🗡ငါ့မိန်းမထိ ဓားကြည့်🗡

20

ထူးခြားထောင်ကျတယ်ဆိုတာနဲ့ ခင်ဝတ်ရည်မေ ချမ်းသာတဲ့မြို့က သူဌေးသား ဌေးဝင်းဆိုတဲ့သူနဲ့လက်ထပ်ခဲ့သည်။ ထူးခြားနဲ့အိမ်ထောင်ကျရင် ခင်ဝတ်ရည်မေကိုလူအများက အထင်သေးကြမယ့်အပြင် အရက်သမားမိန်းမ ၊ ထောင်ထွက်မယားလို့ပါစော်ကာခံရနိုင်သည်။ပြီးတော့ အရင်ကထူးခြားမိဘတွေကအရင်ကချမ်းသာသလောက်အခုတော့ ထူးခြားအဒေါ်လင်မယားက လောင်ကစားကြွေးကြောင့် ရှိသမျှဥစ္စာပစ္စည်းတွေအကုန် မရှိတော့ပေ။ ထူးခြားကလည်း ညီမဖြစ်သူ ပိုးဥ သေသွားပြီးနောက်ပိုင်းလုံးဝကို အရက်သမားလုံးလုံးဖြစ်သွားပြီးတစ်ခါတစ်ရံ ပြသနာတွေဖြစ်တာမို့ ခင်ဝတ်ရည်မေ ထူးခြားကိုစိတ်ကုန်လာသည်။ ရုပ်ရည်ရှိပေမယ့် ပစ္စည်ဥစ္စာမရှိတဲ့အရက်သမား ထူးခြားကိုယူပြီး ဒုက္ခခံမယ့်အစား ကိုဌေးဝင်းလို သူဌေးသားကိုယူပြီး ကျော့ကျော့နေပြစ်လိုက်တော့သည်။

ဒါပေမယ့် သူမ ထင်ထားတာလုံးဝမှားယွင်းနေခဲ့တယ်ဆိုတာ ကိုဌေးဝင်းနဲ့ အိမ်ထောင်ကျပြီးနောက်ပိုင်းမှ သူမ သိခဲ့ရသည်။ သူအထင်က ကိုဌေးဝင်းက သူမနဲ့အိမ်ထောင်ကျပြီးရင် သူမအပေါ် ကြင်ကြင်နာနာယုယုယယချစ်ချစ်ခင်ခင်နဲ့နေမယ်လို့ထင်ထားခဲ့တာ ဒါပေမယ့် သူမ ထင်ထားတာနဲ့လုံးဝအထင်နဲ့အမြင်လွဲနေတော့သည်။ သူဌေးသားဆိုတဲ့အတိုင်း အပေါင်းအသင်းများတော့ နေ့တိုင်းသောက်စားမူးရစ်ကာ ဘာအလုပ်အကိုင်မှမရှိ ၊ တစ်ခါတစ်လေ မိန်းမတွေနဲ့ပျော်ပါတက်သည်။ ဒါတင်မကသေးပေ သူရှာသမျှပြသနာတွေကိုပါ ခင်ဝတ်ရည်မေတစ်ယောက်မှာခေါင်းခံဖြေရှင်းပေးရသေးသည်။ သူဌေးကတော်ဆိုတဲ့ ဂုဏ်ပုတ်နဲ့ သုံးနိုင်ဆွဲနိုင်ပေမယ့် သူမ ကိုဌေးဝင်းနဲ့လက်ထပ်ပြီးကတည်းက တစ်ရက်မှစိတ်ချမ်းသာရတယ်လို့မရှိပေ။

နောက်ပိုင်းကိုဌေးဝင်းဒဏ်ကိုမခံနိုင်တော့တာကြောင့် ခင်ဝတ်ရည်မေတစ်ယောက် ကိုဌေးဝင်းနဲ့ကွာရှင်းလိုက်တော့သည်။ ကွာရှင်းလို့ နစ်နာသူအနေနဲ့ခင်ဝတ်ရည်မေကို ကိုဌေးဝင်းက ပိုက်ဆံအမြောက်အများပေးလိုက်သေးသည်။ ကွားရှင်းပြီးလို့ ခင်ဝတ်ရည်မေအိမ်ပြန်ရောက်လို့အဝတ်တွေသိမ်းရုံပဲရှိသေးသည်။ ကိုဌေးဝင်းက နောက်ထပ်မိန်းမတစ်ယောက်ကိုအိမ်ပေါ်ခေါ်တင်လာလေသည်။