نـجـم شـمـال(رويات ليبية)

حلقة29🔥

رواية نجم الشمال

البارت 29

#نجم_الشمال

#جميلة_جاسم

بارت طويل لعيونكم

فرحه...
ايدي ترعش وعيوني يصبووو دمووع ..اني مش اني والله ما اني ونحلف برووحي...الحوش فاضي..سمعت تسكيرة الباب ..طلع
جهاد طلع...
نضت نجري...عترت في الفرشة طحت ونضت من جديد
وصلت الباب فتحته ..مهناش طلع برى الشقه

جهاااد  جهاااد يااربي ...قلبي....بنموت..انحس في غرسة موس في قلبي..

ونعاود.حسبي الله ونعم الوكيل حسبي الله ونعم الوكيييل...
مش اني..يااربي...
قعدت نمشي ونجي.... في الصااله....سمعت رنة تليفونه..
خشيت نجري لقيته علي السرير...

حكيم يتصل...
لبست ملايتي...وخديت التليفوون ..وبنمشي...نشبحه ياناس هذا جهاد.كيف انخوونه كيف اني دير هكي ..
حتي لما كنت بنت محافظه علي روحي...ولا في عمري مرة كلمت...
امي تقول هذا حرااام ..والحراام لما يقرب من بنادم ...يعيش معاه طول العمر .. والحرام لما يقربك يستبااح
العلاقات ممنوعه...نشبح لربي قبل الناس ..نشبح للغلط قبل الصح..

نلبس ومستعجله..نمسح...في دمووعي ...وجهي ونتنفس ..
خشمي زي كل مرة تسكر...خشيت للكوجينه طفيت الغاز وفتحت الباب بننزل نسمع في ثريا...
تعيط بصووت..
ومعاها ولد منعرفاش ممكن هذا حكيم
رجعت خطوتين ...من الدروج... انفتح الباب...الشقة لمقاابل ..
طلع ولد صغيير...في العمر
شبحلي..
قالي...
شن احوال رااجلك...ان شالله مش جلطه بس...

رهبة علي خوف... خشيت بسرعه وسكرت الشقة...

بالمفتااح... وشبحت مع الروشن..امين وحكيم....قايميينه...
وثريا معااهم
مااااات ياربي ماات وخلاني..

يااريته ضربني...ياريته برد اعصاابه فيااا . يااريته ..تكلم عييط خببط...
كبت في دااخله وطااح.. اني مني ...ياربي لو مات نموت معاه وريحني

قعمزت نبكي...نبكي مش قادرة نسيطر علي دموعي...ثريا ومشت...لو نمشي للبنات بيلوموني بيسألوني..شن بنقول
اني قتلت خووكم..

نبكي برووحي وصوتي ايجاوب في الشقة...
رقبتي ادبحت...خشمي...

مشيت لتليفون...شفت الرقم ..خديته حفضته في ورقة...نبي نعرفه منو ...
بعتت رساله لرونق...
لو عندك برنامج كشف الارقام ابحتيلي علي الرقم ..

قعدت نستني ...وصلتني رساله...غير مستعمل ..
جديد...اكيدة شفرة جديدة....مش متسجله عند اي رقم..

لوحته...ومشيت لتليفوني كلمت ثريا ..مكالمتين  رد علي امين...

امين..الووو فرحه ...كيف الحال

فرحه..اهلين اميين شن صار جهاد خييره جهااد شن فيه وين ثريا.

امين.. ثريا جنبي مقدرتش تتكلم معاك...وجهاد رافعينه صورة مقطعية علي الدمااغ....