نـجـم شـمـال(رويات ليبية)

حلقة3🔥

رواية نجم الشمال

البارت الثالث

#نجم_الشمال

#جميلة_جاسم

جهاد ... دفعت باقي فلوسي رشوة لدكتور يقعد.معاه ايغيرلا ويهتم بييه اخر وقت واخر حياة..وارذل عيشة ...دوله حقيرة لا مستشفي ولا طب....

طلعت مع الساعه 12 ... روحت للحوش .. سمعت صوت دوشة وهدرزة استغربت الساعه متأخرة وامي قعدة ناايضة ..

طقيت مرة واتنين علي الباب... وقعدت نستني ...

طلعت ثريا .تشبحلي قتلي خييرك جهاد خش زهراء معانا وخواتها الصغار...

والله راسي مصدع مش وقت زهراء ولا غيرها..

خشيت سلمت اعلييهم من بعيد وقعدت وااقف انهدرز ونخنب في الشبحات خنبة نبي نتمعن في شكلها نبي نعرف حق معجبة بيا وتتحمليني ولا لا..

سلمي تشبحلي ..وتغمزلي بعيوونها...بمعني اشببح ...كويس...

طلعت للكوجينه ..خديت طاسة امية .فتحت التلاجه عقاب سفناري ..طلعتها وقدت انقشر فيها بالموس بكاشيك مش فااهم شن انديير...

حسيت بحركه ورايا.. التفتت لقيت زهراء..جايبة خوها بتغسله ايده ..اصلا مافيه شي..عطيتها بالقفي وطلعت...

قعمزت علي المندار جنب امي ....

جت هيا قعمزت..والربكه واضحه اعليها
هي عادية جدا ابسط من الجمال البسيط...قمحية مش بيضاء لافة حجابها كاامل في حجرها خوها الصغيير قعمزت بييه ..
والبنيات التانيات...يلعبو....في الصاله بنتين ولد ..وبوهم مخداش علي خالتي الله يرحمها..

قعدت مركز فيها حسيت بربكتها من حركة ايدها اتشد طرف وشاحها وتطلقه...ومرات اطق اصابعها... واحد وااحد ... تفتح قبضة يدها وترد اتسكرها ....وخوها ايتبع في حركتها ..
استأذن بعد هدرزة اقصر من ربع التاانية خديت فيها نضرة سريعه ورقيت فوق ... ودماغي يجمع في شكلها في تصرفاتها بينت مخيلة واسعه عليها ..

وصلت لداار...كلمني رقم. ..غريب...فتحت الخط...طلع رماح

جهاد...اااه رماح ...بااهي تمام الحمد الله

رماح...اسمع جهاد...ياريت غدوة السبعه ونص اتجيني في القهوة ضروري ...

جهاد...ان شالله خيير صايرة حاجه ولا كيف

رماح ..لاله والله الا كل خييير ان شالله

جهاد...تبي حاجه رماح نعسان بنرقد

رماح.... سلامتك يااغالي نووم العوافي...

جهاد... سكرت منه وقلبي مش مستريحلا بكل مش عارف شن وراه وشن ناوي...

رقدت الصبح فقت علي صوت امي اضبح مع الدروج...جهاد جهاد..

وقضت شبحت الساعه لقيتها العشرة ..
راحت عليا نومه...