ياعذوب عيونك وياعذاب النمر

Part : 2

-
شربت موية من مطارتها ، ومسحت عرقها بالفوطة اللي حوالين رقبتها ،
ناظرت جوالها من دق بأسم أشواق : الو عذوب ؟
عذوب : : هلا شوشو ،
أشواق : وينك بالنادي ؟
عذوب : ايوه  ، توي مخلصه تمرين وراجعة البيت
أشواق : نطلع كوفي نتقهوة ونسولف ؟
عذوب : اوكية ، بس أول بتروش وبعدين بجيكِ تمام؟
أشواق : تمام " قفلت عذوب الخط وودعت دانة خويتها بالنادي ورجعت البيت "
تروشت وبدلت ملابسها وبعدها ركبت سيارتها وحركت لموقع الكوفي،
شلحت نظارتها وأبتسمت وهي تتقدم من أشواق اللي كانت جالسة وتشاور لها من بعيد : تأخرت عليكِ شوشو ؟
أشواق : لا يروحي ، توي ما طلبت
عذوب : أوكيه نطلب ؟
هزت رأسها أشواق وشاورت للنادل يجي : عفواً أخوي ، أثنين ڤي سكستي وامممم ، عذوب أي سويت بخاطرك ؟
عذوب : اممم معرف ، عفوًا ممكن القائمة حتى أختار ؟
الموظف : أبشري " راح الموظف يجيب الأيباد اللي فيه قائمة المشروبات والسويتات ويمده لعذوب اللي أشرت على نوع حلا : أبغى ذا شوشو تبغين زي ؟
أشواق : ايوه ،
عذوب : طيب لو سمحت إثنين ڤي سكستي وإثنين من ذا الحلا
الموظف : تمام ، دقايق ويكون الطلب عندكم " مشى الموظف وناظرت أشواق عذوب : ايوه قولي لي وش حصل أمس وكيف رجعتي وحدك تدرين أن مره مره قلقنا عليكِ ؟
عذوب : تكفيين شوشو ما تصدقين وش حصل لي فجأة ضعت بالبر وساعدني واحد ورجعني البيت
أشواق : يووه ياحياتي أكيد كنتي مره مرعوبه
عذوب : مررررهه " التفتت عذوب من جا النادل ومعه القهوة والحلا ، حطهم على الطاولة ومشى ، وجلسو عذوب وأشواق يكملون سواليفهم ،
ناظرت عذوب ساعتها ونطقت : لازم أرجع البيت بتغداء مع أهلي وودي أخذ غفوة شوية ، مره تعبانة وفيني نوم
أشواق : تمام حبيبتي اجل لحظه أطلب الحساب ،
عذوب : أنا بدفع " لفت أشواق ترجع تنادي نادل وعقدت حاجبيها بصدمه من شافت إللي ساعدها بالأمس جالس على طاولة ومعه أثنين ، والنادل جالس يسولف معهم ، لفت وجهها بسرعه لـ إشواق اللي أستغربت من رده فعل عذوب وقررت هي تنادي النادل : عفواً لو سمحت الحساب " هز رأسه الموظف بالإيجاب وراح يجيب الفاتورة وحطها على الطاولة ، دفعت عذوب السعر وقبل يروحون هي و أشواق سالت النادل : عفواً بس من ذاك ؟ تعرفه !
هز رأسه الموظف وهو يناظر للمكان اللي تشاور عليه عذوب : نمر ولد خالي " توسعت عيونها بذهول ونطقت : اها الله يحفظكم لبعض
الموظف : عفواً أختي ليه تسألين ؟
عذوب : مشبهة بس " طلعو عذوب و أشواق من الكوفي وراح الموظف عند نمر واللي معه : أحس تعبت وأنا مالي نص ساعه بادي دوام
ضحك نمر ، وهز عنان رأسه بأسف : سهم أنت مو نايم نص اليوم ؟
سهم : إلا بس مدري ليه جاني النوم ، إلا تخيل نمر في زبونه سالت عنك ،
نمر بستغراب : عني ! ليه ؟
سهم : تقول مشبهة ، المهم ميت تعب مدري ليه مناع شرايك تشتغل عني شوية؟
مناع بتنهيده : المفروض انك معطيني أجازة ؟
سهم : معليش ما أقدر أشتغل بدونك عارفني ،
مناع : ايوه ما شاءالله يا الكذب ، وش هالمدير اللي للبيع من عيّنك مدير أنت " ضحك سهم وجلس عالكرسي قرب عنان ونمر : يلا رح أشتغل شغلك لا أخصم لك من راتبك
مناع : من زين هالراتب اللي ما أستلمة
ضحك عنان وناظر سهم : ما تعطيه راتبة ؟
سهم : لا لي ثلاث شهور ماغير أخصم له ،
نمر : كلب والله " ضحكو العيال وجلسو يسولفون بين ما مناع كان يتحلطم مع نفسه ومع الموظفين "