نـجـم شـمـال(رويات ليبية)

حلقة30🔥

رواية نجم الشمال

البارت 30

#نجم_الشمال

#جميلة_جاسم

عندما يصل الانسان الي مرحله التبلد التي تغتال جميع حواسه بالصمت المرعب..
هذا الهدوء الذي يباغت شعوره كأنسان حي ويجعل منه ميت علي قيد الحياة...
لابد ان ينهاااار وينهااااار
ويفقد سيطرته علي مشاعره
حتي يستعيد ذاته بقوة مفرطه

جهاد __

اول ما طلعت من المستشفي مش قاادر نوصف احساسي
تمنيت منلقاش فرحه تمنيت نغلط نضرب اندير ردة فعل ..
نسيت وجع راسي نسيت حتي تشخيص الدكتور...
حكيم معاي خو دنيا ..
عقلي وعيوني معلقات علي شي واحد بس ...كيف فرحه ادير هكي..
كيف فرحه تخوون حبي ليها مستحييل اني عارف انه في حد وراها القصة...
في شخص مستخسر فيا فرحه ضحكة.. حياة منضمه

اسبوعين علي رجل نبحت ...نطلع الصبح نروح ليل ..متمني نمشي نضمها ...متمني نحضنها ..متمني نبوسها ..نقلها اني مصدقك...

خفت من ضعفي قدامها...جهاد نجم الشمال ..مقدرتش نضربها...مقدرتش ندبحها.... ونفس الوقت شعور الحسرة والخذلان مسيطر عليا

اكثر من غلط واكثر من تجاوز قدامي ونسكت ونفوت ...ولاهامها ...سبوعين علي اعصاابي كل يوم نقول اهي تعتدر تبرر موقفها..تحلف تبكي..
الي زاد شكي بعدها....وكانها بالفعل ارتاحت مني..واني زي الاهبل خايف ترييح خاايف تمشي...حتي في حبي ولهفتي زي الفاقد

حكيم خدمني خدمه مننساهاش... جابلي من عمه شريط تسجيل الكاميرا...تخزين دائم لمدة اربع شهور منضومه كامله....في يوم نتفكر مشيت لحوشهم

وخشلي علي منضومه اني مش هديك الخبرة في التكنولوجا معنديش عليها نشبح فيه يقدم ويحدد لين وصل لمقططع اني خاش بالاكياس

اييوه هذي حكيم  وققف اعليها ولا قدم...

نفس التاريخ جهاد

اي اي نفسه نص  شهر عشرة  قدم شوي....

اييي هذااا لقيته وجها بااين..

خديت صورة بالتليفون وهو سحب زوز علي ورق منعرفش كيف دارهم ولا كيف حطهم..
مشكله العمارة في الداخل مافيش كميرات..
وحمدت ربي
متخيل نشبحه مع فرحه..
انغمض في عيوني ونفتح..نمسح في وجهي ...وممكن تفكييري طلع ردة فعل ضربت الطااولة ..بايدي
شبحلي حكيم
حكييم ...خييرك جهاد عرفته الولد ولا كييف ...

جهاد..لاله معرفتاش تو انكلم الجيران ونشبح القصة وين

حكيم...انته قولي شن تبي فيه الولد ..خانبك ولا من جماعة الصيد ورماح

جهاد ..تو ايبان من جماعه مني...عندي معاه قصة ...
نبي كان تخدمني بس ..عندي رقم ...لو قدرت تحددلي مكاانه بالزبط ...من وين ايراسل ...