صلي على النبي محمد صلاة الله عليه 🌹
Zoza mohamed 💗
Vote & comment 😻
♡♡♡♡♡♡♡♡♡♡♡♡♡♡♡
فتحت عينيها ببطئ و هي تشعر بالدوار فوضعت يدها على رأسها بألم و هي تتطلع للغرفه بدهشه ... هذه ليست غرفتها و لا اي غرفه من غرف منزلهم فملك من هذه ...
هذه الغرفه يتغلب عليها الطابع الانوثي و الالوان الورديه و الزاهيه ..... شعرت انها ليست بالغرفه وحدها فالتفتت برأسها لليمين و اليسار فذُهلت عندما وجدته جالس على المقعد المجاور للفراش يعقد زراعيه امام صدره و يتأملها بكل هدوء و نظراته خاليه من اي تعبير يُذكر فأعتدلت جالسه بأستقامه تتطلع حولها بستغراب قائله
« انا فين »
مازال على هدوئه و لم يتحرك من مكانه حتي لاحظ تغير تعابير وجهها فعلم انها تذكرت و تأكد أكثر حينما قالت
بذهول و هي تنتفض من مكانها بخوف
«هو انت خطفتني يا فارس معقول !! طيب ليه»
اردف بهدوء و هو على نفس حالته
« ليه قولتي كدا »
قالت بدهشه و عدم فهم
« قولت ايه »
اعاد عليها سؤاله مره اخرى بملامح متجمده
« ليه قولتي كدا يا ماسه »
فهمت ما يقصده فتهربت بعينيها منه قائله بتوتر
«انت جايبني هنا علشان تسالني السؤال ده انا عايزه اروح و قولتك انساني احسن علشان منتجرحش احنا الاتنين و لو سمحت بقى روحني يا اما و الله هصوت و الم عليك كل الناس »
ابتسم ببرود ثم قال
«خلصتي؟؟؟ ليه قولتي كدا »
جلست على الفراش مره اخرى ثم وضعت رأسها بين يديها بقلة حيله مردده بألم
« علشان تعبت ...تعبت يا فارس من كل حاجه و خايفه تبقى زيهم ....خايفه اوي لأني عارفه اني هتجرح بس المرادي مش زي كل مره المرادي هتوجع اكتر من الاول بكتيييير .....انا مبقتش عارفه انا عايزه ايه و لا ماشيه ازاي ... بقيت زي الدميه و الكل بيحركني يمين و شمال زي ما هو عايز ....بجد مش عارفه »
رد فارس بحزن عليها اخفاه ببراعه
« بس انا عارف انتي عايزه ايه »
التفتت له ببطئ تحسه على اني يكمل ما بدأ و بالفعل استأنف حديثه قائلاً
«انتي عايزه تحكي ....احكي يا ماسه و بلاش تخبي اللى جواكي علشان لو تعبتي انا تعبي هيبقى الضعف احكي و بلاش تشيلي كل حاجة لوحدك »
اردفت بنبره ذات مغزى
« و مين اللي هيشيل شيله مش شيلته »
« اكتر شخص واثقه فيه و واثق فيكي هو اللي هيشاركك تعبك و حزنك من غير ما تطلبي ... و انا يا ماسه واثق فيكي و لو انتي واثقه فيا فأعرفي اني هكون الايد الممدوده ليكي علشان تساعدك فأي وقت ... احكيلي لو واثقه فيا »
أنت تقرأ
عشق حطم حدود قلبي
Mystery / Thrillerاحضر جاكيت البدله الخاص به و جعلها ترتديه و احضرت عبير كوب ساخن من القهوه له و كوب من عصير الليمون ل ماسه....... و بعد انتهائها من شرب كوبها تحت اصرار فارس شعرت بالراحه و السكينه و الامان لوجوده بجانبها فرمقته بهدوء لوقت طويل ثم انفجرت في الضحك بطر...
