نـجـم شـمـال(رويات ليبية)

حلقة19🔥

رواية نجم الشمال

البارت 19

#نجم_الشمال

#جميلة_جاسم

فرحه ..

وقفت فم الحمام وشبحتلهم وجوهم تغيرت...سرى خوف في جسمي مش طبيعي واني نشبح لأيد زهرااء في ايدها كيس ..اسود شن بدير وشن تبي

قويت روحي وتكلمت مع اني مش من النوع الهجومي ولا من النووع الي انخاف لاكن حسيت حياتي بين ايديهم..
تنحنحت...وقتلها
عمتي ام جهاد .اني بنت اصل ومفصل من بو وام...زيي زييكم .وزي بناويت....خلاااص يزييي يززي اتعاودو وتكررو من وين اصلها ومن وين فصلها ...اني بنت عيلة ونااس ولدك حبني وحبيته ...والي تبي تجي في ربعي  مستحيل توصل ولا تحلم ...

اني كملت وهيا نزلت فيا

ام جهاد ...حييي حييي نهاار حرش نهااري هوا غباارة سودة علي راسي اني عزوزتك ياااقلية الحياة اني عزوزتك ..اتقولي عليا هكيي تكلمنني وتردي الكلمه بعشرة

فجأة بدت تبكي ..وزهراء اتكب علي رااسها ..وانحس فيها مسلسل...شن الدراما اني شن قلت ...

علي صوتها جو البناويت ومعاهم... سلمى..

سلمى...ياام شن صاير شن فيي

زهراء....مرت جهاد هزبتها ..قتلها اني بنت عيله وناس وبناويتكم هما الي مش متربيات

فرحه.... حراام عليك والله العظيم وغلاوة امي وغلاوة جهاد عندي ماقلت هكي سلمى...

ثريا....زهراء ..من غير كذب وتزليز..ماما فرحه مستحيل تقول هكي...

فرحه...اقسم بالله ثريا ماقلت ولا تكلمت...سمعتهم هما يتكلمو..

كيف بنتكلم ...بنقول شن قاالو...لفت القصة عليا ..زهراء..وسكتت
اسكتييي اسكتيي تبيها تنجلط..ولدها جايب بنت في جنبة وقاللهم هذي مرتي..
اقتنعي احني في ليبيا مش في سوريا ..احني ليبيا. مش اروبا ماما...
خالتي مش متحمله وجهك ..امشي من قداامها

قعدت شادينها  ويمشو فيها للفراش وتتنفس بعمق...واني احترت وين نمشي ..ساعات حتي جهاد مطلعش من طرابلس قعد...

فادية سااكته ..ولبني وغزلان مهناش...فجأة ..هكي بدت عمتي تشهق ...بقووة ..واني خاايفه ..خفت تنجلط من جديد ولا اتجيها دبحة صدرية..لانه قالو ضاربتها جلطه لما جهاد انفقد ...

واقفة...ونضغط في اصاابعي في بعض...ومراات انحطهم علي وجهي ..

ثرياا...جييبووو عططر ولا جيبوو حاجه ...دااخت ...

زهراء...انتي متتحشميش وااقفه ..

اتكلم .. فيا مشيت نجري لشنطي طلعت عطر ..وعطيته لثريا. . اتبخ في ايدها وتشمم فيها  وتبخ علي ايديها ...
ويضربو علي خدودها ...

سلمى تقول هيا شن قالت وهكي صار ياام خييرك
وثريا وفادية شادينها

قعمزت ...شربت مية وتشبحلي...اني في شعور وموقف ..مننحسدش اعليه...لو نمشي بيقولو ..مستحليتها ومشت مش هامتها ...ولو نقعد بنسمع كلاام يجرحني