بصدمه وكملت مها كلامها : وهي شافتني وكأن معها حبيبها أو زوجها هي متزوجته بالسر من ورا أهلها إلى قدرت أعرفه أنه صاحب أخوها وأسمه حارث
رفع نمر حاجبه بذهول : حارث ؟
هزت رأسها مها بالإيجاب : بعدها صارت تهددني أنها تقلب الموضوع ضدي وتعلم زوجه أبوي أديم وتتبلى علي وأديم ما كأنت بتصدق خبر ، وأبوي كان مريض وكنت خايفه عليه ، وبعدها صارت تجي عندي دائم فالبيت ولا كنت أقدر أسوي لها شيء وصارت تتفق مع زوجه أبوي أديم علي ويوم توفى أبوي الله يرحمه ، أقترحت على أديم خليل وأجبرتني أديم أتزوجه وبعد ما تزوجته سافرنا أنا وخليل برا السعودية ودريت من خليل بـ أن أشواق ضبطت أديم لا عمها عبدالكريم وتزوجته وأذكر أن عبدالكريم ذا مريض نفسياً وأديم صارت تمشيه على كيفها
نمر : عبدالكريم ؟ معقول يكون عبدالكريم نفسه أبو يقين ؟
مها : ما أعرف وش أسم بنته ولكني أعرف بـ أنه متزوج وعنده بنت بنفس عمرنا تقريباً ، وأعرف أن زوجته الأولى عندها ولد من زوجها المتوفي إلى قبل عبدالكريم
كيان : معقوله تطلع أشواق بنت عم يقين ؟
نمر : إلى أعرفه من عُدى الله يرحمه أن زوجه عبدالكريم أسمها أديم
وهاج : وش الأشياء المرتبطه ببعضها الغريبه هاذي
مبهم : نمر أنت من وين تعرف مالك ؟
نمر : سالفه قديمه بيني وبين خليل ومالك وشلتهم إلى هم ناصر وحارث ونياف
مها : نياف أخو أشواق ؟
التفت نمر يناظر مها بصدمه : ذولا كلهم وش عرفهم في بعض
مبهم : ماهي معقوله كل ذي الصدف
كيان : منجد إيش كل هاذي الصدف والأمور الغريبة المتشابكة في بعضها مو معقوله والله
مبهم : عذوب ! نسينا عذوب " فزوا كلهم يرجّعون للغرفة ولكن كأنت عذوب نايمه من الأساس ، تنهدوا براحة ينطق مبهم : أنا ووهاج نستأذن بنشوف ذا الموضوع معكم بوقت ثاني الآن لازم تنتبهون لـ عذوب من أشواق عدل
نمر : لا تشيل هم
أبتسم مبهم يودع كيان ونطق وهاج : وش كل ذي توصيات ترا والله مابنهج كوكب ثاني كله البيت أمش خلصني نجي لهم بعدين
مبهم : ورع أحترم أني اخوك الكبير ؟
وهاج : أسف
ضحك مبهم يودع نمر وكيان وطلعوا وهاج و مبهم من المستشفى ،
نطق وهاج وهو يركب السيارة : تتوقع الحادث صدفه ؟
مبهم : أكيد ، وش بيدري أشواق وغيرها أن في ذا الوقت تحديداً عذوب ونمر مع بعضهم ؟ وعلى كلام كيان أن عذوب و أشواق ما يشوفون بعض غير في المطار طول ذي الفتره
وهاج : تتوقع عذوب يوم كأنت تروح المطار جربت تتكلم مع أشواق أو تسألها عن أسبابها في أذيتها ؟
مبهم : لا ، أعرف عذوب عدل ما بتواجهه الشخص إلا بعد فتره من تهدي نفسها شوي وبحالتها إلى شرحتها كيان مستحيل تكون تكلمت معها ولو شوي ،
وهاج : طيب وإلى صدم فيهم وش صار عليه ؟
مبهم : تطمن مجرد صدفه قبل أجي معك لهنا رحت قسم الشرطه وخذيت المعلومات ذا الله يسلمك وأحد عنده فقر دم حاد وتقاريره تثبت وعلى الفحوصات أنه ما كان مأكل وطلع من البيت بسرعه متأخر على دوامه وأغمى عليه وهو يسوق وصار إلى صار ،
وهاج : اها أجل الله يشفيه وشصار عليه ؟
مبهم : أصابات خفيفه بس