ياعذوب عيونك وياعذاب النمر

Part : 7

ناظر سهم بـ عنان ورجع يناظرهم : عنان طلبهم وحسابكم مدفوع ، شويات ويجيكم السينابون تبغينه بالتوت صح  ؟
كيان : لا أبغيه في مربى الفراولة
سهم : أبشري " راح سهم ونطقت ليليان بضحكة : حركااات رومنسية
عضت شفتها كيان بخجل بدون تنطق بحرف وهي تناظر في عنان بين كل فتره وفتره ،

-
وقف عنان قدام البيت بعد ما تمت الملكه بخير وسلامة والتفت لـ سلمان يناظره : تتوقع راكان مستأنس الحين ولا؟
سلمان : مستأنس مره بعد مو شوي
ضحك عنان ونطق سهم : نمر ليه ما بدلت ملابسك قبل تجي ؟
نطق نمر وهو يعدل ياقه بدلته : أسكت سهم بالله وين أبدل ؟ أنا جيتكم على وجهي من المطار على طول لهنا حتى الحق الملكه
ضحك سهم وناظر ريان : حتى ريان ما بدل لبسه
ريان : الشكوى لـ الله رحت أدور لي ثوب مكوي البسة ، رهف وتالين ما خلوا حاجه  في ملابسي سليم مدري طالعين لمين
ضحك مناع وناظر سهم وعنان : كأننا مقصودين من كلامه  ؟
هز رأسه ريان وهو يضحك ونطق نمر : طبعاً مقصودين طالعين لـ خوالهم الاثنتين
عنان :  لا ياشيخ متى عقلت أنت وحنا ما ندري ؟
ضحك نمر وهز كتوفه : من فتره طويله
سهم : كذاب خلوه يتخطى موت عُدى ويرجع زينا وأكثر مننا بعد
نطق نمر بضيق : الله يرحمه ، نرجع بيوتنا ؟ ولا نروح الكوفي
عنان : لا أمشوا معي الشالية ، برسل لـ راكان اللوكيشن من نوصل ومن يخلص شوفته الشرعيّة يلحقنا
سلمان : حلو أجل يلا حرك وحنا نحرك وراك
ركب عنان سيارته وركبوا الباقي سياراتهم حرك عنان وحركوا وراه الباقي متوجهين للشالية ،

-
شالت شنطتها وهي تناظر الساعة ، زفرت بتعب ، ونطقت أشواق بستغراب : تعبتي ؟
عذوب : مره تعبانه أحس بس برجع البيت بترمي على سرير على طول وأنام من تعب
ضحكت أشواق وناظرت سيارة نياف إللي جت تأخذها : طيب عذوبي لمى أخوي جاء أشوفكم بعدين باي
أبتسمت عذوب ونطقت : باي " راحت أشواق مع إخوها وناظرت عذوب ساعتها بتعب : لمى تبغين أوصلك ؟
هزت رأسها لمى بالنفي : لا حبيبتي شويات ويجي سواق
عذوب : أمشى خليني أوصلكِ هالمره حتى لا تجلسين تنتظرين
تنهدت لمى ونطقت : طيب يلا
توجهوا عذوب ولمى لـ مواقف السيارات ركبت عذوب سيارتها وتحركت توصل لمى لبيتها وثم ترجع البيت ،

-
طلعت من الحمام ( أكرمكم الله) بعد ما تروشت وخذت لها شاور دافيء
ناظرت الرسمة إللي على الطاوله وناظرتها بتمعن ،
أبتسمت برضى من شكلها النهائي وسمعت صوت الباب يدق : مين؟
لوتي : أنا لوتي مدام
نطقت كيان وهي تجفف شعرها : أدخلي لوتي
دخلت لوتي الغرفة وناظرتها كيان تنتظرها تنطق : مدام بابا بدر يقول تعال تحت تعشى أكل في جاهز
كيان : طيب قولي لبابا كيان الحين جايه
لوتي : حاضر مدام " راحت لوتي وقامت كيان من مكانها ونزلت لتحت تتعشى ، كانوا أبوها وأمها جالسين وجلست معهم بالطاوله راحت لوتي تفتح الباب ونطقت أبرار : مين لوتي ؟
لوتي : مدام عدوب
تنهدت عذوب وهي تنطق : لوتي أسمي عذوب ماله عدوب، خذي الشنطة وحطيها بغرفتي
هزت رأسها لوتي وخذت الشنطه تطلعها غرفة عذوب ، تقدمت عذوب تجلس ونطقت أبرار : عسى ما تعبتي يا ماما؟
عذوب : شويه ماما بس عادي
نطق بدر بيتسامة وهو يناظر عذوب : بس التعب يابابا يوم يكون بشغل الإنسان هو مختاره ويحبّه يهون عليه مهماً كأن متعب
أبتسمت عذوب وهزت رأسها بالإيجاب ،
أبرار : سموا بالله ياماما وكلوا
سموا بالله وأبتدوا يتعشون ، نطق بدر وهو يأكل : في مأدبة أحتفال بعد يومين تقريباً وأبيكم أثنينكم تحضرون معي
كيان : ذا مو الاحتفال اللي تسوُنه كل سنه بمناسبة تطور الشركه ؟
هز رأسه بدر بالإيجاب : لا ذاك أحتفال سنويّ بمناسبة الذكرى السنوية لـ شركتنا ذا مجرد أحتفال بسيط يصير كل ثلاث شهور لترويج المشاريع القادمة ويتجمع فيها أغلب أصحاب الأعمال الناجحين وللأثرياء ورائدين الأعمال وغيرهم من المعروفين والمشهورين بالسوشل ميديا وعارضات الأزياء والمصممين ، في مصممة مشهوره بتكون متواجده بالحفل أظنها فكره حلوه تعرضين عليها تصاميمك
كيان بصدمة  : أنا !
هز رأسه بدر وهو يبتسم : كلمتها عنك وعن أبداعك وعندها فضول كبير بمقابلتكِ شخصياً حتى تشوف تصاميمك وتتعرف عليكِ
أبتسمت كيان يفرحه وناظرت عذوب إللي أبتسمت لها ورجعت تناظر أبوها : طيب بابا تقدر تستغني عني أنا من المأدبة ذي ؟ ما أحب الإحتفالات ذي أبداً تزعجني
هز رأسه بدر بمعنى لا ونطقت أبرار : طبعاً ياماما لأزم تحضرين مع أبوكِ وأختك
عذوب : طيب بس ماما أنا ما حضرت شي ألبسه حتى !
نطقت كيان وهي تأكل : نطلع السوق اليوم ونشوف لنا فستانين تنأسب المأدبة ذي
هزت رأسها عذوب وهي تأكل بصمت ،