نـجـم شـمـال(رويات ليبية)

حلقة13🔥

رواية نجم الشمال

بقلم جميله جااسم

البارت 13

كَد وكاحة عينك بعيني حزن ...
بس ما بجيت .
أعرف تشوّر دمعتي ...
وخفت من عدها عليك ...
وما بجيت .

#نجم_الشمال

#جميلة_جاسم

فرحة...قعدت وااقفه وجهاد مع امه هيا تتكلم بكلاام متوقعتش يطلع هكي مع انه لما كنت في بلادي كان ايقوولي لحنينه والغالية...ومتشوقه نشبحهم..

ردة فعله ابرد من الشتاء..ولا عبر تخايلت شخص تااني  في مكاانه كان عييط وخبط وتكلم بصوت هو يتكلم بحرقة يتكلم ونبرة صوته عاادية..وااقفه وعيوني يفسروو الف تفسيير

نسمع في صدى صووت زهراء..خطبتها وسيبت منها...واعلاش هكي ترضااها لخواتك عشمتها وسيبتها

نشبحلهم واقفين... ويتكلمو في الفم  حسيت ايد جهاد تخللت بين اصابعي ..قمت وجهي اشرلي ...هيا ..

طلعت معاه وماشية للمجهوول  طلعنا طريق مشي علي الرجلين  ..وصلنا راس الشارع زحمة وناس واني مستغربة المنضر  ناس مش مركزة علي منضرنا ...

اول مرة نمشي في مدينه هكي ..خايفه من كل شي...قلبي واجعني...مع من بنمشي جهاد والواضح انه خااطب .واني..من هذا كله.  .ويين وضعي كيف بنديير مع الحياة اهنا

قعدت وااقفه معاه...وقف تاكسي وركبنا فيها ...وركبت الشنطه قعمز معاي للخلف واني خوف العالم كله انصب عليا

نسمع فيه ايقووله حطني في الحاارة ..

ياربي وين هذي الحارة ..مشينا مساافه وصلنا زناقي ضيقة نزلنا مشيينا علي رجلينا الدنيا لييل ...واني نمشي ورااه ...

وصلنا محل شيباني كبير وااقف قعد ايسلم عبي جهاد ويسأل فييه...واني وااقفه ...اشرلي برااسه امشي تو انجي.. وقعد هو والله كنت مفقود وكنت وكنت والراجل مستمر معااه ايهدرز

وين بنمشي يااربي ويين قدمت بسررعه خطوتي شبحت قداامي زوز حياش واحد في باب والثااني من غيير باب...

وقفت علي جيها...وقعدت نستنى...الدنيا مضلمه والمكان اشبه بإنه مكان مشبووه ...

شوية وجي ..قالي فوتي فرحه للباب المفتووح...مشيت قدمت لقيت ...درجة ركبت فيها وخشيت ...حوش قديييم هلبااا ...معقووله هذي عيشة جهاد...معقووله منضرة يوحي انه غني وعنده المادة...

الدنيا مضلما ...فتحت الضي ...وقعدت نشبح للمكان في جيها محرووقه منه  شكله كاابل ضي وله التماس كهربائي...

التفتت لقييت جهاد جاايب لووحه كبيييرة... اني واقفه في نص الصاله ...حطها ورفدلها ...كرسي.. التفتلي قاالي ..

جهاد....خودي رااحتك ...نحي حوايجك مافي حد

مشيت ..فتحت ضي الكوجينه ...نسمع في حركه فييها... حاجه تخربش خفت .. انوخر نبي نطللع ...نطت في وجهيي  قطوسة عيطت وخرت بسررعه..