نـجـم شـمـال(رويات ليبية)

حلقة51🔥

رواية نجم الشمال

البارت 51

من اضمك بالحلم اتمنه ليلي يطووول
ملاقه الملتحق واهله اليودعونه

وربعنه وناسنه وكل اليحبون
احنا اثنين بس واحد يشوفونه

#نجم_الشمال_الجزء_الثاني

#جميلة_جاسم

لبنى.... مقعمزين كلنا وامي كل مرة تفقد الوعي ..فجأة هكي انقلبت حياتنا ...لانه في ليبيا والعصابات الاجرامية صار فينا هكي...

نتفكر لما جي امين واني في الروضة رائد وسما في حجري ..ومفكرة لو جي بوهم بنعتدر منه لانه من اخر مرة في يوم الحفله معش شبحته..ولا تكلمت معاه ..

حطيتهم وطلعت من غير ما نودعهم حاسة بعد خطفة ثريا.   اني معش بنرجع ولا عاد بنشتغل بالاصل...

الي المغرب وبعده الساعه عشرة ونص كلم جهاد سلمى...

واقفين كلنا ونترقبو في اي خبر

سلمى تكلم وحاطه ايدها علي قلبها...لين قالت اااااه الحمد الله ياربي كويسة مافيها شي كويسة ...

فادية قعمزت من الخلعه اول مرة نشبح فادية منهارة ..تانيب الضمير اصعب من الخطأ نفسه ...

سكرت سلمى...  واحني نسألوو فيها  وقالت مافيها شي لقوها وقال صايرة رماية البسي يجيبك امين للمستشفى
لانه ماشي هو غادي

ام جهاد....والله الا اندرا شن فيها مدامه مستشفى اني عارفه

سلمى...قولي الحمد الله يااام الحمد الله لقوها ومافيها شي ولا طلبو فلوس ولا عطلت ايام برى الحوش بنت هذي بنت

فادية...بنمشي معاك سلمى

لبنى...حتي اني

سلمى....فكيني وخييتي منه اقعدو اهنايا قالي تعالي بروحك

فرحه...خلاص بناويت الحمد الله في سلامتها خلوها تمشي سلمى واخلاص المهم البنت طلعت منها

طلعت سلمى...وقعدنا نستنو فيهم عقلي مع جهاد شن صااير فيه من فترة يشكي من راسه حمودة رقد في غمري (حضني ) نمشي ونجي بين الديار والصاله  وضهري بينقسم علي زوز ...

ساعه اتنين قريب الواحد ولا واحد بين فيهم

اخر شي كلمتنا سلمى قالت بايتيين  واحتمال نطلعو موخر قعدنا مستغربين شن صااير قلبي شادني معش قدرت بديت نتخيييل ..

فادية اتخش لدار تكلم وتطلع وجها متغيير حسيت في شي تعرف شي اكيدة مهيمن قايل شي ..

شديتها مع ايدها ...ولبنى قعدت جنب عمتي ...وخشيت بيها لداار

فاادية تكلمي شن فييه قلبي شادني حاسة انه صاااير شي ... تكلميي خييرك تحركي فعيونك
جهاد في شي
ثريا دارولها شي
قوولي سكري علي سبله بنموت يوم من الايام من الهم...